完整藏文原文 · 德格版页 当前仅加载第 52 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བྱང་ཆུབ་སེམས་དཔའ་རྣམས་ལྷགས་ཏེ། ང་ལ་ཤིན་ཏུ་ཟབ་མོའི་དོན་དྲིས་པའི་ཚིག་གི་རྣམ་གྲངས་དང་། དོན་དང་ཡོན་ཏན་ཡང་འདི་དང་འདྲ་སྟེ་ཐ་མི་དད་དོ། །གང་གིས་འདི་སྐད་དུ་འདྲི་བ་ནི་སེམས་ཅན་ཚད་མེད་པ་སྙེད་ལ་ཕན་པ་དང་། བདེ་བའི་དོན་དུ་སྤྱོད་པ་
D119.052.0041b01.01ཡིན་ནོ། །དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་ཤེས་རབ་མ་མཆིས་པས་འདི་ལྟ་བུ་ཤིན་ཏུ་ཟབ་མོའི་དོན་དྲི་བའི་མཐུ་མ་མཆིས་སོ། །བཅོམ་ལྡན་འདས་འདི་ལྟ་སྟེ་དཔེར་ན་སྦྲང་བུ་དག་
D119.052.0041b02.01ནི་རྒྱ་མཚོའི་ཕ་རོལ་དུ་འཕུར་ནུས་པའི་མཐུ་འམ་ནམ་མཁའི་དབྱིངས་ཀུན་ཏུ་ཕྱིན་པའི་མཐུ་མ་མཆིས་སོ། །བདག་ཀྱང་དེ་དང་འདྲ་བར་དེ་བཞིན་གཤེགས་པའི་ཡེ་ཤེས་ཀྱི་རྒྱ་མཚོའི་ཆོས་ཉིད་ནམ་མཁའ་ལྟ་བུ་ཤིན་ཏུ་ཟབ་མོའི་དོན་དྲི་བའི་མཐུ་མ་མཆིས་སོ། །བཅོམ་ལྡན་
D119.052.0041b03.01འདས་དཔེར་ན་རྒྱལ་པོའི་གཙུག་ཕུད་ལ་འདོགས་པའི་ནོར་བུ་རིན་པོ་ཆེ་བང་མཛོད་སྲུང་བའི་བློན་པོ་ལ་བཞག་ན་བློན་པོ་དེས་སྤྱི་བོས་ལེན་ཏེ་སྲུང་བའི་དམ་བཞག་ཆེར་བགྱིད་དོ། །བདག་ཀྱང་དེ་བཞིན་དུ་དེ་བཞིན་གཤེགས་པས་གསུངས་པའི་དོན་ཤིན་ཏུ་རྒྱས་པའི་དོན་ཟབ་མོ་འདི་སྤྱི་
D119.052.0041b04.01བོས་ལེན་ཏེ་སྲུང་བའི་ནན་ཏན་ཆེར་བགྱིད་དོ། །དེ་ཅིའི་སླད་དུ་ཞེ་ན། བདག་གིས་ཤེས་རབ་ཤིན་ཏུ་ཟབ་མོ་བསྒྲུབ་པའི་སླད་དུའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་ཤིན་ཏུ་ལེགས་པར་ཉོན་ཅིག་དང་། དེ་བཞིན་
D119.052.0041b05.01གཤེགས་པའི་སྐུ་ཚེ་རིང་བའི་ལས་ཁྱོད་ལ་བཤད་དོ། །བྱང་ཆུབ་སེམས་དཔས་ལས་དེའི་རྒྱུ་དང་རྐྱེན་ཐོས་པས་ཚེ་རིང་བར་འགྱུར་གྱིས་དེ་བས་ན་ཤིན་ཏུ་ལེགས་པར་ཉོན་ཅིག །ཅི་ཙམ་དུ་ལས་གང་གིས་བྱང་ཆུབ་ཀྱི་རྒྱུར་འགྱུར་བ་དེ་ལ་ནི་ཤིན་ཏུ་ལེགས་པར་གཟུང་ཞིང་མཉན་པར་
D119.052.0041b06.01བྱའོ། །ཐོས་ནས་ཀྱང་གཞན་ལ་རྒྱ་ཆེར་བསྟན་པར་བྱའོ། །རིགས་ཀྱི་བུ་ངས་ཀྱང་སྔོན་ལས་དེ་དག་སྒྲུབ་པའི་ནན་ཏན་ཤིན་ཏུ་བྱས་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ཏེ། དེ་ཡང་ཁྱོད་ལ་རྒྱས་པར་བཤད་པར་བྱའོ།
D119.052.0041b07.01