完整藏文原文 · 德格版页 当前仅加载第 52 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་དོན་ལ་ཤིན་ཏུ་མཁས་པའི་ཕྱིར། ཡོན་ཏན་ཆེན་པོ་དང་ལྡན་པས་གཞན་གྱིས་མི་ཐུབ་པའི་ཕྱིར། གྲགས་པ་ཆེན་པོ་ཕྱོགས་བཅུར་གྲགས་པའི་ཕྱིར། སྦྱིན་པ་རྣམ་པ་སྣ་ཚོགས་བྱིན་པའི་ཕྱིར། བསྐལ་པ་ཚད་མེད་གྲངས་མེད་པའི་བར་དུ་བུད་མེད་
D119.052.0284a01.01ཀྱི་དབང་པོ་སྐྱུགས་པ་ལྟ་བུར་བོར་བའི་ཕྱིར་རོ། །རིགས་ཀྱི་བུ་གལ་ཏེ་སྐྱེས་པའམ་བུད་མེད་གང་ཞིག་གིས་དེ་ལྟར་སངས་རྒྱས་རྗེས་སུ་དྲན་པ་བསྒོམས་ན། འགྲོའམ་སྡོད་དམ་འདུག་གམ་ཉལ་ལམ་སྣང་ངམ་མུན་པར་གྱུར་ཀྱང་། ཉིན་མཚན་རྟག་ཏུ་སངས་རྒྱས་མཐོང་
D119.052.0284a02.01བ་དང་མི་འབྲལ་ལོ། །རིགས་ཀྱི་བུ་ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ་ནས་བཅོམ་ལྡན་འདས་ཀྱི་བར་དུ་དེ་ལྟ་བུ་ཡོན་ཏན་ཚད་མེད་པ་དང་། གྲགས་པ་ཆེན་པོ་དང་ལྡན་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྔོན་
D119.052.0284a03.01བསྐལ་པ་ཚད་མེད་གྲངས་མེད་པའི་བར་དུ་ཕ་མ་དང་། མཁན་པོ་དང་། སློབ་དཔོན་དང་། བླ་མ་དང་། གོང་མ་རྣམས་ལ་རིམ་གྲོ་དང་བཀུར་སྟིར་བྱས། བསྐལ་པ་ཚད་མེད་གྲངས་མེད་པའི་བར་དུ་སེམས་ཅན་གྱི་ཕྱིར་སྦྱིན་པ་བྱིན་པ་དང་། ཚུལ་ཁྲིམས་བསྲུངས་པ་དང་།
D119.052.0284a04.01བཟོད་པ་བསྒོམས་པར་བྱས་པ་དང་། བརྩོན་འགྲུས་བརྩམས་པ་དང་། བསམ་གཏན་ལ་མཉམ་པར་བཞག་པ་དང་། ཤེས་རབ་ལ་ནན་ཏན་བྱས་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་ལ་ནན་
D119.052.0284a05.01ཏན་བྱས་པས་དེའི་ཕྱིར་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། རྡོ་རྗེ་ལྟ་བུའི་སྐུ་ཐོབ་པར་གྱུར་ཏོ། །གཞན་ཡང་བྱང་ཆུབ་སེམས་དཔའ་སྔོན་བསྐལ་པ་ཚད་མེད་གྲངས་མེད་པའི་བར་དུ་དད་པ་དང་། བརྩོན་འགྲུས་དང་། དྲན་པ་དང་།
D119.052.0284a06.01ཏིང་ངེ་འཛིན་དང་། ཤེས་རབ་ཀྱི་དབང་པོ་ལ་ནན་ཏན་བྱས་ཏེ། སློབ་དཔོན་དང་། བླ་མ་ལ་རིམ་གྲོ་དང་བཀུར་སྟིར་བྱས་ནས་དེ་ཡང་ཆོས་འདོད་པའི་ཕྱིར་གྱི། ཟས་དང་རྙེད་པ་འདོད་པའི་ཕྱིར་མ་ཡིན་ནོ། །བྱང་ཆུབ་སེམས་དཔའ་གལ་ཏེ་མདོ་སྡེ་བཅུ་
D119.052.0284a07.01