完整藏文原文 · 德格版页 当前仅加载第 52 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་དེ་ལྟ་བུ་དག་མཐོང་བར་རིག་པར་བྱའོ། །སྙིང་རྗེ་དང་དགའ་བའི་སེམས་ཀྱང་དེ་དང་འདྲའོ། །རིགས་ཀྱི་བུ་དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོའི་བྱམས་པའི་སེམས་ཡིད་ལ་བྱེད་པ་ནི་ཡང་དག་པ་སྟེ་{བརྫུན་,རྫུན་}པ་མ་ཡིན་ནོ། །རིགས་ཀྱི་བུ་
D119.052.0252b01.01ཚད་མེད་པ་ཡང་བསམ་གྱིས་མི་ཁྱབ་ལ། བྱང་ཆུབ་སེམས་དཔའི་སྤྱོད་པ་ཡང་བསམ་གྱིས་མི་ཁྱབ། སངས་རྒྱས་རྣམས་ཀྱི་མཛད་པ་ཡང་བསམ་གྱིས་མི་ཁྱབ། ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ཡང་བསམ་གྱིས་མི་ཁྱབ་བོ། །རིགས་ཀྱི་
D119.052.0252b02.01བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། སྙིང་རྗེ་ཆེན་པོ་དང་། དགའ་བ་ལ་ནན་ཏན་བྱས་ནས་བུ་གཅིག་པ་དང་འདྲ་བའི་ས་རབ་ཏུ་དགའ་བ་ལ་གནས་པར་འགྱུར་རོ། །རིགས་ཀྱི་བུ་དེ་ལ་ཅིའི་ཕྱིར་ན་ས་དེ་ལ་རབ་ཏུ་དགའ་བ་ཞེས་ཀྱང་བྱ་ལ་བུ་
D119.052.0252b03.01གཅིག་པ་དང་འདྲ་བ་ཞེས་ཀྱང་བྱ་ཞེ་ན། རིགས་ཀྱི་བུ་འདི་ལྟ་སྟེ། དཔེར་ན་ཕ་མས་བུ་བདེ་ཞིང་སྐྱིད་པར་མཐོང་ན་སེམས་རབ་ཏུ་དགའ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ས་དེ་ལ་གནས་པ་ཡང་དེ་དང་འདྲ་སྟེ། སེམས་ཅན་ཐམས་ཅད་ལ་བུ་གཅིག་
D119.052.0252b04.01པ་དང་འདྲ་བའི་ལྟ་བས་དགེ་བ་ལ་ནན་ཏན་བྱེད་པར་མཐོང་ན་རབ་ཏུ་དགའ་བའི་སེམས་སྐྱེ་སྟེ། དེ་བས་ན་ས་དེ་ནི་རབ་ཏུ་དགའ་བ་ཞེས་བྱའོ། །རིགས་ཀྱི་བུ་འདི་ལྟ་སྟེ། དཔེར་ན་ཕ་མས་བུ་ན་བ་མཐོང་ན་ཤིན་ཏུ་སྡུག་བསྔལ་བའི་སེམས་སྐྱེ་སྟེ། སྙིང་རྗེ་བས་མྱ་ངན་གྱི་སེམས་དང་
D119.052.0252b05.01ཅུང་ཟད་ཀྱང་མི་འབྲལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ས་དེ་ལ་གནས་པ་ཡང་དེ་དང་འདྲ་སྟེ། སོ་སོའི་སྐྱེ་བོ་དག་ཉོན་མོངས་པའི་ནད་ཀྱིས་ཡོངས་སུ་གཟིར་བ་མཐོང་ནས་བུ་དང་འདྲ་བར་སྙིང་བརྩེ་བས་མྱ་ངན་བྱེད་དེ། ལུས་ཀྱི་བ་སྤུའི་བུ་ག་ནས་ཁྲག་ཀྱང་ཟག་
D119.052.0252b06.01གོ། །དེ་བས་ན་ས་འདི་ནི་བུ་གཅིག་པ་ལྟ་བུ་ཞེས་ཀྱང་བྱའོ། །རིགས་ཀྱི་བུ་དཔེར་ན་བྱིས་པ་ཆུང་ངུ་ཤེད་མ་བྱེ་བ་ནི་བོང་བ་དང་། གསེག་མ་དང་། རུས་གོང་དང་། ཤིང་བུ་དང་། བཙོག་པའི་བག་ཀྱང་ལག་ཏུ་བླངས་ནས་ཁར་འཇུག་གོ། །དེའི་ཕ་མས་དེ་ལྟ་བུ་དག་མཐོང་ན་
D119.052.0252b07.01