完整藏文原文 · 德格版页 当前仅加载第 52 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ནད་ཐམས་ཅད་གསོ་བའི་ཕྱིར་སྨན་རྣམ་པ་མང་པོ་སྦྱོར་ཏེ། སྐྱུག་པ་དང་། འཁྲུ་བ་དང་། བསྐུ་བ་དང་། བདུག་པ་དང་། སྣར་བླུགས་པ་དང་། ཕྱེ་མ་དང་། རིལ་བུ་ལ་སོགས་པ་སྦྱོར་རོ། །གལ་ཏེ་མི་དབུལ་པོ་སྨན་མི་འདོད་པ་ཞིག་ན་ཡང་སྨན་པས་དེ་ལ་སྙིང་བརྩེ་
D119.052.0146b01.01བའི་ཕྱིར་ཁྱིམ་དུ་ཁྲིད་ནས་ནན་གྱིས་སྨན་བླུད་དེ། ནད་འཚོ་བར་བྱེད་དོ། །གལ་ཏེ་བུད་མེད་བུ་བཙས་པ་ཞིག་ཤ་མ་མ་ཕྱིན་ན་ཡང་དེ་ལ་སྨན་གཏོང་སྟེ། ཤ་མ་ཡང་བྱུང་ལ་བུ་ཡང་བདེ་བར་བཙའ་བར་བྱེད་དོ། །ཐེག་པ་ཆེན་པོའི་མདོ་སྡེ་མྱ་ངན་ལས་འདས་པ་ཆེན་པོ་
D119.052.0146b02.01འདི་ཡང་དེ་དང་འདྲ་སྟེ། གནས་གང་དང་གང་ན་ཡོད་པ་དེ་དང་དེ་དག་ཏུ་སེམས་ཅན་གྱི་ཉོན་མོངས་པ་ཚད་མེད་པ་སྙེད་ཞི་བར་བྱེད་དེ། ཕས་ཕམ་པ་བཞི་ཉམས་པ་དང་། མཚམས་མེད་པ་ལྔ་བྱས་པ་དང་། སེམས་མ་བསྐྱེད་པ་ཡང་སེམས་བསྐྱེད་པར་འགྱུར་ན་ལོག་
D119.052.0146b03.01སྲེད་ཅན་ནི་མ་གཏོགས་སོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཕས་ཕམ་པ་བཞི་ཉམས་པ་དང་། མཚམས་མ་མཆིས་པ་ལྔ་བགྱིས་པ་དག་ནི་ཇི་ལྟར་ཤིང་ཏ་ལའི་མགོ་བཅད་ན་ཕྱིར་མི་སྐྱེ་བ་དང་འདྲ་སྟེ། དེ་
D119.052.0146b04.01དག་བྱང་ཆུབ་ཏུ་སེམས་མ་བསྐྱེད་པ་ཅིའི་སླད་དུ་བྱང་ཆུབ་ཀྱི་རྒྱུར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་དེ་དག་གལ་ཏེ་རྨི་ལམ་ན་སེམས་ཅན་དམྱལ་བར་ལྟུང་སྟེ། སྡུག་བསྔལ་མང་པོ་མྱོང་བ་རྨིས་ན་འགྱོད་པའི་སེམས་སྐྱེས་ཏེ།
D119.052.0146b05.01ཀྱི་ཧུད་བདག་ཅིའི་ཕྱིར་འདི་འདྲ་བའི་སྡིག་པ་མྱོང་བར་འགྱུར། བདག་ཅི་སྟེ་སྡིག་པ་འདི་ལས་ཐར་ན་གདོན་མི་ཟ་བར་བྱང་ཆུབ་ཏུ་སེམས་བསྐྱེད་པར་བྱའོ། །ད་ལྟར་མྱོང་བ་འདི་ནི་རབ་ཏུའང་སྡུག་བསྔལ་བའོ་སྙམ་བསམས་ནས་དེ་ནས་སད་དེ་དམ་པའི་ཆོས་ལ་འབྲས་བུ་
D119.052.0146b06.01ཆེན་པོ་དང་ལྡན་པར་ཤེས་སོ། །ཇི་ལྟར་བུ་ཆུང་ངུ་བགས་ཀྱིས་ཆེར་སྐྱེས་ཀྱི་བར་དུ་རྟག་ཏུ་འདི་སྙམ་དུ་སེམས་ཏེ། སྨན་པ་དེ་ནི་སྨན་ལ་ཤིན་ཏུ་མཁས་སོ། །བདག་མངལ་ན་འདུག་པ་ལས་བདག་གི་མ་ལ་སྨན་གཏོང་བས་སྨན་གྱི་མཐུས་བདེ་བར་གྱུར་ཏེ། བདག་ཀྱང་
D119.052.0146b07.01