完整藏文原文 · 德格版页 当前仅加载第 52 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་ནི་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་མཐའ་མེད་པའོ། །དཔེར་ན་གྲོང་ཁྱེར་ནི་མཐའ་ཡོད་དེ། རྣམ་པར་གྲོལ་བ་ནི་དེ་ལྟ་བུ་མ་ཡིན་ནོ། །དཔེར་ན་ནམ་མཁའ་ནི་
D119.052.0078a01.01མཐའ་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ་མཐའ་མེད་དོ། །དེ་བས་ན་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་བལྟར་མེད་པའོ། །འདི་ལྟ་སྟེ། ནམ་མཁའ་སྟོང་པ་ལ་བྱའི་རྗེས་ཤིན་ཏུ་བལྟ་བར་དཀའོ། །ཤིན་ཏུ་
D119.052.0078a02.01བལྟ་བར་དཀའ་བ་ནི་ཡང་དག་པར་རྣམ་པར་གྲོལ་བའི་དཔེའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ཤིན་ཏུ་ཟབ་པ་ཞེས་བྱའོ། །དེ་ཅིའི་ཕྱིར་ཞེ་ན། ཉན་ཐོས་དང་རང་སངས་རྒྱས་ཐམས་ཅད་ཀྱིས་འཇུག་མི་ནུས་
D119.052.0078a03.01པའི་ཕྱིར་རོ། །འཇུག་མི་ནུས་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་ཤིན་ཏུ་ཟབ་པ་ཞེས་བྱ་བ་ནི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བསྟི་སྟང་བྱེད་པའོ། །དཔེར་ན་བུ་སྲི་ཞུ་ཆེ་
D119.052.0078a04.01བ་དག་ནི་ཕ་མ་ལ་ཤིན་ཏུ་བསྟི་སྟང་དང་བཀུར་སྟི་བྱེད་དེ། བསོད་ནམས་ཤིན་ཏུ་ཟབ་བོ། །བསོད་ནམས་ཤིན་ཏུ་ཟབ་པ་དེ་ནི་ཡང་དག་པར་རྣམ་པར་གྲོལ་བའི་དཔེའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་
D119.052.0078a05.01བ་ནི་བལྟར་མི་མཐོང་བའོ། །དཔེར་ན་མི་དག་བདག་གི་སྤྱི་བོ་མི་མཐོང་བ་བཞིན་དུ་རྣམ་པར་གྲོལ་བ་ཡང་དེ་དང་འདྲ་སྟེ། ཉན་ཐོས་དང་རང་སངས་རྒྱས་ཐམས་ཅད་ཀྱིས་བལྟར་མི་མཐོང་ངོ་། །བལྟར་མི་མཐོང་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་
D119.052.0078a06.01གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་གནས་དང་རྟེན་མེད་པའོ། །དཔེར་ན་ནམ་མཁའ་ནི་གནས་དང་རྟེན་མེད་དེ། རྣམ་པར་གྲོལ་བ་ཡང་དེ་དང་འདྲའོ། །གནས་དང་རྟེན་ཞེས་བྱ་བ་ནི་སྲིད་པ་ཉི་ཤུ་རྩ་ལྔ་པོའི་དཔེའོ། །གནས་དང་རྟེན་མེད་པ་
D119.052.0078a07.01