完整藏文原文 · 德格版页 当前仅加载第 52 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སོ་ཞེས་ཀྱང་གསུངས། སྐབས་ཁ་ཅིག་ཏུ་ནི་མི་རྟག་པ་ལ་བསྒོམ་པ་ལམ་ལགས་སོ་ཞེས་ཀྱང་གསུངས་ཏེ། དེ་ཡང་དགེ་སློང་རྣམས་ལ་བཀའ་སྩལ་པ། གང་ཞིག་མི་རྟག་པ་ལ་མང་དུ་བསྒོམས་ན་བླ་ན་མེད་པ་ཡང་དག་པར་རྫོགས་པའི་
D119.052.0205a01.01བྱང་ཆུབ་ཏུ་མངོན་པར་འཚང་རྒྱའོ་ཞེས་ཀྱང་གསུངས། སྐབས་ཁ་ཅིག་ཏུ་ནི་ཤིན་ཏུ་དབེན་པའི་བས་མཐར་གཅིག་པུ་གནས་ཏེ་ཡིད་ལ་བྱས་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ་ཞེས་ཀྱང་གསུངས། སྐབས་ཁ་ཅིག་ཏུ་ནི་ཕ་
D119.052.0205a02.01རོལ་པོ་གཞན་ལ་ཆོས་བསྟན་པ་ནི་ལམ་ལགས་ཏེ་ཆོས་ཐོས་པས་ཐེ་ཙོམ་གྱི་དྲ་བ་ཆོད་པར་འགྱུར། ཐེ་ཙོམ་གྱི་དྲ་བ་ཆོད་པས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ་ཞེས་ཀྱང་གསུངས། སྐབས་ཁ་ཅིག་ཏུ་ནི་ཚུལ་ཁྲིམས་
D119.052.0205a03.01བསྲུངས་པ་ནི་ལམ་ལགས་སོ་ཞེས་གསུངས་ཏེ། དེ་ཡང་དགའ་བོ་ལ་བཀའ་སྩལ་པ། དགའ་བོ་གང་ཞིག་ཚུལ་ཁྲིམས་སྲུང་བ་ལ་ཤིན་ཏུ་ནན་ཏན་བྱས་ན་གང་ཟག་དེ་ནི་འཁོར་བའི་རྒྱ་མཚོ་ལས་རྒལ་བར་འགྱུར་རོ་ཞེས་ཀྱང་གསུངས། སྐབས་ཁ་ཅིག་ཏུ་ནི་དགེ་
D119.052.0205a04.01བའི་བཤེས་གཉེན་ལ་བསྟེན་པ་ནི་ལམ་ལགས་སོ་ཞེས་གསུངས་ཏེ། དེ་ཡང་དགའ་བོ་ལ་བཀའ་སྩལ་པ། གང་ཞིག་དགེ་བའི་བཤེས་གཉེན་ལ་བསྟེན་ན་ཚུལ་ཁྲིམས་ཡོངས་སུ་དག་པར་འགྱུར་ཏེ། སེམས་ཅན་གང་ཞིག་ང་ལ་བསྙེན་བཀུར་བྱས་ན་བླ་ན་མེད་པ་ཡང་དག་
D119.052.0205a05.01པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་རོ་ཞེས་ཀྱང་གསུངས། སྐབས་ཁ་ཅིག་ཏུ་ནི་བྱམས་པ་བསྒོམ་པ་ནི་ལམ་ལགས་ཏེ། བྱམས་པ་བསྒོམས་ན་ཉོན་མོངས་པ་ཐམས་ཅད་ཆོད་ཅིང་མི་གཡོ་བའི་གནས་ཐོབ་པར་འགྱུར་རོ་ཞེས་ཀྱང་གསུངས། སྐབས་
D119.052.0205a06.01ཁ་ཅིག་ཏུ་ནི་ཤེས་རབ་ནི་ལམ་ལགས་སོ་ཞེས་གསུངས་ཏེ། དེ་ཡང་སྔོན་བཅོམ་ལྡན་འདས་ཀྱིས་དགེ་སློང་མ་སྐྱེ་དགུའི་བདག་མོའི་སླད་དུ་ཕུ་ནུ་མོ་གསུངས་པ་དང་། ཉན་ཐོས་རྣམས་ཀྱང་ཤེས་རབ་ཀྱི་མཚོན་གྱིས་སྲིད་པའི་ཟག་པ་དང་བཅས་པའི་ཉོན་
D119.052.0205a07.01