完整藏文原文 · 德格版页 当前仅加载第 52 函德格 328a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བ་བཞིན་དུ་མྱ་ངན་ལས་འདས་པ་ཆེན་པོའི་སྒྲོན་མ་ཡང་དེ་དང་འདྲ་སྟེ། བྱང་ཆུབ་སེམས་དཔས་འཛིན་ན་ཐེག་པ་ཆེན་པོའི་དོན་ཟབ་མོ་གསལ་དཀའ་བ་མཐོང་བར་འགྱུར་རོ། །གཞན་ཡང་ཇི་ལྟར་ཉི་མ་ཤར་བ་ན་འོད་སྣང་བ་སྟོང་ཡོད་པ་དེས་རི་རྣམས་ཀྱི་
D119.052.0328a01.01སུ་ལ་ཟབ་མོ་མུན་པ་ཅན་ཀུན་སྣང་བར་བྱེད་དེ། སྐྱེ་བོ་ཐམས་ཅད་ཀྱིས་རྒྱང་རིང་པོ་ནས་རྫས་རྣམས་མཐོང་བ་བཞིན་དུ་མྱ་ངན་ལས་འདས་པ་ཆེན་པོའི་ཡོངས་སུ་དག་པའི་ཤེས་རབ་ཀྱི་ཉི་མ་ཡང་དེ་དང་འདྲ་སྟེ། ཐེག་པ་ཆེན་པོས་ཤིན་ཏུ་ཟབ་མོའི་གནས་སྣང་བར་བྱེད་དེ། ཉན་ཐོས་
D119.052.0328a02.01དང་། རང་སངས་རྒྱས་ཀྱི་ཐེག་པ་བས་རྒྱང་རིང་པོ་ནས་སངས་རྒྱས་ཀྱི་བྱང་ཆུབ་མཐོང་བར་བྱེད་དོ། །དེ་ཅིའི་ཕྱིར་ཞེ་ན། མྱ་ངན་ལས་འདས་པ་ཆེན་པོའི་མདོ་སྡེ་དམ་པ་མཉན་ཅིང་འཛིན་པའི་ཕྱིར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དེ་ལྟར་མྱ་ངན་
D119.052.0328a03.01ལས་འདས་པ་ཆེན་པོའི་མདོ་ཉན་ཏམ་འཛིན་ན་ཆོས་ཐམས་ཅད་ཀྱི་རྣམ་གྲངས་རྟོགས་པར་འགྱུར་རོ། །གལ་ཏེ་ཡི་གེར་བྲིས་སམ། ཀློག་གམ། འདོན་ཏམ། ཁོང་དུ་ཆུད་པར་བྱེད་དམ། གཞན་ལ་རྒྱས་པར་སྟོན་ཏམ། དོན་ཡིད་ལ་བྱེད་ན་ཆོས་ཐམས་ཅད་ཀྱི་
D119.052.0328a04.01དོན་ཚུལ་བཞིན་དུ་རྟོགས་པར་འགྱུར་རོ། །རིགས་ཀྱི་བུ་གང་ཉན་ཅིང་འཛིན་པ་དེས་ནི་རྣམ་གྲངས་འབའ་ཞིག་ཤེས་ཀྱི། དོན་འདི་ཉིད་མི་རྟོགས་སོ། །གང་ཡི་གེར་བྲིས་སམ། གཟུངས་སུ་འཛིན་ཏམ། ཀློག་གམ། འདོན་ཏམ། གཞན་ལ་རྒྱས་པར་སྟོན་
D119.052.0328a05.01ཏམ། དོན་ཡིད་ལ་བྱེད་ན། དོན་ཉིད་རྟོགས་པར་འགྱུར་རོ། །གཞན་ཡང་རིགས་ཀྱི་བུ་མདོ་སྡེ་འདི་མཉན་པས་ན་སངས་རྒྱས་ཀྱི་རང་བཞིན་ཡོད་པར་ཐོས་ཀྱི་མཐོང་བར་ནི་མི་ནུས་སོ། །ཡི་གེར་བྲིས་ཤིང་ཀློག་གམ། འདོན་ཏམ། གཞན་ལ་རྒྱས་པར་སྟོན་
D119.052.0328a06.01ཏམ། དོན་ཡིད་ལ་བྱེད་ན་དེས་ནི་མཐོང་བར་འགྱུར་རོ། །མདོ་སྡེ་འདི་མཉན་པ་ཙམ་གྱིས་སྦྱིན་པ་ཐོབ་པར་འགྱུར་གྱིས། སྦྱིན་པའི་ཕ་རོལ་ཏུ་ཕྱིན་པ་མཐོང་བ་ནི་མ་ཡིན་ནོ། །མདོ་སྡེ་འདི་ཡི་གེར་བྲིས་ཤིང་འདོན་ཏམ། ཀློག་གམ། གཞན་ལ་ཡང་རྒྱས་
D119.052.0328a07.01