完整藏文原文 · 德格版页 当前仅加载第 52 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
རེ་ཞིག་མྱ་ངན་མ་བྱེད་ཅིག །ཆོས་ལ་རྣམ་པ་གཉིས་ཏེ། རབ་ཏུ་བྱུང་བ་དང་། རྒྱལ་པོའི་ཆོས་སོ། །རྒྱལ་པོའི་ཆོས་ཞེས་བྱ་བ་ནི་ཕ་བསད་པས་རྒྱལ་པོའི་ཡུལ་འདིར་མཚམས་མེད་པའི་ལས་ཞེས་བྱ་མོད་ཀྱི། ཁ་ན་མ་ཐོ་བའི་སྡིག་པར་མི་འགྱུར་རོ། །དཔེར་
D119.052.0298a01.01ན་སྲིན་བུ་ཀ་ཀ་ལ་ལྟ་བུ་མའི་གསུས་པ་བརྟོལ་ནས་གདོད་སྐྱེས་ཏེ་ཆོས་ཉིད་ཀྱིས་དེ་ལྟར་སྐྱེ་བས་ན། དེ་ལྟར་མའི་ལུས་མ་རུང་བར་བྱས་མོད་ཀྱི་སྡིག་པར་མི་འགྱུར་ཏེ། དྲེའུ་ལ་སོགས་པ་བུ་འབྱུང་བ་ཡང་དེ་དང་འདྲའོ། །རྒྱལ་པོའི་སྲིད་ཀྱི་ཆོས་ཀྱང་ཆོས་ཉིད་ཀྱིས་དེ་ལྟ་བུ་ཡིན་པས་
D119.052.0298a02.01དེ་ལྟར་རྒྱལ་པོས་ཕ་བསད་ཀྱང་སྡིག་པར་མི་འགྱུར་རོ། །རབ་ཏུ་བྱུང་བའི་ཆོས་ནི་ཆུང་ངུ་ན་གྲོག་སྦུར་ཙམ་བསད་ན་ཡང་སྡིག་པར་འགྱུར་བ་དང་མི་འདྲ་ན་རྒྱལ་པོ་ཆེན་པོ་རེ་ཞིག་མྱ་ངན་མ་བྱེད་ཅིག །དེ་ཅིའི་ཕྱིར་ཞེ་ན། རྟག་ཏུ་མྱ་ངན་གང་བྱེད་པ། །མྱ་ངན་ཕྱིར་ཞིང་སྐྱེ་བར་འགྱུར། །
D119.052.0298a03.01ཇི་ལྟར་གཉིད་ལ་དགའ་བ་ཡང་། །ཕྱིར་ཞིང་དེ་བཞིན་གཉིད་ཆེར་འགྱུར། །དེ་བཞིན་འདོད་ཆགས་སྲེད་པ་དང་། །ཆང་དད་ཆེ་བའང་རིག་པར་བྱ། །རྒྱལ་པོ་གསུང་བ་ལྟར་ལུས་དང་སེམས་གསོ་བའི་སྨན་པ་མཁས་པ་མེད་དོ་ཞེས་བྱར་མི་རུང་སྟེ། ད་ལྟར་སྟོན་པ་ཆེན་པོ་
D119.052.0298a04.01ཕྱུགས་ལྷས་ཀྱི་བུ་མས་ཀ་རི་ཞེས་བྱ་བ་ཐམས་ཅད་མཁྱེན་པ། ཐམས་ཅད་གཟིགས་པ། སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་བྱམས་པ། ཉོན་མོངས་པ་ཡོངས་སུ་སྤངས་པ། སེམས་ཅན་ཐམས་ཅད་ཀྱི་གདུག་པ་གསུམ་གྱི་ཟུག་རྔུ་འབྱིན་པ། སེམས་
D119.052.0298a05.01ཅན་ཐམས་ཅད་ཀྱིས་མི་ཤེས། མི་མཐོང་། མི་རྟོགས་པའི་ཆོས་ཐམས་ཅད་སྟོན་པ་ཆེན་པོ་དེ་གཅིག་པུས་མཁྱེན་ཅིང་གཟིགས་ཏེ། རྟོགས་པས་ཉེ་གནས་རྣམས་ལ་རྟག་ཏུ་ཆོས་འདི་སྐད་ཅེས་སྟོན་ཏོ། །སེམས་ཅན་ཐམས་ཅད་ཀྱི་ལུས་ནི་ཕྱོགས་ཆ་རྣམ་པ་བདུན་
D119.052.0298a06.01ཏེ། བདུན་གང་ཞེ་ན། ས་དང་། ཆུ་དང་། མེ་དང་། རླུང་དང་། སྡུག་བསྔལ་དང་། བདེ་བ་དང་། འཚོ་བའི་སྲོག་གོ། །དེ་ལྟར་ཆོས་བདུན་པོ་དེ་ནི་སྤྲུལ་པའམ་བྱས་པ་མ་ཡིན་ཏེ་གཞིག་ཏུ་མི་རུང་ངོ་། །དཔེར་ན་རྩ་ཨི་ཤི་ཀ་ནི་རྟག་ཏུ་གནས་ཏེ་མི་གཡོའོ། །རི་རབ་རིའི་རྒྱལ་པོ་
D119.052.0298a07.01