完整藏文原文 · 德格版页 当前仅加载第 52 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མི་ཉམས་པར་བགས་ཀྱིས་སའི་ནང་དུ་ནུབ་པར་འགྱུར་ཏེ། དེ་དག་ལས་ཁ་ཅིག་ནི་དད། ཁ་ཅིག་ནི་མི་དད་དོ། །དེ་ནས་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ཟིལ་དངར་གྱི་རོ་དང་ལྡན་པ་ཐམས་ཅད་སའི་ནང་དུ་ནུབ་པར་འགྱུར་རོ། །མདོ་སྡེ་འདི་ནུབ་
D119.052.0154a01.01ནས་ཐེག་པ་ཆེན་པོའི་མདོ་སྡེ་གཞན་ཐམས་ཅད་ཀྱང་ནུབ་ཅིང་མེད་པར་གྱུར་ཏོ། །གལ་ཏེ་མདོ་སྡེ་འདིའི་ཕུན་སུམ་ཚོགས་པ་མི་ཉམས་པ་མིའི་ནང་ན་གླང་པོ་ཆེའི་རྒྱལ་པོ་ལྟ་བུ་བྱང་ཆུབ་སེམས་དཔའ་ལ་སོགས་པས་ནི་དེ་བཞིན་གཤེགས་པའི་བླ་ན་མེད་པའི་དམ་པའི་ཆོས་རིང་པོར་མི་
D119.052.0154a02.01ཐོགས་པར་མེད་པར་འགྱུར་བ་ཤེས་སོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ད་ལྟར་ཙུན་དའི་ཐེ་ཙོམ་དུ་གྱུར་པ་བཅོམ་ལྡན་འདས་ཀྱིས་ཐེ་ཙོམ་བཅད་དུ་གསོལ། བཅོམ་ལྡན་འདས་ཀྱིས་བཀའ་སྩལ་
D119.052.0154a03.01པ། ཇི་ལྟར་ཐེ་ཙོམ་དུ་གྱུར་པ་སྨྲོས་ཤིག་དང་། ཁྱོད་ཀྱི་ཐེ་ཙོམ་བསལ་བར་བྱའོ། །འཇམ་དཔལ་གྱིས་གསོལ་པ། སངས་རྒྱས་ཀྱི་རང་བཞིན་འཚལ་ཞིང་མཐོང་བའི་དུས་ན་དེ་བཞིན་གཤེགས་པ་རྟག་པ་ལགས་ལ། སངས་རྒྱས་ཀྱི་རང་བཞིན་མཐོང་བས་རྟག་པ་ཞེས་བགྱི་ན་
D119.052.0154a04.01མ་མཐོང་བའི་སྔོན་རོལ་ན་རྟག་པ་མ་ལགས་སམ། ཐོག་མ་ནས་མི་རྟག་པ་ཞིག་ལགས་ན་ནི་ཕྱིས་ཀྱང་མི་རྟག་པར་འགྱུར་བའི་རིགས་སོ། །དེ་ཅིའི་སླད་དུ་ཞེ་ན། དཔེར་ན་འཇིག་རྟེན་གྱི་རྫས་ལྟ་བུ་ཐོག་མ་ནས་མ་མཆིས་པ་ཞིག་ལགས་ལ། ད་མཆིས་པར་རུང་ན་མཆིས་ནས་ཀྱང་
D119.052.0154a05.01སླར་མ་མཆིས་པར་འགྱུར་ཏེ། དངོས་པོ་ཐམས་ཅད་ནི་རྟག་པ་མ་ལགས་སོ། །དེ་བས་ན་སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་རང་སངས་རྒྱས་ལ་སོགས་པ་ཡང་དེ་དང་བྱེ་བྲག་མ་མཆིས་སོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་
D119.052.0154a06.01པ། ཐོག་མ་ཡོད་ལ་ད་ལྟར་མེད། །ཐོག་མ་མེད་ལ་ད་ལྟར་ཡོད། །དུས་གསུམ་སྲིད་པའི་ཆོས་ཐམས་ཅད། །དེ་ལྟ་བུ་ནི་མ་ཡིན་ནོ། །རིགས་ཀྱི་བུ་དེ་བས་ན་སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་རང་སངས་རྒྱས་དག་ཐ་དད་པ་ཡང་ཡོད་ལ་ཐ་དད་པ་ཡང་མེད་
D119.052.0154a07.01