完整藏文原文 · 德格版页 当前仅加载第 52 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་སྐྱེས་པ་མ་ཡིན་ནོ། །གལ་ཏེ་ལྷན་ཅིག་མ་སྐྱེས་ན་རོ་རྣམ་པ་ལྔ་དུས་གཅིག་ཏུ་འབྱུང་བའི་རིགས་ཏེ། དུས་གཅིག་ཏུ་བྱུང་བ་ཡང་མ་ཡིན་མོད་ཀྱི་ངེས་པར་གཞན་ནས་འོངས་པ་ཡང་མ་ཡིན་ནོ། །དེ་བས་ན་འོ་མའི་ནང་ན་མངར་བའི་རོ་ཆེ་བས་སྔ་ནས་ཞོའི་མཚན་
D119.052.0124a01.01ཉིད་ཡོད་ཀྱང་རང་འགྱུར་བར་མི་ནུས་སོ། །དེ་བཞིན་དུ་མར་གྱི་སྙིང་པོའི་བར་དུ་རྒྱས་པར་རིག་པར་བྱའོ། །བ་རྩྭ་ཟོས་པ་དང་། ཆུ་འཐུངས་པའི་རྒྱུ་དང་། རྐྱེན་གྱིས་ཁྲག་ཏུ་འགྱུར་ཏེ། ཁྲག་ལས་འོ་མར་གྱུར་ཏོ། །གལ་ཏེ་རྩྭ་མངར་བ་ཟོས་ན་འོ་མ་ཡང་མངར་རོ། །གལ་
D119.052.0124a02.01ཏེ་རྩྭ་ཁ་བ་ཟོས་ན། འོ་མ་ཡང་ཁ་བར་འགྱུར་རོ། །གངས་ཀྱི་རི་ལ་རྩྭ་སྣུམ་པ་ཞེས་བྱ་བ་ཡོད་དེ། གལ་ཏེ་བས་ཟོས་ན་མར་གྱི་སྙིང་པོ་འབའ་ཞིག་ཏུ་འགྱུར་ཏེ། ཁ་དོག་སྔོན་པོའམ། སེར་པོའམ། དམར་པོའམ། དཀར་པོའམ། ནག་པོར་ནི་མི་མངོན་ནོ། །རྩྭ་
D119.052.0124a03.01གཞན་ཟོས་པའི་རྒྱུ་དང་། རྐྱེན་ལས་འོ་མའི་རོ་དང་། ཁ་དོག་ཀྱང་ཐ་དད་པར་འགྱུར་རོ། །བུས་པ་སོ་སོའི་སྐྱེ་བོ་དག་རིག་པ་དང་། མ་རིག་པའི་ལས་ཀྱི་རྒྱུ་དང་རྐྱེན་གྱི་མཚན་ཉིད་གཉིས་བསྐྱེད་དོ། །གལ་ཏེ་མ་རིག་པ་ལས་བཟློག་ན་རིག་པ་ཞེས་བྱ་སྟེ། དེ་བཞིན་དུ་ཆོས་
D119.052.0124a04.01ཐམས་ཅད་ཀྱང་དགེ་བ་དང་མི་དགེ་བ་ཞེས་བྱ་བ་མཚན་ཉིད་གཉིས་སུ་མེད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་འོ་མའི་ནང་ན་ཞོ་མཆིས་ཞེས་བགྱི་བའི་དོན་ཇི་ལྟ་བུ་ལགས། བཅོམ་
D119.052.0124a05.01ལྡན་འདས་ཅི་སྟེ་འོ་མའི་ནང་ན་ཞོའི་རང་བཞིན་ངེས་པར་མཆིས་ལ་ཤིན་ཏུ་ཕྲ་བས་མི་མཐོང་ན་ཅིའི་སླད་དུ་འོ་མའི་རྐྱེན་གྱིས་ཞོ་འབྱུང་ངོ་ཞེས་གསུངས། །ཆོས་ཐོག་མ་ནས་མ་མཆིས་ན་ནི་སྐྱེས་ཞེས་བགྱིར་རུང་ན། སྔ་ནས་མཆིས་པ་ཞིག་ལགས་ན་ཅིའི་སླད་དུ་སྐྱེས་ཞེས་བཀའ་སྩལ། ཅི་སྟེ་འོ་
D119.052.0124a06.01མའི་ནང་ན་ཞོའི་རང་བཞིན་མཆིས་པར་ངེས་ན་རྩི་ཤིང་ཐམས་ཅད་ཀྱི་ནང་ན་ཡང་འོ་མ་མཆིས་པའི་རིགས་སོ། །དེ་བཞིན་དུ་འོ་མའི་ནང་ན་ཡང་རྩི་ཤིང་མཆིས་པར་འགྱུར་རོ། །ཅི་སྟེ་འོ་མའི་ནང་ན་ངེས་པར་ཞོ་མ་མཆིས་པ་ཞིག་ལགས་ན་ཅིའི་སླད་དུ་འོ་མའི་རྐྱེན་གྱིས་ཞོ་འབྱུང་བར་འགྱུར། གལ་
D119.052.0124a07.01