完整藏文原文 · 德格版页 当前仅加载第 52 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ན་མ་ཐོ་བའི་ལས་བྱས་ནས་ཟླ་བ་གཅིག་གམ། ཞག་བཅོ་ལྔའི་བར་དུ་སྐྱབས་སུ་འགྲོ་བའམ་འཐོལ་བའམ། འགྱོད་པའི་སེམས་མི་སྐྱེ་བའི་གང་ཟག་དེ་ལ་སྦྱིན་པ་བྱིན་ན་ཡང་འབྲས་བུ་ཆེན་པོར་མི་འགྱུར་ཏེ། མཚམས་མེད་པ་ལྔའི་སྡིག་བྱས་པ་ཡང་དེ་དང་འདྲ་སྟེ།
D119.052.0162a01.01འགྱོད་པའི་སེམས་སྐྱེས་ལ། ཁོང་ནས་ངོ་ཚ་བ་དང་ཁྲེལ་བའི་སེམས་སུ་ལྡན་ཏེ། བདག་གིས་མི་དགེ་བའི་ལས་བྱས་པས་སྡུག་བསྔལ་ཆེན་པོ་མྱོང་བར་འགྱུར་རོ། །སྙམ་སེམས་ཏེ་དམ་པའི་ཆོས་རྣམ་པར་གཞག་པའི་ཕྱིར་མགོན་དང་སྐྱབས་བྱེད་ན་དེ་ཡང་མཚམས་མེད་པ་ལྔའི་སྡིག་
D119.052.0162a02.01བྱས་པ་མ་ཡིན་ནོ། །ཅི་སྟེ་དེ་ལ་སྦྱིན་པ་བྱིན་ན་ཚད་མེད་པའི་བསོད་ནམས་འཐོབ་པར་འགྱུར་རོ། །མཚམས་མེད་པའི་ལས་བྱས་ཀྱང་དམ་པའི་ཆོས་བསྲུང་བའམ། སྐྱབས་སུ་འགྲོ་བའི་སེམས་བསྐྱེད་པ་དེ་ལ་སྦྱིན་པ་བྱིན་ན། བསོད་ནམས་སུ་འགྱུར་བ་ནི་སྨོས་སུ་ཡང་མི་ཆོག་གོ། །རིགས་
D119.052.0162a03.01ཀྱི་བུ་གཞན་ཡང་འདི་ལྟ་སྟེ་དཔེར་ན་ཁ་ན་མ་ཐོ་བའི་ལས་ཆེན་པོ་བྱས་པ་དག་ཤིན་ཏུ་བརྟགས་པར་ཉོན་ཅིག་དང་། ཁྱོད་ལ་རྒྱས་པར་ཕྱེ་སྟེ་བཤད་པར་བྱའོ། །དེ་དག་འདི་སྙམ་དུ་སེམས་སྐྱེད་ཅིག །དམ་པའི་ཆོས་ཞེས་བྱ་བ་ནི་དེ་བཞིན་གཤེགས་པའི་སྙིང་པོ་སྟེ། དེ་བས་ན་བསྲུང་ཞིང་བསྐྱབ་
D119.052.0162a04.01པ་དང་རྣམ་པར་གཞག་པར་བྱའོ། །དེ་ལ་སྦྱིན་པ་བྱིན་པས་བསོད་ནམས་ཀྱི་འབྲས་བུ་མཆོག་འཐོབ་པར་འགྱུར་རོ། །རིགས་ཀྱི་བུ་དཔེར་ན་བུད་མེད་སྦྲུམ་མ་བུ་འབྱུང་དུ་ཉེ་བ་ཞིག་ཡུལ་དུ་མུ་གེ་བྱུང་སྟེ་འཁྲུགས་ནས་ཡུལ་གཞན་ཞིག་གི་ལྷའི་རྟེན་བཅས་པ་ཞིག་ཏུ་བུ་བཙས་ནས་ཕྱིས་བདག་
D119.052.0162a05.01གི་ཡུལ་ཉིད་ན་འཁྲུག་པ་ཡང་ཞི། ལོ་ཡང་རབ་ཏུ་ལེགས་སོ་ཞེས་གཏམ་ཐོས་ནས་བུ་ཁུར་དུ་ཁྱེར་ཏེ་ཕྱིར་བདག་གི་ཡུལ་དུ་ཆས་སོ། །དེའི་བར་དུ་ཆུ་ཆེན་པོ་བྲུག་ནས་བུ་ཁུར་དུ་ཁྱེར་ཏེ་ཆུ་རྒལ་མ་ནུས་པས་དེ་འདི་སྙམ་དུ་སེམས་ཏེ། བདག་ཅག་མ་སྨད་གཉིས་ལྷན་ཅིག་ཚེ་འཕོས་
D119.052.0162a06.01ཀྱང་བླའི། བུ་བོར་ཏེ་བདག་འབའ་ཞིག་ཆུ་རྒལ་བར་མི་བྱ་སྙམ་བསམ་པ་ལས་ཆུ་རྒལ་བ་ལས་མ་སྨད་གཉིས་ཆུའི་ནང་དུ་ཤིའོ། །ཤི་མ་ཐག་ཏུ་མཐོ་རིས་ཀྱི་ལྷར་སྐྱེས་སོ། །དེ་ཡང་བུ་ལ་བྱམས་ཏེ་ཆུ་ལས་སྒྲོལ་བར་བསམས་པའི་ཕྱིར་རོ། །བུད་མེད་དེ་རང་བཞིན་ངན་ལ་
D119.052.0162a07.01