完整藏文原文 · 德格版页 当前仅加载第 52 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་གཉིས་ཀྱི་ནད་ཀྱིས་སྡུག་བསྔལ་བར་མི་འགྱུར་བ་ནི་འདི་ལྟ་སྟེ། སེམས་ཅན་ཐམས་ཅད་ལ་བྱམས་ཤིང་སྙིང་བརྩེ་བ་དང་། ནད་པ་ལ་ན་བའི་རྐྱེན་སྨན་སྦྱིན་ཞིང་དབུལ་བ་སྟེ། དེ་བཞིན་གཤེགས་པ་ནི་སྔོན་བསྐལ་པ་ཚད་མ་མཆིས་པའི་བར་དུ་བྱང་ཆུབ་ཀྱི་ལམ་ལ་ཤིན་ཏུ་ནན་ཏན་
D119.052.0169b01.01མཛད་དེ། རྟག་ཏུ་གསུང་སྙན་པས་སེམས་ཅན་ལ་བདེ་བའི་དོན་མཛད་ཅིང་སྡུག་བསྔལ་བར་མི་འགྱུར་བ་དང་། ནད་པ་ལ་སྨན་རྣམ་པ་སྣ་ཚོགས་ཡོངས་སུ་གཏོང་བ་ལགས་ན་དེ་ཅིའི་རྐྱེན་གྱིས་དེང་འདི་ལྟར་བསྙུང་ངོ་ཞེས་བཀའ་སྩལ། བཅོམ་ལྡན་འདས་འཇིག་རྟེན་ན་ནད་པ་དག་ནི་
D119.052.0169b02.01བར་བར་འདུག་བར་བར་ཉལ། བར་འགའ་ནི་མི་བདེ་བས་བཟའ་བ་དང་འཐུང་བ་ཡང་སློང་། བར་འགའ་ནི་འཁོར་རྣམས་ལ་སོ་ཚིས་དང་ལས་ཀྱང་འདི་ལྟར་བྱའོ་ཞེས་སྟོན་ན་དེ་བཞིན་གཤེགས་པ་ཅིའི་སླད་དུ་ཅང་མི་གསུང་བར་གཟིམས་ཏེ་ཉན་ཐོས་ཀྱི་ཉེ་གནས་རྣམས་ལ་ཚུལ་
D119.052.0169b03.01ཁྲིམས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་དང་། རྣམ་པར་གྲོལ་བ་དང་། སྙོམས་པར་འཇུག་པ་དང་། ཡང་དག་པར་སྤོང་བ་ལ་བརྩོན་པ་དག་ཅིའི་སླད་དུ་མི་སྟོན། ཅིའི་རྐྱེན་གྱིས་ཐེག་པ་ཆེན་པོའི་མདོ་སྡེ་ཤིན་ཏུ་ཟབ་མོ་འདི་དག་མི་གསུང་ཞིང་ཅིའི་སླད་དུ་དེ་བཞིན་
D119.052.0169b04.01གཤེགས་པས་ཚད་མེད་པའི་ཐབས་ཀྱིས་འོད་སྲུང་ཆེན་པོ་མིའི་ནང་ན་གླང་པོའི་རྒྱལ་པོ་དང་འདྲ་བ་དང་། སྐྱེས་བུ་ཆེན་པོ་རྣམས་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་མི་སྟོན། ཅིའི་སླད་དུ་དགེ་སློང་མ་རུངས་པ་མ་བརྟགས་པའི་དངོས་པོ་ཐམས་ཅད་
D119.052.0169b05.01འཆང་བ་ལ་ཆད་པས་གཅོད་པ་མི་སྟོན། བཅོམ་ལྡན་འདས་ཡང་དག་པར་སྙུན་མི་མངའ་བཞིན་དུ་ཅིའི་སླད་དུ་ཅང་མི་གསུང་བར་གློ་གཡས་པ་ཕབ་ནས་གཟིམས་པར་གྱུར། བྱང་ཆུབ་སེམས་དཔའ་དག་ནད་པ་ལ་ནད་ཀྱི་རྐྱེན་སྨན་བྱིན་པ་ན། དགེ་བའི་རྩ་བ་ཐམས་ཅད་
D119.052.0169b06.01སེམས་ཅན་ལ་བདར་ནས་ཐུན་མོང་དུ་ཐམས་ཅད་མཁྱེན་པའི་ཡེ་ཤེས་སུ་བསྔོས་ཏེ། སེམས་ཅན་ཐམས་ཅད་ཀྱི་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། རྣམ་པར་སྨིན་པའི་སྒྲིབ་པ་ཡོངས་སུ་སེལ་ཏོ། །ཉོན་མོངས་པའི་སྒྲིབ་པ་ཞེས་བགྱི་བ་ནི་འདོད་ཆགས་
D119.052.0169b07.01