完整藏文原文 · 德格版页 当前仅加载第 52 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་ཡབ་རྒྱལ་པོ་བདག་ལ་བྱམས་བརྩེ་བས། རྟག་ཏུ་རབ་ཏུ་བདེ་བ་ཐམས་ཅད་ཀྱིས་བདག་ལ་བདེ་བར་བྱེད་པ་ལས་བདག་གི་བྱམས་པའི་དྲིན་མ་དྲན་ནས་རྒྱལ་པོ་ཡབ་ཉེས་པ་མེད་པར་བདག་གིས་བསད་དོ། །བདག་གིས་སྔོན་མཁས་པ་ཤེས་རབ་ཅན་དག་ལས་ཐོས་ན། གལ་ཏེ་ཕ་
D119.052.0300b01.01མ་བསད་པར་གྱུར་ན། གདོན་མི་ཟ་བར་བསྐལ་པ་གྲངས་མེད་པའི་བར་དུ་སྡུག་བསྔལ་ཆེན་པོ་མྱོང་བར་འགྱུར་ཞེས་ཐོས་ན། བདག་ནི་རིང་པོ་མི་ཐོགས་པར་མཚམས་མེད་པའི་སེམས་ཅན་དམྱལ་བར་ལྟུང་དུ་ངེས་ཏེ། བདག་གི་སྡིག་པ་འདི་གསོ་བའི་སྐྱབས་སུ་འགྱུར་བ་མེད་དོ། །བློན་
D119.052.0300b02.01པོ་དེས་སྨྲས་པ། རྒྱལ་པོ་ཆེན་པོ་རེ་ཞིག་མྱ་ངན་མ་བྱེད་ཅིག །ཅི་རྒྱལ་པོས་མ་ཐོས་སམ། སྔོན་རྒྱལ་པོ་ལམ་པ་ཞེས་བྱ་བས་ཕ་བསད་དེ་རྒྱལ་པོའི་སྲིད་བཟུང་ངོ་། །རྒྱལ་པོ་བདེ་ཞེས་བྱ་བ་དང་། རྒྱལ་པོ་བྱི་ལ་ཙི་ན་དང་། རྒྱལ་པོ་ན་ཧོ་ཤ་དང་། རྒྱལ་པོ་ཀ་ཏེ་ཀ་དང་། རྒྱལ་པོ་བྱི་ཤ་ཀ་དང་།
D119.052.0300b03.01རྒྱལ་པོ་ཟླ་འོད་དང་། རྒྱལ་པོ་ཉི་འོད་དང་། རྒྱལ་པོ་འོད་ལྡན་དང་། རྒྱལ་པོ་འགྲོ་བ་མང་པོ་འཛིན་ལ་སོགས་པ་རྒྱལ་པོ་དེ་དག་ཀྱང་ཕ་བསད་ནས་རྒྱལ་པོའི་སྲིད་བཟུང་ཡང་། རྒྱལ་པོ་དེ་དག་ལས་གཅིག་ཙམ་ཡང་སེམས་ཅན་དམྱལ་བར་ལྟུང་བ་མེད་དོ། །ད་ལྟར་གྱི་རྒྱལ་པོ་བཻ་དཱུརྱ་དང་།
D119.052.0300b04.01རྒྱལ་པོ་ཨོ་ཏ་ན་དང་། རྒྱལ་པོ་གཏུམ་པ་དང་། རྒྱལ་པོ་བྱི་བ་དང་། རྒྱལ་པོ་པད་མོ་ལ་སོགས་པ་རྒྱལ་པོ་དེ་དག་ཀྱང་ཕ་བསད་ནས་རྒྱལ་པོའི་སྲིད་བཟུང་སྟེ། གཅིག་ཀྱང་མྱ་ངན་བྱེད་པ་མེད་དོ། །སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། ལྷར་སྐྱེ་ཞེས་བྱ་བ་ཡང་སུས་མཐོང་།
D119.052.0300b05.01རྒྱལ་པོ་ཆེན་པོ་སྲིད་པ་གཉིས་སུ་ཟད་པ་ནི་མི་དང་བྱོལ་སོང་ངོ་། །དེ་ལྟར་སྲིད་པ་གཉིས་པོ་ཡང་རྒྱུ་དང་རྐྱེན་གྱིས་སྐྱེ་བ་ཡང་མ་ཡིན་ལ། རྒྱུ་དང་རྐྱེན་གྱིས་འཆི་བ་ཡང་མ་ཡིན་ནོ། །དེ་ལྟར་རྒྱུ་རྐྱེན་མེད་པས་ན་དགེ་བ་དང་སྡིག་པ་ག་ལ་ཞིག་ཡོད། རྒྱལ་པོ་ཆེན་པོ་མྱ་ངན་མ་བྱེད་ཅིག །དེ་
D119.052.0300b06.01ཅིའི་ཕྱིར་ཞེ་ན། རྟག་ཏུ་མྱ་ངན་གང་བྱེད་པ། །མྱ་ངན་ཕྱིར་ཞིང་སྐྱེ་བར་འགྱུར། །ཇི་ལྟར་གཉིད་ལ་དགའ་བ་ཡང་། །ཕྱིར་ཞིང་དེ་བཞིན་གཉིད་ཆེར་འགྱུར། །དེ་བཞིན་འདོད་ཆགས་སྲེད་པ་དང་། །ཆང་དད་ཆེ་བའང་རིག་པར་བྱ། །རྒྱལ་པོ་གསུང་བ་ལྟར་འཇིག་རྟེན་ན་ལུས་དང་སེམས་
D119.052.0300b07.01