完整藏文原文 · 德格版页 当前仅加载第 52 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
གཟིར་བའི་སེམས་ཅན་འདོད་ཆགས་དང་། ཞེ་སྡང་དང་གཏི་མུག་གི་ཉོན་མོངས་པའི་ཟུག་རྔུས་གཟིར་ཏེ་སྡུག་བསྔལ་ཆེན་པོ་མྱོང་བ་དག་ལ་ཐེག་པ་ཆེན་པོའི་མདོ་སྡེ་བདུད་རྩི་ལྟ་བུའི་ཆོས་ཀྱི་སྨན་གྱིས་དེ་དག་གསོས་ནས་ཕྱོགས་དང་གནས་གཞན་དག་ན་ཉོན་
D119.052.0072a01.01མོངས་པའི་ཟུག་རྔུས་གཟིར་བ་ཡང་མངོན་པར་སངས་རྒྱས་པ་བསྟན་ཏེ། དེ་ཡང་འཚོ་བར་མཛད་དེ། དེ་ལྟ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་བ་ནི་རྣམ་པར་གྲོལ་བའི་གནས་ཏེ། སེམས་ཅན་གང་ན་གདུལ་བའི་
D119.052.0072a02.01གནས་དེར་དེ་བཞིན་གཤེགས་པའི་སྐུ་མངོན་པར་སྟོན་པས། ཤིན་ཏུ་ཟབ་མོའི་དོན་ཡང་དག་པ་འདིའི་ཕྱིར་ཡང་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་
D119.052.0072a03.01འཇིག་རྟེན་གྱི་སྨན་པས་སེམས་ཅན་གྱི་ནད་ཐམས་ཅད་གསོ་ནུས་སམ། རིགས་ཀྱི་བུ་འཇིག་རྟེན་ན་ན་བ་ལ་རྣམ་པ་གཉིས་ཏེ། གསོར་རུང་བ་དང་གསོར་མི་རུང་བའོ། །གང་གསོར་རུང་བ་ནི་སྨན་པས་གསོས་ན་འཚོའོ། །གསོར་མི་རུང་བ་ནི་སྨན་པས་གསོས་ཀྱང་མི་འཚོའོ། །
D119.052.0072a04.01འོད་སྲུང་གིས་ཡང་གསོལ་པ། བཅོམ་ལྡན་འདས་ཀྱིས་གསུངས་པ་ལྟར་ན། དེ་བཞིན་གཤེགས་པ་ཡང་འཛམ་བུའི་གླིང་ན་སེམས་ཅན་གསོས་སོ་ཞེས་བཀའ་སྩལ་ཏེ། །གལ་ཏེ་གསོས་ན་སེམས་ཅན་གྱི་ནང་ན་ཅིའི་སླད་དུ་མྱ་ངན་ལས་མ་འདས་པ་ཡང་མང་། གལ་ཏེ་
D119.052.0072a05.01ཐམས་ཅད་ཀྱིས་མ་ཐོབ་ན། ཅིའི་སླད་དུ་དེ་བཞིན་གཤེགས་པས་ཐམས་ཅད་གསོས་ནས་ཕྱོགས་གཞན་དུ་ཡང་གཤེགས་ཞེས་བཀའ་སྩལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འཛམ་བུའི་གླིང་ན་སེམས་ཅན་ལ་རྣམ་པ་གཉིས་སོ། །དད་པ་དང་བཅས་
D119.052.0072a06.01པ་དང་དད་པ་མེད་པའོ། །གང་དད་པ་དང་བཅས་པ་ནི་གསོར་རུང་ངོ་། །དེ་ཅིའི་ཕྱིར་ཞེ་ན། ངེས་པར་མྱ་ངན་ལས་འདས་ཏེ་སྐྱོན་མེད་པའི་ཕྱིར་ངས་འཛམ་བུའི་གླིང་གི་སེམས་ཅན་ཀུན་གསོས་སོ་ཞེས་གསུངས་སོ། །གང་དད་པ་མེད་པ་ནི་ལོག་སྲེད་ཅན་ཞེས་བྱ་སྟེ། ལོག་སྲེད་ཅན་ཞེས་བྱ་
D119.052.0072a07.01