完整藏文原文 · 德格版页 当前仅加载第 52 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
དཀོན་མཆོག་གསུམ་དང་། ཕ་མ་ལ་སྲི་ཞུ་དང་། མཆོད་པ་དང་། བཀུར་སྟི་དང་། རིམ་གྲོ་དང་། ཕྱག་བྱེད་པ་སློབ་ཅིང་ཐེག་པ་ཆེན་པོ་ལ་ཡང་སློབ་པའོ། །རིགས་ཀྱི་བུ་ཁྱེད་ལ་སོགས་པ་ཚུལ་ཁྲིམས་སྡོམ་པ་དང་། བྱང་ཆུབ་སེམས་དཔའ་སེམས་དཔའ་
D119.052.0129b01.01ཆེན་པོ་རྣམས་ནི་འཕགས་པ་ཞེས་བྱའོ། །གཞན་ཡང་ཨཱ་ཞེས་བྱ་བ་ནི་སྟོན་ཅིང་འཆོས་པ་སྟེ། ཇི་ལྟར་དེ་བཞིན་གཤེགས་པས་འདི་དག་ནི་བྱ་བའི་རིགས་པའོ། །འདི་དག་ནི་བྱ་བའི་མི་རིགས་སོ་ཞེས་བསྟན་པ་ཆོས་མ་ཡིན་པའི་རྣམས་མི་བྱེད་པ་ནི་འཕགས་པ་ཞེས་
D119.052.0129b02.01བྱ་སྟེ། དེ་བས་ན་ཨཱ་ཞེས་བྱའོ། །དེ་ལ་ཨི་ཞེས་བྱ་བ་ནི་སངས་རྒྱས་ཀྱི་ཆོས་ཚངས་པར་སྤྱོད་པ་རྒྱ་ཆེན་པོ་ཟླ་བ་རྒྱས་པ་ལྟར་གསལ་ཞིང་དྲི་མ་མེད་པ་སྟེ། ཁྱེད་ལ་སོགས་པ་འདི་དག་ནི་བྱ་བའི་རིགས་པའོ། །འདི་དག་ནི་བྱ་བའི་མི་རིགས་པའོ། །འདི་ནི་དོན་ནོ། །
D119.052.0129b03.01འདི་ནི་དོན་མ་ཡིན་ནོ། །འདི་ནི་སངས་རྒྱས་ཀྱིས་གསུངས་པའོ། །འདི་ནི་བདུད་ཀྱིས་བསྟན་པའོ་ཞེས་བཤད་པ་སྟེ། དེ་བས་ན་ཨི་ཞེས་བྱའོ། །དེ་ལ་ཨཱི་ཞེས་བྱ་བ་ནི་སངས་རྒྱས་ཀྱི་ཆོས་ཤིན་ཏུ་ཟབ་ཅིང་ཕྲ་བ། ཆུད་དཀའ་བ། ལྷ་དབང་སྒྱུར་ཆེན་པོའམ།
D119.052.0129b04.01ཚངས་པ་ཆེན་པོ་ལྟར་ཆོས་ཀྱིས་དབང་སྒྱུར་བའོ། །གང་གཟུངས་སུ་འཛིན་པ་ནི་ཆོས་བསྲུང་བ་ཞེས་བྱའོ། །གཞན་ཡང་དབང་སྒྱུར་བ་ནི་འཇིག་རྟེན་གྱི་མགོན་པོ་བཞི་སྟེ། དབང་སྒྱུར་བ་བཞི་པོས་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་སྲུང་ཞིང་འཛིན་ལ་རྒྱས་
D119.052.0129b05.01པར་སྟོན་ཅིང་འཆད་པའི་དབང་བྱེད་དོ། །གཞན་ཡང་ཨཱི་ཞེས་བྱ་བ་ནི་སོ་སོའི་སྐྱེ་བོ་ལ་ཆོས་སྟོན་པའི་དབང་བྱེད་པའོ། །གཞན་ཡང་ཨཱི་ཞེས་བྱ་བ་ནི་གང་དབང་དུ་འགྱུར་བའི་ཕྱིར་བཤད་པའོ། །དེ་ཡང་གང་ཞེ་ན། འདི་ལྟ་སྟེ། ཤིན་ཏུ་རྒྱས་པའི་མདོ་སྡེ་ལ་ནན་ཏན་
D119.052.0129b06.01བྱེད་པའོ། །གཞན་ཡང་ཨཱི་ཞེས་བྱ་བ་ནི་མི་གཙང་བ་བསལ་བ་ལྟར་སེར་སྣ་དང་ཕྲག་དོག་ཡོངས་སུ་བཅད་དེ། ཐམས་ཅད་བཀྲ་ཤིས་པར་སྒྱུར་བས་དེའི་ཕྱིར་ཨཱི་ཞེས་བྱའོ། །དེ་ལ་ཨུ་ཞེས་བྱ་བ་ནི་མདོ་སྡེ་ཀུན་གྱི་ནང་ན་ཕུལ་དུ་གྱུར་པ། མཆོག་དམ་པ། བླ་མའི་ཡང་
D119.052.0129b07.01