完整藏文原文 · 德格版页 当前仅加载第 52 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པ་ཞེས་བྱའོ། །གཞན་ཡང་འཇིག་རྟེན་ཞེས་བྱ་བ་ནི་འདོད་པ་ལྔའོ། །རིག་པ་ཞེས་བྱ་བ་ནི་མ་ཆགས་པའོ། །འདོད་པ་ལྔ་ལ་ཡོངས་སུ་མ་ཆགས་པའི་ཕྱིར་ཡང་འཇིག་རྟེན་རིག་པ་ཞེས་བྱའོ། །གཞན་ཡང་འཇིག་རྟེན་ཞེས་བྱ་བ་ནི་ཤར་ཕྱོགས་ཀྱི་འཇིག་རྟེན་གྱི་ཁམས་ཚད་མེད་
D119.052.0281b01.01གྲངས་མེད་དེ། ཉན་ཐོས་དང་རང་སངས་རྒྱས་ཀྱིས་མི་ཤེས་མི་མཐོང་མི་རྟོགས་པ་དག་སངས་རྒྱས་བཅོམ་ལྡན་འདས་ཀྱིས་ནི་མཁྱེན་ཅིང་གཟིགས་ཏེ་རྟོགས་སོ། །དེ་བཞིན་དུ་ལྷོ་དང་། ནུབ་དང་། བྱང་དང་། ཕྱོགས་མཚམས་བཞི་དང་། སྟེང་དང་འོག་གི་འཇིག་རྟེན་གྱི་ཁམས་ཀྱང་དེ་
D119.052.0281b02.01བཞིན་དུ་རིག་པས་ན་སངས་རྒྱས་བཅོམ་ལྡན་འདས་ནི་འཇིག་རྟེན་རིག་པའོ། །གཞན་ཡང་འཇིག་རྟེན་ཞེས་བྱ་བ་ནི་སྐྱེ་བོ་མ་རབས་ཐམས་ཅད་དོ། །རིག་པ་ཞེས་བྱ་བ་ནི་སྐྱེ་བོ་ཡ་རབས་རྣམས་ཀྱིས་དགེ་བ་དང་སྡིག་པའི་རྒྱུ་དང་འབྲས་བུ་ཤེས་པ་སྟེ། ཉན་ཐོས་དང་རང་སངས་རྒྱས་རྣམས་
D119.052.0281b03.01ཀྱིས་ཤེས་པ་མ་ཡིན་གྱི་སངས་རྒྱས་ཉག་གཅིག་གིས་མཁྱེན་པས་ན་སངས་རྒྱས་བཅོམ་ལྡན་འདས་ནི་འཇིག་རྟེན་རིག་པའོ། །གཞན་ཡང་འཇིག་རྟེན་ཞེས་བྱ་བ་ནི་པད་མོ་ཞེས་བྱའོ། །རིག་པ་ནི་མི་གོས་པ་ཞེས་ཏེ། རིགས་ཀྱི་བུ་དེ་ནི་འཇིག་རྟེན་གྱི་དོན་ཏོ། །པད་མོ་ཞེས་བྱ་
D119.052.0281b04.01བ་ནི་དེ་བཞིན་གཤེགས་པའོ། །མི་གོས་པ་ནི་དེ་བཞིན་གཤེགས་པ་ལ་འཇིག་རྟེན་གྱི་ཆོས་བརྒྱད་ཀྱིས་མི་གོས་པའི་ཕྱིར་སངས་རྒྱས་བཅོམ་ལྡན་འདས་ནི་འཇིག་རྟེན་རིག་པ་ཞེས་བྱའོ། །གཞན་ཡང་འཇིག་རྟེན་རིག་པ་ནི་སངས་རྒྱས་དང་བྱང་ཆུབ་སེམས་དཔའ་ལ་འཇིག་རྟེན་རིག་པ་
D119.052.0281b05.01ཞེས་བྱའོ། །དེ་ཅིའི་ཕྱིར་ཞེ་ན། སངས་རྒྱས་དང་བྱང་ཆུབ་སེམས་དཔའ་ནི་འཇིག་རྟེན་གཟིགས་པའི་ཕྱིར་འཇིག་རྟེན་རིག་པ་ཞེས་བྱའོ། །རིགས་ཀྱི་བུ་དཔེར་ན་ཟས་ཀྱི་རྐྱེན་གྱིས་འཚོ་བར་འགྱུར་བས་ཟས་ལ་འཚོ་བ་ཞེས་བྱ་བ་དང་འདྲ་བར་སངས་རྒྱས་དང་བྱང་ཆུབ་སེམས་དཔའ་ཡང་འཇིག་
D119.052.0281b06.01རྟེན་གཟིགས་པས་འཇིག་རྟེན་རིག་པ་ཞེས་བྱའོ། །དེ་ལ་ཇི་ལྟར་ན་བླ་ན་མེད་པ་ཞེ་ན། བླ་ན་ཡོད་པ་ནི་གཅོད་པའི་དོན་ཏེ། གཅད་དུ་མེད་པའི་ཕྱིར་བླ་ན་མེད་པའོ། །སངས་རྒྱས་བཅོམ་ལྡན་འདས་ལ་ཉོན་མོངས་པ་མི་མངའ་བའི་ཕྱིར་གཅད་དུ་མེད་དེ། དེ་བས་ན་སངས་རྒྱས་བཅོམ་
D119.052.0281b07.01