完整藏文原文 · 德格版页 当前仅加载第 52 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བསྟན་ཏེ། དེ་བཞིན་གཤེགས་པ་ཡང་དག་པར་མྱ་ངན་ལས་འདས་པ་མེད་ཀྱང་། སེམས་ཅན་དག་ནི་དེ་བཞིན་གཤེགས་པ་མྱ་ངན་ལས་འདས་སོ་སྙམ་སེམས་ཏེ། ཇི་ལྟར་ཟླ་བ་ནུབ་པའི་དཔེ་བཤད་པ་བཞིན་ནོ། །རིགས་ཀྱི་བུ་དེ་བཞིན་གཤེགས་
D119.052.0137b01.01པ་ཉིད་ལ་ཡང་ཡང་དག་པར་ན་སྐྱེ་བ་དང་འགོག་པ་མེད་དེ་སེམས་ཅན་གདུལ་བའི་ཕྱིར་སྐྱེ་བ་དང་འགོག་པ་བསྟན་ཏོ། །རིགས་ཀྱི་བུ་དཔེར་ན་ཟླ་བ་ཁམས་འདི་དག་ཏུ་ཡོངས་སུ་རྒྱས་པར་སྣང་ན་ཁམས་གཞན་ན་ཕྱེད་དུ་སྣང་ངོ་། །ཁམས་འདི་ན་ཕྱེད་དུ་སྣང་ན་
D119.052.0137b02.01ཁམས་གཞན་ན་རྒྱས་པར་སྣང་ངོ་། །འཛམ་བུའི་གླིང་གི་མི་དག་ཟླ་བ་ཐོག་མ་ཤར་བ་མཐོང་ན་ཚེས་གཅིག་ཅེས་ཟེར་ཏེ། ཟླ་བ་ཚེས་པའི་འདུ་ཤེས་སྐྱེད་དོ། །ཟླ་བ་རྒྱས་ཤིང་གང་བ་མཐོང་ན་ཚེས་བཅོ་ལྔ་ཞེས་ཟེར་ཏེ་ཟླ་བ་རྒྱས་པའི་འདུ་ཤེས་སྐྱེད་དོ། །ཡང་
D119.052.0137b03.01དག་པར་ན་ཟླ་བ་ཉིད་ལ་ནི་སྐྱེ་བ་དང་འབྲི་བ་མེད་དེ། རི་རབ་ལྷུན་པོའི་དབང་གིས་ནི་སྐྱེ་བ་དང་འབྲི་བ་ཡང་ཡོད་དོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། འཛམ་བུའི་གླིང་འདིར་ཐོག་མ་སྐྱེ་བ་ཡང་བསྟན། མྱ་ངན་ལས་འདས་པ་ཡང་བསྟན་
D119.052.0137b04.01ཏེ། ཐོག་མ་སྐྱེ་བ་བསྟན་པ་ནི་ཟླ་བ་ཚེས་པ་དང་འདྲའོ། །ཐམས་ཅད་ཀྱིས་གཞོན་ནུ་ཐོག་མ་བཙས་ནས་གོམ་པ་བདུན་བོར་བ་ན་ཚེས་གཉིས་ཀྱི་ཟླ་བ་ལྟ་བུར་སེམས་སོ། །དེ་ནས་གཞོན་ནུ་སློབ་པ་ལ་ཞུགས་པ་བསྟན་པ་ན། ཚེས་གསུམ་གྱི་ཟླ་བ་ལྟ་བུར་སེམས་སོ། །
D119.052.0137b05.01རབ་ཏུ་བྱུང་བ་བསྟན་པ་ན་ཚེས་བརྒྱད་ཀྱི་ཟླ་བ་ལྟ་བུར་སེམས་སོ། །ཡེ་ཤེས་ཀྱི་འོད་ཆེན་པོ་བཏང་ནས་སེམས་ཅན་ཚད་མེད་པ་དང་བདུད་མང་པོ་བཏུལ་བ་ན་ཚེས་བཅོ་ལྔའི་ཟླ་བ་རྒྱས་པ་ལྟ་བུར་སེམས་སོ། །གཞན་ཡང་མཚན་སུམ་ཅུ་རྩ་གཉིས་དང་། དཔེ་བྱད་
D119.052.0137b06.01བཟང་པོ་བརྒྱད་ཅུས་ཡོངས་སུ་བརྒྱན་པ་མྱ་ངན་ལས་འདས་པ་བསྟན་པ་ན་ཟླ་བ་བྲི་བ་ལྟ་བུར་སེམས་སོ། །དེ་ལྟར་སེམས་ཅན་དག་ནི་མཐོང་བ་མི་འདྲ་སྟེ། ལ་ལས་ནི་ཟླ་བ་ཕྱེད་རལ་དུ་མཐོང་། ལ་ལས་ནི་ཟླ་བ་རྒྱས་པར་མཐོང་། ལ་ལས་ནི་ཟླ་བ་འབྲི་བར་མཐོང་སྟེ།
D119.052.0137b07.01