完整藏文原文 · 德格版页 当前仅加载第 52 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཚེ་དང་། མདོག་དང་། སྟོབས་དང་། བདེ་བ་དང་། ཐོགས་པ་མེད་པའི་སོ་སོར་ཡང་དག་པར་ཤེས་པ་རྟག་ཏུ་སྦྱིན་ནོ། །དེ་ཅིའི་ཕྱིར་ཞེ་ན། ཙུན་ད་ཟས་ཀྱི་སྦྱིན་པ་བྱིན་པས་ཁྱད་པར་མེད་པའི་འབྲས་བུ་རྣམ་པ་གཉིས་ཐོབ་པར་འགྱུར་རོ། །གཉིས་གང་ཞེ་ན།
D119.052.0019b01.01བཞེས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པ་དང་། བཞེས་ནས་ཡོངས་སུ་མྱ་ངན་ལས་འདའ་བར་འགྱུར་བའོ། །ངས་ཀྱང་ཁྱོད་ཀྱི་མཆོད་པ་ནང་གི་ཐ་མ་འདི་བཞེས་པས་ཁྱོད་ཀྱི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱུར་ཏོ། །དེ་ནས་ཙུན་
D119.052.0019b02.01དས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་ན་སྦྱིན་པ་བྱིན་པའི་འབྲས་བུ་རྣམ་པ་གཉིས་ཁྱད་པར་མ་མཆིས་སོ་ཞེས་བགྱི་བ་དེ་མ་ལགས་སོ། །དེ་ཅིའི་སླད་དུ་ཞེ་ན། སྔར་སྦྱིན་པ་བཞེས་པ་ནི་ཉོན་མོངས་པ་ཡང་མ་བས།
D119.052.0019b03.01ཐམས་ཅད་མཁྱེན་པའི་ཡེ་ཤེས་ཀྱང་རྫོགས་པར་མ་གྱུར། སེམས་ཅན་གྱི་སྦྱིན་པའི་ཕ་རོལ་ཏུ་ཕྱིན་པ་རྫོགས་པར་བགྱིད་པ་འང་མ་ལགས་སོ། །སྦྱིན་པ་བྱིན་པ་སླད་ཀྱིས་བཞེས་པ་ནི་ཉོན་མོངས་པ་ཡང་བས་པར་གྱུར་ལ་ཐམས་ཅད་མཁྱེན་པའི་ཡེ་ཤེས་ཀྱང་ཡོངས་སུ་
D119.052.0019b04.01རྫོགས་ཤིང་སེམས་ཅན་གྱི་སྦྱིན་པའི་ཕ་རོལ་ཏུ་ཕྱིན་པ་ཡང་ཡོངས་སུ་རྫོགས་པར་བགྱིད་པ་ལགས་སོ། །སྦྱིན་པ་སྔར་བླངས་པ་ནི་སེམས་ཅན་ནོ། །སྦྱིན་པ་ཕྱིས་བཞེས་པ་ནི་ལྷའི་ལྷའོ། །སྦྱིན་པ་སྔར་བླངས་པ་ནི་ཟས་དང་འདྲེས་པའི་ལུས། ཉོན་མོངས་པ་དང་
D119.052.0019b05.01བཅས་པའི་ལུས། ཐ་བ་ཅན་གྱི་ལུས། མི་རྟག་པའི་ལུས་སོ། །སྦྱིན་པ་ཕྱིས་བཞེས་པ་ནི་ཉོན་མོངས་པ་མ་མཆིས་པའི་སྐུ། རྡོ་རྗེ་ལྟ་བུའི་སྐུ། ཆོས་ཀྱི་སྐུ། རྟག་པའི་སྐུ། མཐའ་ཡས་པའི་སྐུ་ལགས་ན་ཅིའི་སླད་དུ་སྦྱིན་པ་རྣམ་པ་གཉིས་ཀྱི་འབྲས་བུ་ཁྱད་པར་མ་
D119.052.0019b06.01མཆིས་ཞེས་གསུངས། སྔར་སྦྱིན་པ་བླངས་པ་ནི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་མི་འགྱུར་བ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པར་མི་འགྱུར་ཏེ། ཤའི་མིག་འབའ་ཞིག་ཐོབ་ཀྱི་སངས་རྒྱས་ཀྱི་སྤྱན་མི་ཐོབ་པ་ནས་ཤེས་རབ་ཀྱི་སྤྱན་
D119.052.0019b07.01