完整藏文原文 · 德格版页 当前仅加载第 35 函德格 391a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ། མངོན་པར་འདུ་བྱ་བ་མེད་པར་སྤྱོད་པའི་སེམས་དགེ་བའི་རྩ་བ་དང་ལྡན་པ། དེ་དགེ་བའི་རྩ་བ་དེ་དག་འདི་ལྟར་ཅི་ནས་ཀྱང་། འགྲོ་བ་ཐམས་ཅད་ཡོངས་སུ་དགྲོལ་བ་དང་། སངས་རྒྱས་ཀྱི་རིགས་བདུད་ཀྱི་ལས་དང་བྲལ་
D44.035.0391a01.01བ། ལས་ཀྱི་རྣམ་པར་ཡོངས་སུ་བྱང་བའི་བདག་ཉིད་ཅན་ཐམས་ཅད་མཁྱེན་པ་ཉིད་དུ་མོས་ཤིང་། རྗེས་སུ་སོང་བའི་སེམས་དང་ལྡན་པར་འགྱུར་བར་ཡོངས་སུ་བསྔོའོ། །བསྔོ་བ་དེ་ཡང་ཚད་མེད་པའི་ཡེ་ཤེས་ཁོང་དུ་ཆུད་པར་བྱ་བའི་ཕྱིར་ཡང་དག་པར་མཐོང་
D44.035.0391a02.01བར་བྱེད་དེ། དགེ་བའི་རྩ་བ་དེ་དག་འཇིག་རྟེན་གྱི་ཡུལ་དང་རྣམ་པར་བྲལ་བ་ཉོན་མོངས་པ་ཐམས་ཅད་དང་རྣམ་པར་བྲལ་བར་ཡོངས་སུ་བསྔོའོ། །སེམས་ཅན་ཐམས་ཅད་ཤིན་ཏུ་རྣམ་པར་བྱང་བའི་ཕྱིར་ཡང་ཡོངས་སུ་བསྔོ་སྟེ། ཡེ་ཤེས་རྣམ་པར་དག་པའི་མཐར་
D44.035.0391a03.01ཐུག་པར་ཟབ་པའི་ཚུལ་གྱིས། དགེ་བའི་རྩ་བ་དེ་དག་ཅི་ནས་ཀྱང་འཁོར་བའི་ཆོས་ཀྱིས་མི་བསྐྱོད་ཅིང་། སངས་རྒྱས་ཀྱི་དགེ་བ་མངོན་པར་འབྱུང་བར་སེམས་བསྐྱེད་པ་དང་ལྡན་པར་ཡོངས་སུ་བསྔོའོ། །དགེ་བའི་རྩ་བ་དེ་དག་ཡོངས་སུ་བསྔོ་བའི་ཚེ་
D44.035.0391a04.01ཡང་བདུད་ཀྱི་ལས་ཐམས་ཅད་ལས་རྣམ་པར་བཟློག་སྟེ། ཆོས་མཉམ་པ་ཉིད་ཀྱི་རྒྱ་ཡོངས་སུ་བསྔོ་བའི་ཡེ་ཤེས་ཀྱི་རྗེས་སུ་སོང་བ་ལས་རྒྱས་འདེབས་པར་བྱེད་དོ། །དགེ་བའི་རྩ་བ་དེ་དག་ཐམས་ཅད་མཁྱེན་པ་ཉིད་ཀྱི་ལོངས་སྤྱོད་ཀྱི་ཕྱིར་ཡང་། ཆོས་ཐམས་
D44.035.0391a05.01ཅད་འཇིག་རྟེན་ལས་འདས་པར་ཁོང་དུ་ཆུད་པའི་ཡོངས་སུ་བསྔོ་བས་ཡོངས་སུ་བསྔོའོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་ཡོངས་སུ་བསྔོ་བ་ནི། ཐམས་ཅད་མཁྱེན་པའི་ཐེག་པའི་དཀྱིལ་འཁོར་ཡོངས་སུ་གྲུབ་པས། འགྱོད་
D44.035.0391a06.01པ་མེད་པའི་དགེ་བའི་རྩ་བ་དང་ལྡན་པ་ཡིན་ཏེ། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་རྣམས་ཀྱི་ཡོངས་སུ་བསྔོ་བ་མི་ཕྱེད་པ་དང་ལྡན་པ་ཞེས་བྱ་བ་སྟེ་གཉིས་པའོ། །ཡོངས་སུ་བསྔོ་བ་དེ་དང་ལྡན་པའི་བྱང་ཆུབ་སེམས་དཔའ་ནི་དགེ་བའི་
D44.035.0391a07.01