完整藏文原文 · 德格版页 当前仅加载第 35 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཀྱིས་རབ་ཏུ་བརྒྱན་པའི་སྙིང་པོ་ཞེས་བྱ་བ། དེ་ན་དེ་བཞིན་གཤེགས་པ་ཐམས་ཅད་ཀྱི་མཚན་གྱི་འཁོར་ལོ་རྗེས་སུ་སྒྲོག་པའི་ལུས་ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་རིན་པོ་ཆེའི་འོད་འཕྲོ་བ་པདྨོ་རབ་ཏུ་འགྱེད་པ་ཞེས་
D44.035.0122a01.01བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུའི་ཆུའི་གློང་རྒྱ་མཚོ་ལ་རབ་ཏུ་གནས་པ་རིན་པོ་ཆེའི་གོ་ཆ་དང་མཛོད་སྤུའི་དབྱིབས་ལྟར་འདུག་པ། རྒྱན་གྱི་དམིགས་པ་དང་ཁང་པ་
D44.035.0122a02.01བརྩེགས་པ་ཐམས་ཅད་ཀྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེ་རྣམ་པར་དག་པའི་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་གཟི་
D44.035.0122a03.01བརྗིད་འོད་འཕྲོ་བའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་འཕྲུལ་པ་ལ་ཆགས་པ་མེད་པའི་འོད་ཀྱི་བློ་གྲོས་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་འཁོར་ལོ་གཞི་མཉམ་པའི་རྒྱན་ཅེས་བྱ་བ་ཡོད་དེ། དེ་
D44.035.0122a04.01ན་དེ་བཞིན་གཤེགས་པ་རིན་པོ་ཆེའི་འོད་ཟེར་ཀུན་ཏུ་འབྱུང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཙནྡན་གྱི་ཤིང་གི་ཟེ་བའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་ཐམས་ཅད་རྣམ་པར་དག་པས་གཏི་མུག་མེད་
D44.035.0122a05.01པའི་འོད་ཟེར་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་ཡོན་ཏན་གྱི་དཀྱིལ་འཁོར་རྣམ་པར་ཤིན་ཏུ་ཕྱེ་བའི་རྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཞལ་མཐོང་ན་དགའ་བ་ཡངས་པ་སྐྱེ་བ་ཚངས་པའི་དབྱངས་ཐུགས་
D44.035.0122a06.01སུ་ཆུད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འོད་སྲབ་པའི་རྒྱན་ཏུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ལ་རྣམ་པར་རོལ་པའི་ཡེ་ཤེས་ཤིན་ཏུ་ཡངས་པའི་དཔལ་ཞེས་བྱ་བ་བཞུགས་སོ། །དེའི་སྟེང་ན་འཇིག་
D44.035.0122a07.01