完整藏文原文 · 德格版页 当前仅加载第 35 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་བརྩོན་འགྲུས་དཔལ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་
D44.035.0178a01.01འདས་ལ་ཕྱག་འཚལ་ཏེ། ལྷོ་ནུབ་ཀྱི་ཕྱོགས་མཚམས་སུ་བརྟེན་ནས་སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་ཀྲུང་བཅས་ནས་འཁོད་དོ། །ནུབ་བྱང་གི་ཕྱོགས་མཚམས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་
D44.035.0178a02.01ཏུ་ཕྲ་བ་སྙེད་འདས་པའི་ཕ་རོལ་གྱི་འཇིག་རྟེན་གྱི་ཁམས་རྡོ་རྗེའི་མདོག་ཅེས་བྱ་བ། དེ་བཞིན་གཤེགས་པ། རིག་བྱེད་དབང་ཕྱུག་གི་སངས་རྒྱས་ཀྱི་ཞིང་ནས། བྱང་ཆུབ་སེམས་དཔའ་ཆོས་ཀྱི་དཔལ་ཞེས་བྱ་བ་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་
D44.035.0178a03.01ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། ནུབ་བྱང་གི་ཕྱོགས་མཚམས་སུ་བརྟེན་ནས། སེང་གེའི་ཁྲི་པད་མོའི་སྙིང་པོ་ཅན་དག་མངོན་པར་སྤྲུལ་ཏེ་སྐྱིལ་མོ་ཀྲུང་བཅས་ནས་འཁོད་དོ།
D44.035.0178a04.01འོག་གི་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་འཇིག་རྟེན་གྱི་ཁམས་ཤེལ་གྱི་མདོག་ཅེས་བྱ་བ་དེ་བཞིན་གཤེགས་པ་རིག་བྱེད་ཚངས་པའི་དབང་པོའི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་ཡེ་ཤེས་དཔལ་
D44.035.0178a05.01བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། འོག་གི་ཕྱོགས་སུ་བརྟེན་ནས་སེང་གེའི་ཁྲི་པད་མོའི་སྙིང་པོ་ཅན་དག་མངོན་
D44.035.0178a06.01པར་སྤྲུལ་ཏེ། སྐྱིལ་མོ་ཀྲུང་བཅས་ནས་འཁོད་དོ། །སྟེང་གི་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་འདྲ་བའི་མདོག་ཅེས་བྱ་བ་དེ་བཞིན་གཤེགས་པ་རིག་བྱེད་སྣ་ཚོགས་ཀྱི་
D44.035.0178a07.01