完整藏文原文 · 德格版页 当前仅加载第 35 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་རི་རབ་བཅུའི་རྡུལ་ཤིན་ཏུ་ཕྲ་བ་སྙེད་བྱུང་སྟེ། དེ་བཞིན་གཤེགས་པ་རི་རབ་བཅུའི་རྡུལ་ཤིན་ཏུ་ཕྲ་བ་སྙེད་དེ་དག་ལས་བསྐལ་པའི་ཐོག་མ་པ་ཐམས་ཅད་ཀྱི་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་
D44.035.0147b01.01པའི་དེ་བཞིན་གཤེགས་པ་ནི་ཡོན་ཏན་ཐམས་ཅད་ཀྱི་རི་བོ་རི་རབ་ཀྱི་དབྱངས་ཤེས་བྱ་སྟེ། དེས་འཇིག་རྟེན་གྱི་ཁམས་རྒྱ་མཚོའི་ཚུལ་དྲི་མ་མེད་པར་ཕྱོགས་ཀུན་ཏུ་སྣང་བ་ཞེས་བྱ་བ་འདི་ཡོངས་སུ་སྦྱངས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་དཔལ་གྱི་སྒྲ་ཞེས་
D44.035.0147b02.01བྱ་བ་དེར་ལོ་བརྒྱ་ན། དེ་བཞིན་གཤེགས་པ་འབྱུང་ངོ་ཞེས་བྱ་བའི་ཚེ། ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ། དེ་ཡང་རྒྱན་ཐམས་ཅད་ཀྱིས་བརྒྱན་པར་གྱུར་ཏེ། འདི་ལྟར་རིན་པོ་ཆེའི་འོད་འཕྲོ་བའི་སྤྲིན་བསམ་གྱིས་
D44.035.0147b03.01མི་ཁྱབ་པ་རབ་ཏུ་གཏོང་བའི་སྙིང་པོ་ཅན་དུ་གྱུར་ནས། སངས་རྒྱས་ཀྱི་ཡོན་ཏན་གྱི་དཀྱིལ་འཁོར་གྱི་སྒྲ་ཡང་རབ་ཏུ་འབྱིན། ཕྱོགས་བཅུ་དག་ཀྱང་འོད་ཟེར་གྱི་དྲ་བས་རྣམ་པར་སྣང་བར་བྱེད། གཞལ་མེད་ཁང་དང་ཁང་ཁྱིམ་གྱི་གྲོང་རྡལ་ཐམས་ཅད་ཀྱང་རབ་
D44.035.0147b04.01ཏུ་སྣང་བར་བྱེད། རིན་པོ་ཆེའི་མེ་ཏོག་དང་། འོད་ཀྱི་དཀྱིལ་འཁོར་གྱི་སྤྲིན་ཡང་རབ་ཏུ་འགྱེད། སེམས་ཅན་ཐམས་ཅད་ཀྱི་སྔོན་གྱི་དགེ་བའི་རྩ་བ་ཡངས་པའི་སྒྲ་དང་། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་མཚན་གྱི་འཁོར་ལོ་རབ་ཏུ་མཐོང་བའི་སྒྲ་
D44.035.0147b05.01དང་། བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་དང་། སྤྱོད་པ་དང་འབྱུང་བ་མངོན་པར་བསྒྲུབ་པའི་སྒྲ་དང་སངས་རྒྱས་ཐམས་ཅད་ཀྱི་ཆོས་ཀྱི་འཁོར་ལོའི་ངེས་པའི་ཚིག་སྣ་ཚོགས་རབ་ཏུ་བསྒྲག་པའི་སྒྲ་དག་ཀྱང་རབ་ཏུ་འབྱིན་ཏོ། །དེ་དག་ནི་དེ་བཞིན་གཤེགས་
D44.035.0147b06.01པ་སྐྱེ་བའི་ལྟས་ཏེ། རྒྱན་དེ་དག་བྱུང་བ་འཇིག་རྟེན་གྱི་ཁམས་དེར་དེ་བཞིན་གཤེགས་པ་འབྱུང་བར་འཇིག་རྟེན་གྱི་དབང་པོ་རྣམས་ཀྱིས་ཁོང་དུ་ཆུད་དོ། །དེ་བཞིན་གཤེགས་པ་ལས་མཉན་པའི་དགེ་བའི་རྩ་བ་ཡོངས་སུ་སྨིན་པ་དང་། སངས་རྒྱས་བལྟ་བར་མོས་
D44.035.0147b07.01