完整藏文原文 · 德格版页 当前仅加载第 35 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོ་རྒྱ་ཆེན་པོ་ཡོངས་སུ་དག་པ་རྣམས་སོ། །སྒོ་ཀུན་ནས་ཆོས་ཀྱི་སྣང་བ་རབ་ཏུ་ཐོབ་པ་རྣམས་སོ། །དེ་བཞིན་གཤེགས་པའི་སྤྱོད་ཡུལ་ཆགས་པ་མེད་པའི་རྗེས་སུ་འབྲང་བ་རྣམས་སོ། །ཐ་དད་པ་ཡང་དག་པར་ཤེས་པ་ཐམས་ཅད་ཀྱིས་ཆོས་རྒྱ་
D44.035.0058a01.01མཚོ་ལ་ཞུགས་པ་རྣམས་སོ། །རྣམ་པར་ཐར་པ་བསམ་གྱིས་མི་ཁྱབ་པའི་སྣང་བ་རབ་ཏུ་ཐོབ་པ་རྣམས་སོ། །སྒོ་ཀུན་ནས་དེ་བཞིན་གཤེགས་པའི་སའི་དབྱིངས་རབ་ཏུ་ཐོབ་པ་རྣམས་སོ། །གཟུངས་ཀྱི་སྒོ་རྒྱ་མཚོ་ཐམས་ཅད་ཀྱིས་ཆོས་རྒྱ་མཚོ་རབ་ཏུ་འཛིན་པ་རྣམས་སོ། །
D44.035.0058a02.01དུས་གསུམ་མཉམ་པ་ཉིད་ཀྱི་ཡེ་ཤེས་ཀྱི་ས་ལ་རབ་ཏུ་གནས་པ་རྣམས་སོ། །དགའ་བའི་ཤུགས་རྒྱ་ཆེན་པོ་རབ་ཏུ་ཐོབ་པ་རྣམས་སོ། །བསོད་ནམས་ཀྱི་དཀྱིལ་འཁོར་མུ་མེད་པ་ཡོངས་སུ་དག་པའི་རྣམས་ཏེ། ཆོས་ཀྱི་དབྱིངས་དང་ནམ་མཁའ་ལ་རྣམ་པར་རྒྱུ་ཞིང་
D44.035.0058a03.01སངས་རྒྱས་ཐམས་ཅད་མཆོད་པ་མངོན་པར་བསྒྲུབ་པ་ལ་རབ་ཏུ་བརྩོན་པ་ཤ་སྟག་གོ །དེ་ནས་བྱང་ཆུབ་སེམས་དཔའ་རྒྱ་མཚོའི་བློ་གྲོས་རྣམ་པར་རོལ་པའི་ཡེ་ཤེས་མངོན་པར་ཤེས་པའི་རྒྱལ་པོས་སངས་རྒྱས་ཀྱི་མཐུས་འཁོར་གྱི་དཀྱིལ་འཁོར་རྒྱ་མཚོ་ཐམས་
D44.035.0058a04.01ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་རྣམ་པར་སངས་རྒྱས་མཉམ་ཉིད་མཁྱེན། །ཆགས་མེད་རྙེད་པས་ནམ་མཁའ་ལྟ་བུ་སྟེ། །ཕྱོགས་རྣམས་ཞིང་ཀུན་རབ་ཏུ་སྣང་བྱས་ནས། །འབྱམ་ཀླས་འཁོར་
D44.035.0058a05.01ན་བཞུགས་པ་རྣམ་པར་མཛེས། །བདེ་གཤེགས་རང་བྱུང་མཐའ་དང་དབུས་མེད་དེ། །ཐམས་ཅད་ཕྱོགས་ཀྱི་ཆོས་དབྱིངས་ཀུན་རྒྱས་པར། །དབང་ཕྱུག་ཆེན་པོ་ཀུན་གྱིས་མཆོད་བསྐོར་ཅིང་། །ཤིང་གི་རྒྱལ་པོ་ཀུན་གྱི་དྲུང་ན་བཞུགས། །དེ་བཞིན་གཤེགས་
D44.035.0058a06.01པའི་རྫུ་འཕྲུལ་སྟོབས་དག་གིས། །སྐད་ཅིག་སེམས་ལ་ཟད་མེད་ཡོན་ཏན་གཟུགས། །རྣམ་ཐར་གཞན་དང་གཞན་དག་ཐོབ་པས་མཐོང་། །དེ་བཞིན་གཤེགས་པའི་ཡུལ་ནི་མཐའ་ཡས་སོ། །བསྐལ་པ་རྒྱ་མཚོར་སྔན་ཅད་སྤྱོད་པའི་ཚེ། །དེ་བཞིན་གཤེགས་
D44.035.0058a07.01