完整藏文原文 · 德格版页 当前仅加载第 35 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མཆོད་པ་ཡོངས་བྱས་ཤིང་། །དེ་དག་ཐམས་ཅད་སོ་སོར་འཐུན་པར་ཡེ་ཤེས་རྣམས་བསྒོམས་པས། །སེམས་ཅན་དམ་པ་སངས་རྒྱས་རྣམ་འཕྲུལ་འདི་འདྲར་ཕྱོགས་བཅུར་སྟོན། །ཐོག་མར་ཉན་འདོད་བླ་མ་བསྙེན་བཀུར་བཟོད་པ་དེས་
D44.035.0203a01.01བྱས་ཤིང་། །རང་བཞིན་མེད་པའི་ཆོས་ལ་རབ་རྟོགས་བསམ་གཏན་བསྙེན་བྱེད་པ། །བདེ་གཤེགས་ཉིད་ནི་རྟོགས་འགྱུར་འགྲོ་བ་རྣམ་སྒོམ་སེམས་ཚིམ་བྱེད། །ཆོས་ཉིད་དེ་འདྲ་སྤྱད་པ་མྱུར་དུ་བདེ་གཤེགས་ཐོབ་པར་འགྱུར། །སྙིང་ནས་འདྲི་ཞིང་ཕྱོགས་རྣམས་
D44.035.0203a02.01རྒྱས་བྱེད་རྩེ་གཅིག་ཐོབ་བྱེད་ཅིང་། །རྒྱལ་བའི་ཡོན་ཏན་མོས་ལས་མི་ཟློག་སྤྱོད་པས་ཚིམ་བྱེད་པ། །དངོས་དང་དངོས་མེད་ཐམས་ཅད་ཤེས་བྱས་སྤངས་ཤིང་དངོས་ཟད་པ། །སངས་རྒྱས་བདག་མེད་དཔེ་མེད་མཐོང་བ་དེ་དག་ལུས་འདི་ཡིན། །བཟང་པོའི་སྤྱོད་ཡུལ་ཅན་
D44.035.0203a03.01གྱི་སེམས་ཀྱི་ཕྱོགས་རྣམས་ཀུན་བཀང་ཞིང་། །ཞིང་རྣམས་ཐམས་ཅད་ཆོས་ཀྱི་གཏེར་གྱིས་ཁྱབ་བྱས་ཚིམ་བྱེད་པ། །ཇི་བཞིན་ཆོས་གནས་ཆོས་ཉིད་མཐའ་ལ་ཐེ་ཙོམ་མེད་པའི་རྣམས། །སྟོབས་བཅུ་ཅི་འདྲ་དེ་བཞིན་གྱུར་པའི་ལུས་ནི་འདི་དག་གོ །བཅོམ་
D44.035.0203a04.01ལྡན་འདས་ཀྱིས་ཆོས་གང་སྒྲ་བརྗོད་དེ་ལ་འཇུག་བྱེད་ཅིང་། །ཆོས་ཀྱི་འཁོར་ལོ་ཇི་བཞིན་བལྟ་དཀའ་གཞལ་ཡས་རྟག་བསྐོར་བ། །དེ་བཞིན་གཤེགས་པས་གསུངས་པའི་གསུང་ཀུན་བྱང་ཆུབ་ཡན་ལག་རྟོགས། །དེ་ལྟར་འཇུག་པས་རྟག་ཏུ་
D44.035.0203a05.01སངས་རྒྱས་སྐུ་རབ་འདི་དག་མཐོང་། །མཐོང་ཡང་མིག་གི་རྣམ་ཤེས་ཚུལ་དུ་རྡུལ་མེད་མཐོང་བ་མེད། །རྣམ་ཤེས་སྒྱུ་མ་བཞིན་པས་མིག་སྟོང་སྟོབས་བཅུ་མི་མཐོང་ངོ་། །འདུ་ཤེས་ཐམས་ཅད་རྣམ་རྟོག་ཡིན་གྱི་སངས་རྒྱས་མཐོང་བ་མིན། །ཤིན་ཏུ་ཆགས་མེད་
D44.035.0203a06.01ཡུལ་མེད་དེ་ནི་རྒྱལ་བ་མཐོང་བ་ཡིན། །སེམས་ཅན་ལས་མང་བསྩགས་པ་དེ་དག་ཤིན་ཏུ་བལྟ་དཀའ་སྟེ། །ནང་དང་ཕྱི་དང་དབྱིབས་དང་མདོག་ཏུ་ཕྱོགས་བཅུ་ཀུན་ན་མེད། །དེ་བཞིན་རང་བྱུང་སྐུ་ནི་གཞལ་ཡས་ཕྱོགས་རྣམས་ཀུན་འགེངས་པ། །ཤེས་པར་དཀའ་བ་འདྲེན་
D44.035.0203a07.01