完整藏文原文 · 德格版页 当前仅加载第 35 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །སེམས་ཅན་དོན་དུ་རྣམ་ཐར་འབྱམ་ཀླས་ཡོངས་སུ་ཚོལ། །ཡུན་རིང་དུས་སུ་སྐྱོ་བ་མེད་ཅིང་ཞུམ་པ་མེད། །སེམས་ཅན་དམྱལ་བ་སྡུག་བསྔལ་མང་པོ་བཟློག་པར་བྱེད། །དེ་དག་བསོད་ནམས་མི་ཟད་ཡེ་ཤེས་ལྡན། །འགྲོ་བའི་
D44.035.0279a01.01དབང་པོ་སྣ་ཚོགས་བསམ་ལ་རབ་ཏུ་འཇུག །སྐྱེ་དགུའི་ལས་ཀྱི་རྒྱུད་ཀྱང་ཤིན་ཏུ་ཤེས་བྱས་ཤིང་། །བསམ་པ་ཇི་བཞིན་ཚུལ་འདིའི་ཆོས་རྣམས་མཐའ་ཡས་བརྗོད། །འགྲོ་ལ་བྱམས་པའི་སེམས་རྣམས་ཀུན་དང་རྗེས་སུ་ལྡན། །བདག་མེད་ཉིད་
D44.035.0279a02.01རྟོགས་འོན་ཀྱང་བཏང་སྙོམས་བྱེད་པ་མིན། །དེ་དག་སྙིང་བརྩེ་གཅིག་ཏུ་གསལ་བར་ཆོས་ཀྱང་བརྗོད། །འོན་ཀྱང་{དམྱིགས་,དམིགས་}པར་མི་གནས་དེ་དག་འཇིག་རྟེན་རྒྱུ། །དེ་དག་འོད་ཟེར་དྲ་བ་སྣ་ཚོགས་མདོག་བཀྱེ་ཞིང་། །འགྲོ་བའི་མུན་པ་བསལ་ཏེ་ཀུན་ཏུ་
D44.035.0279a03.01སྣང་བྱས་ནས། །འོད་ཟེར་སྒོ་ཡི་པད་མོ་དག་ལ་རྒྱལ་སྲས་རྣམས། །ཀུན་ཏུ་བསྟན་ཏེ་རྡུལ་དང་བྲལ་བའི་ཆོས་ཀྱང་སྟོན། །སྤུ་གཅིག་རྩེ་ལ་ཞིང་རྣམས་རྒྱལ་བས་བརྒྱན་པ་དང་། །དེ་བཞིན་རྒྱལ་བའི་སྲས་ཀྱིས་བརྒྱན་པ་མངོན་པར་མཐོང་། །
D44.035.0279a04.01འཁོར་རྣམས་བློ་སེམས་གཞན་དང་གཞན་ཅན་དཔེ་མེད་པ། །འགྲོ་བ་དེ་དག་སེམས་ཤེས་རྨོངས་མེད་སྟོན་པ་བྱེད། །སེམས་འཇུག་གཅིག་གིས་ཕྱོགས་རྣམས་བཅུ་པོ་ཐམས་ཅད་ཀྱི། །བརྗོད་དུ་མེད་པ་ཁྲག་ཁྲིག་ཞིང་རྣམས་ཀུན་བགྲོད་ཅིང་། །
D44.035.0279a05.01སོང་སྟེ་སངས་རྒྱས་འགྲོ་བའི་དོན་དུ་མཆོད་བྱས་ནས། །དྲི་བ་ཁྲག་ཁྲིག་དོན་དང་ལྡན་པ་སྣ་ཚོགས་འདྲི། །བདེར་གཤེགས་རྣམས་ལ་ཕ་ཡི་འདུ་ཤེས་ཉེར་བཞག་ཅིང་། །ཆོས་ཀྱི་གཏེར་མཁས་རྟག་ཏུ་ཤེས་རབ་རྣོན་པོ་ཅན། །ཡེ་ཤེས་འབྱུང་གནས་མཁས་
D44.035.0279a06.01པས་སངས་རྒྱས་ཆགས་མེད་ཕྱིར། །འགྲོ་བའི་དོན་འདོད་བྱང་ཆུབ་མཆོག་གི་སྤྱོད་པ་སྒྲུབ། །གང་རྣམས་ཆོས་དབྱིངས་རྣམ་པར་ཕྱེ་ཞིང་བསམ་བྱས་ཀྱང་། །བསྐལ་པ་མང་པོ་འདས་བྱས་ཟད་པར་མ་གྱུར་ཏེ། །ཆོས་ཉིད་གནས་མེད་གང་ལའང་
D44.035.0279a07.01