完整藏文原文 · 德格版页 当前仅加载第 35 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་དབྱིངས་ཀྱིས་ཀླས་པའི་ཆོས་དབྱིངས་ཇི་བཞིན་དང་། །ཇི་ལྟར་སངས་རྒྱས་ཆོས་རྣམས་འགྲོ་ཀུན་རྗེས་སོང་དང་། །སངས་རྒྱས་ཐམས་ཅད་ཀུན་ཏུ་ཁྱབ་བརྙེས་ཇི་བཞིན་གྱིས། །འགྲོ་བ་{མྱི་,མི་}ལྡོག་དོན་དུ་ཕན་པར་རབ་ཏུ་ཞུགས། །འཇིག་རྟེན་རྣམས་ལ་བྱམས་
D44.035.0277b01.01པས་རྟག་པར་རབ་གནས་ཤིང་། །འཚེ་བ་མེད་པར་འགྲོ་ལ་ཕན་ཕྱིར་སུ་ཞུགས་ཏེ། །སྣང་བ་མི་ཟད་འོད་བྱེད་གནས་སུ་གྱུར་པ་རྣམས། །བསམ་གྱིས་མི་ཁྱབ་སྟོབས་བཅུ་མངའ་བས་བྱིན་གྱིས་བརླབས། །དེ་ནི་ཞིང་རྣམས་ཐ་དད་མ་ཡིན་ཚུལ་ཡང་རྙེད། །
D44.035.0277b02.01དེ་ནི་ལུས་ཀྱི་རྣམ་པ་ཀུན་ལ་རབ་ཏུ་ཞུགས། །བསོད་ནམས་ཡེ་ཤེས་དེ་ཡང་སངས་རྒྱས་བྱང་ཆུབ་བཞིན། །འདི་ནི་ཆགས་མེད་གཞོལ་བ་ཡེ་ཤེས་རྒྱུར་སྐྱེས་སོ། །སྤྱིའུ་ཚུགས་རྒྱུ་བའི་འགྲོ་བ་སྣ་ཚོགས་མ་ལུས་པར། །གཞན་ཡང་ཞིང་རྣམས་འབྱམ་ཀླས་
D44.035.0277b03.01ཆགས་{མྱེད་,མེད་}མཐར་ཐུག་པ། །དེ་དག་ཕྲ་སྦོམ་རྒྱ་ཆེ་ཡངས་པ་ཐམས་ཅད་དུ། །བྱང་ཆུབ་སེམས་མཆོག་དེ་ནི་གཅིག་པུ་ཀུན་ཏུ་འགྲོ། །བརྗོད་དུ་མེད་པ་ཤིན་ཏུ་ཕྲ་ཞིང་{མྱི་,མི་}གནས་པའི། །བྱང་ཆུབ་སེམས་དཔའི་སྤྱད་པ་མཆོག་ལ་རྟག་ཞུགས་ཤིང་། །
D44.035.0277b04.01མཁས་པ་གང་གིས་སངས་རྒྱས་ཆོས་མཐོང་{མྱི་,མི་}ངོམས་པ། །དེ་དག་ཆོས་རྣམས་རྒྱ་མཚོའི་རྣམ་པར་ཆུད་པ་ཡིན། །འཇིག་རྟེན་ལམ་རྒྱུད་ཀུན་ལ་སུ་ཞིག་སྙིང་བརྩེ་ཞིང་། །འཇིག་རྟེན་གསུམ་པོ་སྦྱང་བར་རྟག་ཏུ་ཞུགས་པ་རྣམས། །ཕྱི་མའི་
D44.035.0277b05.01མཐར་ཐུག་སངས་རྒྱས་གདུང་གི་རྒྱུན་མི་གཅོད། །དེ་ནི་བདུད་ཀྱི་ཁྱིམ་ཡང་རབ་ཏུ་བཅོམ་པ་ཡིན། །དུས་གསུམ་རྒྱལ་བ་རྣམས་དང་རྒྱུད་གཅིག་དངོས་གྱུར་ཅིང་། །ཤིན་ཏུ་ཕྲ་བའི་ཚུལ་གྱིས་ལམ་ལ་རྟག་བརྩོན་ཏེ། །སུ་ཞིག་སངས་རྒྱས་ཡུལ་ལ་
D44.035.0277b06.01དད་སེམས་པ། །དེ་ནི་ཆགས་མེད་ཐུབ་པ་ཀུན་གྱིས་དབང་ཡང་བསྐུར། །རྡོ་རྗེ་ལྟ་བུར་སྲ་ཞིང་བརྟན་ལ་མི་ཤིགས་པ། །རྐང་གཉིས་གཙོ་བོའི་མཛད་པ་རྟག་ཏུ་དྲན་ཤེས་ཤིང་། །འདྲེན་པའི་སྤྱོད་ཡུལ་སྣང་རབ་ཤིན་ཏུ་རྙེད་པ་རྣམས། །
D44.035.0277b07.01