完整藏文原文 · 德格版页 当前仅加载第 35 函德格 372a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་སངས་རྒྱས་དཔལ་ལྡན་ལས། །དེ་དག་རྒྱང་མར་མི་གནས་སོ། །བདག་ཉིད་ཆེ་བ་འདི་ལྟ་བུ། །གང་གིས་ཐོས་མཐོང་མཁས་པ་རྣམས། །སྤྱོད་ཡུལ་ཐོབ་པར་ཅིས་འགྱུར་བའི། །སྨོན་ལམ་སུ་ཞིག་སྦྱོང་མི་བྱེད། །དེ་ནས་བྱང་ཆུབ་སེམས་དཔའ་དཔའ་
D44.035.0372a01.01བའི་རྒྱལ་མཚན་གྱིས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཇི་ལྟར་ཉི་མའི་འོད་སྣང་བས། །མིག་གིས་གཟུགས་རྣམས་མཐོང་གྱུར་པ། །དེ་བཞིན་སངས་རྒྱས་བྱིན་རླབས་ཀྱིས། །དག་པའི་
D44.035.0372a02.01སེམས་ལྡན་རྒྱལ་བ་མཐོང་། །ཇི་ལྟར་བརྩོན་འགྲུས་སྟོབས་ལྡན་པ། །རྒྱ་མཚོ་ལ་ནི་འཇུག་པར་བྱེད། །དེ་བཞིན་ཡེ་ཤེས་སྟོབས་ལྡན་པས། །བསམ་དུ་མེད་པའི་སངས་རྒྱས་མཐོང་། །ཇི་ལྟར་ས་བོན་རྣམ་པ་དག །ཞིང་བཟང་ལ་ནི་སྐྱེར་འགྱུར་བ། །དེ་བཞིན་སེམས་
D44.035.0372a03.01བསམ་རྣམ་དག་ལ། །སངས་རྒྱས་ཆོས་ནི་སྐྱེ་བར་འགྱུར། །ཇི་ལྟར་ནོར་གྱི་ཕུང་པོ་ཡིས། །དབུལ་བ་ཐམས་ཅད་སྤོང་བྱེད་པ། །དེ་བཞིན་སངས་རྒྱས་ཆོས་རྣམས་ཀྱིས། །བྱང་ཆུབ་སེམས་དཔའ་རྣམ་དག་འགྱུར། །ཇི་ལྟར་དུག་ཏུ་གྱུར་པ་ལ། །ནད་མེད་དུག་སྨན་
D44.035.0372a04.01རྒྱལ་བར་བྱེད། །དེ་བཞིན་ཉོན་མོངས་རྣམ་པ་ལ། །རྣམ་དག་ཚུལ་ནི་སྤྱོད་ཡུལ་ལོ། །སངས་རྒྱས་ཀྱིས་ནི་གང་བསྔགས་པའི། །དགེ་བའི་བཤེས་ལ་བརྟེན་བྱས་ན། །དེ་ཡི་མཐུས་ནི་སངས་རྒྱས་ཀྱི། །ཆོས་ཉིད་འདི་དག་ཐོས་པར་འགྱུར། །
D44.035.0372a05.01བསྐལ་པ་བྱེ་བ་གྲངས་མེད་པར། །སྦྱིན་པ་མཆོག་རྣམས་སྦྱིན་བྱས་ཀྱང་། །འདི་ཡི་ཚུལ་ལ་རབ་སྤྱོད་པའི། །གྲངས་དང་ཆར་ཡང་{མྱི་,མི་}འགྲོའོ། །སངས་རྒྱས་ཡོན་ཏན་མཐའ་ཡས་ཏེ། །མཚན་གྱིས་ཤིན་ཏུ་རྣམ་པར་བྲིས། །བརྗོད་པས་
D44.035.0372a06.01ཡང་དག་སངས་རྒྱས་རྣམས། །རྒྱལ་བ་ཤེས་པར་མི་ནུས་སོ། །རྫོགས་པའི་སངས་རྒྱས་རྐང་གཉིས་མཆོག །གནས་ནས་གཡོ་བ་{མྱི་,མི་}མངའ་བར། །སྐུ་ནི་ཀུན་ཏུ་རྣམ་རྒྱུ་ཞིང་། །ཆོས་ཀྱི་དབྱིངས་ནི་སྟོན་པ་མཛད། །ཇི་ལྟར་ནམ་མཁའི་ཁམས་
D44.035.0372a07.01