完整藏文原文 · 德格版页 当前仅加载第 35 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
དག །ཞིང་རྣམས་ལ་ལ་པདྨོའི་དངོས། །སྣང་བ་བཟང་པོས་རྣམ་པར་མཛེས། །སངས་རྒྱས་སྤྲུལ་པའི་གསུང་ཡང་ཡིན། །ཞིང་གི་དྲ་བ་བསམ་མི་ཁྱབ། །རིན་ཆེན་ཅོད་པན་སྣ་ཚོགས་དང་། །བྱང་ཆུབ་སེམས་དཔའི་རྒྱན་རྣམས་དང་། །གདན་ལས་དེ་བཞིན་ལ་ལ་བྱུང་། །འོད་
D44.035.0143b01.01དང་སྤྲུལ་པའང་རབ་ཏུ་འགྱེད། །ཙན་དན་ཕྱེ་མ་སྣ་ཚོགས་དང་། །མཛོད་སྤུའི་རྣམ་པར་སྣང་བའི་འོད། །སངས་རྒྱས་སྤྲིན་གྱི་འོད་ཟེར་རྣམས། །ཞིང་རྣམས་འབྱུང་བ་རབ་ཏུ་བརྗོད། །ལ་ལ་རྒྱན་དང་འོད་གཅིག་པར། །ཞིང་རྣམས་དྲི་མ་མེད་པ་སྣང་། །ལ་ལ་རྒྱན་རྣམས་ཐམས་
D44.035.0143b02.01ཅད་ཀྱིས། །རྣམ་པ་སྣ་ཚོགས་རབ་ཏུ་བརྒྱན། །ལ་ལ་ཞིང་རྣམས་བཅུ་དག་གི །རྒྱན་གྱིས་མངོན་པར་རབ་ཏུ་བརྒྱན། །ལ་ལ་ཞིང་རྣམས་སྟོང་དག་ཀྱང་། །རྣམ་པར་བརྒྱན་ཅིང་རབ་ཏུ་གནས། །ཞིང་གི་རྒྱན་མང་བྱ་བ་ཡིས། །ཞིང་རྣམས་ལ་ལ་རྣམ་པར་བྲེས། །རྒྱན་དང་ཚུལ་
D44.035.0143b03.01རྣམས་ཐ་དད་པར། །སྣ་ཚོགས་མིག་ཡོར་ལྟ་བུར་སྣང་། །བརྗོད་དུ་མེད་པའི་ཞིང་གི་རྣམས། །རྒྱན་གཅིག་ལ་ཡང་རབ་ཏུ་སྣང་། །འོད་ནི་གཞན་དང་གཞན་བཀྱེ་བ། །སངས་རྒྱས་སྨོན་ལམ་མཐུ་ལས་བྱུང་། །སྨོན་ལམ་རྒྱ་མཚོ་རྣམས་མང་བས། །ཞིང་རྣམས་ལ་ལ་རྣམ་
D44.035.0143b04.01པར་སྦྱངས། །དེ་དག་རྒྱན་མང་ཐམས་ཅད་དུ། །ཞིང་གི་རྒྱ་མཚོ་ཤིན་ཏུ་སྣང་། །ཀུན་ཏུ་བཟང་པོའི་སྨོན་ལམ་གྱིས། །ཞིང་རྣམས་ཡོངས་སུ་གང་སྦྱངས་པ། །དེ་དག་ཀུན་ལ་དུས་གསུམ་གྱི། །ཞིང་གི་རྒྱན་རྣམས་ཀུན་ཀྱང་སྣང་། །ཞིང་གི་རྒྱུད་ཀྱི་རྣམ་སྤྲུལ་པ། །
D44.035.0143b05.01ཀྱེ་མ་རྒྱལ་སྲས་ཁྱེད་ནི་ལྟོས། །མ་འོངས་པ་ཡི་ཞིང་རྣམས་ཀྱང་། །རྨི་ལམ་བཞིན་དུ་དེ་དག་སྣང་། །ཇི་སྙེད་ཕྱོགས་བཅུའི་འཇིག་རྟེན་གྱི། །འདས་པའི་ཞིང་རྣམས་རྒྱ་མཚོ་ཡང་། །ཞིང་གཅིག་ནང་ན་ཐམས་ཅད་སྣང་། །མིག་ཡོར་བཞིན་དུ་སྤྲུལ་པ་ཡིན། །དུས་
D44.035.0143b06.01གསུམ་སངས་རྒྱས་ཐམས་ཅད་ཀྱི། །རྣམ་སྤྲུལ་ཞིང་རྣམས་གང་ཡོད་པ། །ཞིང་གི་རྒྱུད་ནི་འདི་ལ་སྣང་། །ཀུན་ཀྱང་ནང་ན་ཡོད་པར་གནས། །ཞིང་གི་རྡུལ་གྱི་རྩེ་མོ་ལ། །སངས་རྒྱས་ཐམས་ཅད་རྣམ་འཕྲུལ་པ། །ཤོང་བ་དེ་དག་ཀུན་ནས་སྣང་།
D44.035.0143b07.01