完整藏文原文 · 德格版页 当前仅加载第 35 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ་སྙམ་སྟེ་དེ་དག་སྦྱོར་བ་རྒྱུན་མི་ཆད་ཅིང་སྐྱོ་བ་མེད་པའི་ཡིད་དང་ལྡན་པ་དང་། ཚོགས་ཀྱི་རྒྱན་ཆེན་པོས་བྱང་ཆུབ་སེམས་དཔའི་རྣམ་པར་བཀོད་པ་ལས་ཡང་དག་པར་འདའོ། །ཀྱེ་རྒྱལ་བའི་སྲས་དེ་ལ་བྱང་ཆུབ་སེམས་དཔའ་རྣམས་ཀྱི་རྣམ་པ་བཅུས་སྤྱོད་
D44.035.0289b01.01པའི་དཀྱིལ་འཁོར་ཡོངས་སུ་སྦྱང་བར་བྱས་ཏེ། བཅུ་གང་ཞེ་ན་ཡོ་བྱད་ཡོངས་སུ་གཟུང་བ་མེད་པ་དང་། འགྲོ་བ་ཐམས་ཅད་ཚིམ་པར་བྱེད་པ་དང་། ཚུལ་ཁྲིམས་ཡང་དག་པར་བླངས་པ་ཁ་ན་མ་ཐོ་བ་མེད་པ་དང་། བཟོད་པ་དང་དེས་པ་མི་ཟད་པའི་སའི་རྗེས་སུ་
D44.035.0289b02.01སོང་བ་དང་། བརྩོན་འགྲུས་རྩོམ་པ་ཕྱིར་མི་ལྡོག་པའི་སྦྱོར་བ་དང་ལྡན་པ་དང་། དྲན་པའི་སྟོབས་ཀྱི་ཤུགས་རྨོངས་པ་མེད་པ་དང་། གཅིག་ལས་རྣམ་པ་ཐ་དད་པའི་ཆོས་ཀྱི་རྗེས་སུ་སོང་ཞིང་ཁོང་དུ་ཆུད་པ་དང་། གནས་མེད་པའི་སྤྱོད་པ་བསྒྲུབ་དཀའ་བ་
D44.035.0289b03.01ཐམས་ཅད་ལ་སེམས་རིའི་རྒྱལ་པོ་ལྟ་བུ་དང་། སེམས་ཅན་ཐམས་ཅད་དང་མ་འདྲེས་པའི་མུ་སྟེགས་སུ་གྱུར་པ་དང་། འགྲོ་བ་ཐམས་ཅད་དུ་སངས་རྒྱས་ཐམས་ཅད་དང་། རྒྱུད་ཀྱི་ཚུལ་གཅིག་ཏུ་གྱུར་པ་སྟེ། ཀྱེ་རྒྱལ་བའི་སྲས་རྣམ་པ་བཅུ་པོ་དེ་དག་
D44.035.0289b04.01གིས། བྱང་ཆུབ་སེམས་དཔའ་རྣམས་ཀྱིས་སྤྱོད་པའི་དཀྱིལ་འཁོར་ཡོངས་སུ་སྦྱོང་བར་བྱའོ། །དེ་དག་གིས་བྱང་ཆུབ་སེམས་དཔའི་སྤྱོད་པ་དེ་ལྟར་ཡོངས་སུ་སྦྱངས་པ་དེ་རྣམ་པ་བཅུས་ཤིན་ཏུ་དག་པར་འགྱུར་ཏེ། བཅུ་གང་ཞེ་ན་སེམས་ཅན་གྱི་གཙོ་བོ་འཇིག་རྟེན་
D44.035.0289b05.01གྱི་ཁམས་གཞན་ན་བཞུགས་པས་ཡང་དག་པར་དགོངས་པ་དང་། འདས་པའི་བྱང་ཆུབ་སེམས་དཔའི་གྲོགས་ཀྱིས་དགེ་བའི་རྩ་བ་བསྐྱེད་པ་དང་། སངས་རྒྱས་ཀྱི་བྱིན་གྱི་རླབས་ཡང་དག་པར་གཟུང་བ་ལ་མཁས་པ་དང་། དགེ་བའི་བཤེས་གཉེན་
D44.035.0289b06.01ལ་ཡང་དག་པར་བརྟེན་པ་དང་། མོས་པ་དང་བརྩོན་འགྲུས་དང་། བག་ཡོད་པ་ལ་རབ་ཏུ་གནས་པ་དང་། ཆོས་ཐ་དད་པ་ཐམས་ཅད་ལ་ཐ་མི་དད་པར་རྟོགས་པ་དང་། སྙིང་རྗེའི་བྱིན་གྱི་རླབས་ཤིན་ཏུ་ཆེ་བ་དང་། ཆོས་ཐམས་ཅད་ཡང་དག་པ་ཇི་
D44.035.0289b07.01