完整藏文原文 · 德格版页 当前仅加载第 35 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་རྣམ་པར་སྣང་མཛད་ཡོན་ཏན་ཡངས་པའི་རྒྱལ་མཚན་གྱི་རྣམ་པར་ཐར་པ་ནི། རྣམ་པར་སྣང་མཛད་ཀྱི་སྨོན་ལམ་རྒྱ་མཚོ་ཐམས་ཅད་ཀྱི་དབྱིངས་ལ་རབ་ཏུ་གནས་པ་ཞེས་བྱའོ། །བྱང་ཆུབ་སེམས་དཔའ་བསོད་ནམས་ཡངས་པ་ཤིན་ཏུ་འཕགས་
D44.035.0056b01.01པའི་འོད་མཆོག་ཡོན་ཏན་འབྱུང་བའི་བློ་གྲོས་ཀྱི་རྣམ་པར་ཐར་པ་ནི། སངས་རྒྱས་ཀྱི་ཡུལ་ཟབ་མོ་ཆོས་ཀྱི་དབྱིངས་ཐམས་ཅད་ལ་ཀུན་ནས་རབ་ཏུ་གནས་པ་རྣམ་པར་སྤྱོད་པ་ཞེས་བྱའོ། །དེ་ནས་བྱང་ཆུབ་སེམས་དཔའ་འོད་ཟེར་རྒྱ་མཚོ་འོད་ཆེན་དཔལ་གྱི་ཟླ་བས། སངས་
D44.035.0056b02.01རྒྱས་ཀྱི་མཐུས་བྱང་ཆུབ་སེམས་དཔའ་རྣམ་པར་ཕྱེ་བ་རྒྱ་མཚོ་མཐའ་ཡས་པ་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཕ་རོལ་ཕྱིན་པ་རྒྱ་མཚོ་བསམ་ཡས་དང་། །ས་ཡི་དཀྱིལ་འཁོར་རྒྱ་ཆེན་ཀུན་ཀྱང་ཡོངས་སུ་རྒྱས། །ཚད་
D44.035.0056b03.01མེད་སེམས་ཅན་རྣམ་པར་འདུལ་བའི་ཚེ། །སངས་རྒྱས་ཞིང་ཡངས་རྣམས་ཀྱང་རྣམ་པར་སྦྱངས། །ཕྱོགས་བཅུའི་སངས་རྒྱས་ཞིང་ཀུན་རྒྱས་བྱས་ཏེ། །སངས་རྒྱས་སེམས་ཅན་ཁམས་སྦྱིན་འདུལ་མཛད་པ། །སྐད་ཅིག་ཐུགས་ཀྱིས་ཆོས་ཀྱི་འཁོར་ལོ་དག །
D44.035.0056b04.01མཐའ་ཡས་འགྲོ་མཉམ་བསམ་པ་ཚིམ་པར་སྟོན། །བསྐལ་པ་རྒྱ་ཆེ་མི་ཟད་མུ་མེད་པར། །རྒྱལ་བ་འགྲོ་ལ་མངོན་སུམ་ཀུན་ནས་བཞུགས། །མགོན་པོས་སྔན་ཅད་ཇི་ལྟར་སྦྱངས་ཚུལ་དུ། །རྒྱལ་བས་སྤྱོད་ཡུལ་རྣམ་དག་རབ་ཏུ་བསྟན། །ཆོས་རྒྱལ་དེ་དག་ཇི་ལྟར་
D44.035.0056b05.01རྣམ་འཕྲུལ་པ། །ཕྱོགས་རྣམས་རྒྱ་མཚོ་མ་ལུས་ཀུན་ན་སྣང་། །སྙིང་པོ་བྱང་ཆུབ་ཀུན་ནའང་རྒྱལ་བ་དག །འཁོར་གྱིས་བསྐོར་ཅིང་ཆོས་རྣམས་གསུང་བ་སྣང་། །འགྲོ་བའི་བསམ་པ་ཐམས་ཅད་ཚིམ་མཛད་ཅིང་། །འཇིག་རྟེན་དག་ན་སངས་རྒྱས་ཚུལ་ཀུན་མཛེས། །
D44.035.0056b06.01དབང་པོ་ཇི་བཞིན་ཆོས་ཀྱི་ཆར་ཡང་འབེབས། །སངས་རྒྱས་ཆོས་སྐུ་ཡངས་པ་རྣམ་པར་མཛེས། །དེ་བཞིན་ཉིད་ལྟར་མཚན་ཉིད་ལུས་མེད་དེ། །རྒྱལ་བ་དྲི་མེད་འོད་གསལ་ཆོས་ཀྱི་སྐུ། །ཡེ་ཤེས་ཞི་བའི་སྐུ་ནི་ཚད་མེད་དེ། །ཕྱོགས་དབྱིངས་ཀུན་བཀང་ཆོས་ཀྱི་ཆར་
D44.035.0056b07.01