完整藏文原文 · 德格版页 当前仅加载第 35 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་ཀྱི་རྒྱུད་བློ་གྲོས་དགེ་བ་མཐའ་ཡས་པའི་གཟི་བརྗིད་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་མུ་ཏིག་སྣ་ཚོགས་ཀྱི་དཀྱིལ་འཁོར་གྱི་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་ཡུལ་དང་སྨོན་ལམ་གྱི་རྒྱུ་མཐུན་
D44.035.0137b01.01པ་ལས་བྱུང་བ་ཞེས་བྱ་བ་རབ་ཏུ་གནས་སོ། །དེ་དག་ལ་{སྩོགས་,སོགས་}པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ཁོར་ཡུག་གི་འཚམས་ན་སྤོས་ཆུའི་རྒྱ་མཚོ་འཛམ་བུའི་ཆུ་ཀླུང་གི་མཛོད་ཀྱི་དཀྱིལ་འཁོར་ཅེས་
D44.035.0137b02.01བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཀུན་ཏུ་སྒྲ་སྒྲོག་པའི་རྒྱལ་མཚན་ཞེས་བྱ་བ་ཐམས་ཅད་མཁྱེན་པ་ཉིད་གཞན་དང་། གཞན་གྱི་སྒོར་རབ་ཏུ་འཇུག་པའི་དབྱངས་ཀྱི་ལྷུན་ཅན་མངོན་པར་བྱུང་ངོ་། །དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་མེ་ཏོག་འོད་
D44.035.0137b03.01འཕྲོ་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་དཔའ་བས་གསོལ་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་
D44.035.0137b04.01རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་པད་མོ་རྣམ་པར་སྣང་བའི་རྒྱལ་མཚན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་
D44.035.0137b05.01འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཐམས་ཅད་ཀྱིས་རྣམ་པར་འཕགས་པའི་སེམས་ཀྱི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་
D44.035.0137b06.01གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་སྟོབས་བཅུའི་རྒྱན་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཀུན་ནས་ཉོན་མོངས་ཤིང་རྣམ་པར་དག་པ་ཡོད་དེ།
D44.035.0137b07.01