完整藏文原文 · 德格版页 当前仅加载第 35 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཡོངས་སུ་སྐྱེ་ཞིང་འདྲེན། །ནེམ་ནུར་རྣམ་སེལ་ནད་ལས་རབ་ཏུ་སྒྲོལ། །དད་པ་བདེ་བའི་གྲོང་དུ་ཕྱིན་པར་བྱེད། །དད་པ་སེམས་གསལ་རྙོག་པ་མེད་པ་སྟེ། །ང་རྒྱལ་རྣམ་སྤངས་སྲི་ཞུའི་རྩ་བ་ཡིན། །དད་པ་སྤྱོད་མཆོག་ནོར་དང་གཏེར་ཡིན་ཏེ། །ལག་
D44.035.0220b01.01པ་ལྟ་བུ་དགེ་སྡུད་རྩ་བ་ཡིན། །ཡོངས་སུ་གཏོང་ལ་དད་པ་དགའ་བར་བྱེད། །རྒྱལ་བའི་ཆོས་ལ་དད་པ་སྤྲོ་བ་སྐྱེད། །ཡོན་ཏན་ཡེ་ཤེས་ཁྱད་པར་དད་པ་བྱེད། །སངས་རྒྱས་ལམ་ལ་སྟོན་པའང་རྙེད་པར་བྱེད། །དབང་པོ་རྣོ་ཞིང་རབ་ཏུ་གསལ་བ་དང་། །གཞན་གྱིས་
D44.035.0220b02.01མི་ཐུབ་དངོས་ལ་དད་པ་སྟོབས། །ཉོན་མོངས་ཐུབ་པ་མེད་ལ་གནས་ཡིན་ཏེ། །དད་པ་རང་བྱུང་ཡོན་ཏན་ཚོལ་བ་ཡིན། །དད་པ་ཆགས་པའི་སྒོ་དང་མི་འགྲོགས་ཏེ། །མི་ཁོམ་སྤོང་ཞིང་འདུ་འཛི་མེད་པར་བྱེད། །དད་པ་བདུད་ཀྱི་ལམ་ལས་བཟློག་པ་སྟེ། །ཐར་ལམ་
D44.035.0220b03.01དམ་པ་ཡོངས་སུ་སྟོན་པ་ཡིན། །ཡོན་ཏན་རྒྱུ་ཡིན་ས་བོན་མ་རུལ་བཞིན། །དད་པ་བྱང་ཆུབ་ཤིང་རབ་རྣམ་པར་སྤྱོད། །ཡེ་ཤེས་ཁྱད་པར་སྒོ་རྣམས་འཕེལ་བར་བྱེད། །དད་པ་རྒྱལ་བ་རྣམས་ཀྱི་སྟོན་པ་ཡིན། །དེ་བས་དད་མོས་ཁྱད་པར་དགའ་བ་ལ། །སྤྱོད་པ་རིམ་
D44.035.0220b04.01གྱིས་རྣམ་པར་བརྗོད་པར་བྱ། །ཆོས་ཚུལ་འདི་འདྲ་འཇིག་རྟེན་རྣམས་ན་དཀོན། །རིན་ཆེན་སེང་གེའི་རྒྱལ་པོ་ཇི་བཞིན་ནོ། །དད་པས་སངས་རྒྱས་སྲི་ཞུ་གང་བྱེད་པ། །དེ་དག་ཚུལ་ཁྲིམས་སློབ་པ་མི་གཏོང་ངོ་། །ཚུལ་ཁྲིམས་སློབ་པ་གང་རྣམས་མི་གཏོང་བ། །དེ་
D44.035.0220b05.01དག་ཡོན་ཏན་གནས་པས་ཡོན་ཏན་ལྡན། །ཚུལ་ཁྲིམས་བྱང་ཆུབ་ཤེས་རབ་སྟོན་པ་སྟེ། །བསླབ་པས་ས་ཡི་ཡོན་ཏན་ལེགས་ལ་བརྩོན། །ཚུལ་ཁྲིམས་བསླབ་པ་ཡོངས་སུ་མ་བཏང་ན། །རྒྱལ་བ་རྣམས་ཀྱིས་བསྟོད་ཅིང་བསྔགས་པར་འོས། །དད་པས་
D44.035.0220b06.01སངས་རྒྱས་སྲི་ཞུ་གང་བྱེད་པ། །དེ་དག་རྒྱལ་བའི་མཆོད་པ་ཡངས་པ་བྱེད། །རྒྱལ་བ་རྣམས་ལ་མཆོད་པ་སུ་བྱེད་པ། །དེ་དག་སངས་རྒྱས་མོས་པ་བསམ་མི་ཁྱབ། །དད་པས་ཆོས་ལ་ཕུ་དུད་གང་བྱེད་པ། །དེ་དག་རྒྱལ་བའི་ཆོས་ཀྱིས་མི་ངོམས་ཉན། །རྒྱལ་
D44.035.0220b07.01