完整藏文原文 · 德格版页 当前仅加载第 35 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བ་དེ་ལྟར་བྱའོ། །དེ་ཅིའི་ཕྱིར་ཞེ་ན། འདི་ལྟར་སངས་རྒྱས་ཐམས་ཅད་ཀྱི་རྗེས་སུ་བསླབས་ཏེ། མི་བྱ་བ་ཐམས་ཅད་ཡོངས་སུ་སྤང་བ་དང་།
D44.035.0309a01.01ལུས་ཀྱིས་མི་ཤེས་པ་ཐམས་ཅད་ཡོངས་སུ་སྤང་བ་མ་ཡིན་པ་དང་། སེམས་ཀྱིས་ཀྱང་མ་ཡིན་པ་དེ་ནི་བདག་ཅག་གི་ལས་ཡིན་གྱིས། ཀྱེ་རྒྱལ་བའི་སྲས་དག་བདག་ཅག་གིས་སངས་རྒྱས་ཀྱི་ཆོས་ཐམས་ཅད་ཀྱི་རྗེས་སུ་སོང་བའི་ཡེ་ཤེས་ཀྱིས་སེམས་ཅན་ཐམས་
D44.035.0309a02.01ཅད་ཀྱི་ཕྱིན་ཅི་ལོག་རབ་ཏུ་སྤང་བའི་ཕྱིར་ཆོས་བསྟན་པར་བྱའོ། །ཕྱིན་ཅི་ལོག་ནི་སེམས་ཅན་རྣམས་ལས་གཞན་ནའང་མེད་དེ། ཕྱིན་ཅི་ལོག་རྣམས་ལས་ཀྱང་སེམས་ཅན་རྣམས་གུད་ན་མེད་དོ། །ཕྱིན་ཅི་ལོག་ཏུ་ཡང་སེམས་ཅན་འདུས་པ་མ་ཡིན།
D44.035.0309a03.01སེམས་ཅན་དུ་ཡང་ཕྱིན་ཅི་ལོག་འདུས་པ་མ་ཡིན་ནོ། །ཕྱིན་ཅི་ལོག་རྣམས་ཀྱང་སེམས་ཅན་མ་ཡིན། སེམས་ཅན་རྣམས་ཀྱང་ཕྱིན་ཅི་ལོག་མ་ཡིན་ནོ། །ཕྱིན་ཅི་ལོག་རྣམས་ནི་ནང་ན་ཡང་མེད། ཕྱིན་ཅི་ལོག་རྣམས་ནི་ཕྱི་རོལ་ན་ཡང་མེད་དོ། །སེམས་
D44.035.0309a04.01ཅན་རྣམས་ཀྱང་ནང་ན་ཡང་མེད། སེམས་ཅན་རྣམས་ནི་ཕྱི་རོལ་ན་ཡང་མེད་དེ། ཆོས་དེ་དག་ཐམས་ཅད་ནི་གསོག་གསོབ་{བརྫུན་,རྫུན་}པ་བསླུ་བའི་ཆོས་ཅན་ཏེ། སྒྱུ་མ་ལྟ་བུ་བྱིས་པ་བསླུ་བ་དང་། ངན་པ་ཆུང་བ་སྙིང་པོ་མེད་པ། རྨི་ལམ་ལྟ་བུ། མིག་ཡོར་
D44.035.0309a05.01ལྟ་བུ་སྟེ། དེ་དག་ཁོང་དུ་ཆུད་པར་བྱ་བའི་ཕྱིར་འདུ་བྱེད་རྗེས་སུ་རྟོགས་པའོ། །འདུ་བྱེད་རྗེས་སུ་རྟོགས་པའི་ཕྱིར་མྱ་ངན་ལས་འདས་པ་སྟེ། དེ་ནི་སངས་རྒྱས་ཀྱི་བྱང་ཆུབ་ཏུ་རྣམ་པར་འཚང་རྒྱ་བར་བྱེད་དེ། རྒལ་བས་ནི་སྒྲོལ་བར་བྱེད། གྲོལ་བས་ནི་འགྲོ་
D44.035.0309a06.01བར་བྱེད། ཞི་བས་ནི་ཞི་བར་བྱེད། དབུགས་ཕྱིན་པས་ནི་དབུགས་འབྱིན་པར་བྱེད། བཀྲུས་པས་ནི་འཁྲུ་བར་བྱེད། དག་པས་ནི་དག་པར་བྱེད། མྱ་ངན་ལས་འདས་པས་ནི་མྱ་ངན་ལས་འདའ་བར་བྱེད། བདེ་བར་གྱུར་པས་ནི་བདེ་བར་བྱེད་པ་སྟེ།
D44.035.0309a07.01