完整藏文原文 · 德格版页 当前仅加载第 35 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་མ་ཡིན་པ། །དེ་དག་བསྐལ་བ་གྲངས་མེད་དུ། །སྲིད་པའི་གང་ཆེན་མཚོ་ན་འཁོར། །ཉོན་མོངས་ཅན་ནི་འཁོར་བར་བཤད། །ཉོན་མོངས་མེད་པ་མྱ་ངན་འདས། །མྱ་ངན་འདས་དང་འཁོར་བ་ཡང་། །རང་བཞིན་རྙེད་པར་མི་རུང་ངོ་། །འཁོར་ཞེས་བྱ་བ་བརྡ་ཡིན་ཏེ། །མྱ་ངན་འདས་
D44.035.0243b01.01པ་བརྗོད་པ་ཡིན། །འཕགས་པའི་ཆོས་རྣམས་མ་སྐྱེས་པ། །བླ་མ་དག་ནི་མི་ཤེས་སོ། །འདི་ནི་སངས་རྒྱས་རྒྱལ་བ་འདི། །འདི་ཡིན་འདི་འདྲའི་འདུ་ཤེས་ཅན། །དེ་དག་སངས་རྒྱས་མི་མཐོང་སྟེ། །ཚུལ་བཞིན་མ་ཡིན་ཕྱིན་ཅི་ལོག །ཞི་བའི་རང་བཞིན་ཇི་ལྟ་བར། །གང་གིས་ཞི་བ་
D44.035.0243b02.01ཤེས་གྱུར་པ། །དེས་ནི་ཚིག་གི་ལམ་འདས་པའི། །ཡང་དག་སངས་རྒྱས་རབ་ཏུ་མཐོང་། །ཆོས་རྣམས་ཀུན་གྱི་སྤྱོད་པ་ཡིན། །རབ་ཏུ་བརྗོད་པ་བསྟན་པ་མེད། །འོན་ཀྱང་མཉམ་པ་ཉིད་དུ་ལྟ། །རྒྱལ་བ་ཆོས་རྣམས་ཀུན་དང་མཉམ། །ཡང་དག་སངས་རྒྱས་མཐའ་དབུས་མེད། །
D44.035.0243b03.01ཐོག་མ་དག་དང་ཐ་མར་ཡང་། །འགལ་མེད་རྩ་བ་མེད་པས་ན། །དེ་ནི་སངས་རྒྱས་དེ་ཕྱིར་བརྗོད། །དེ་ནས་བྱང་ཆུབ་སེམས་དཔའ་བདེན་པའི་བློ་གྲོས་ཀྱིས་སངས་རྒྱས་ཀྱི་བྱིན་གྱི་བརླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་
D44.035.0243b04.01རྒྱས་རྣམས་ནི་མཉམ་པའི་ཕྱིར། །བསྐལ་པ་བསམ་གྱིས་{མྱི་,མི་}ཁྱབ་པར། །སེམས་ཅན་དམྱལ་བར་གནས་ཀྱང་བླ། །དེ་ནི་བདེ་བ་བསམ་མི་ཁྱབ། །ཅི་ཕྱིར་ཞེ་ན་བསྐལ་པ་རྣམས། །གྲངས་མེད་སྡུག་བསྔལ་སྔན་ཅད་བྱུང་། །འོན་ཀྱང་བདེ་གཤེགས་མ་ཐོས་པས། །བདག་ཅག་
D44.035.0243b05.01འཁོར་ལས་མ་གྲོལ་ལོ། །དེ་བཞིན་མ་ནོར་ཆོས་ཀྱི་རྣམས། །ཡང་དག་ཉིད་དུ་རྟོགས་གྱུར་ཏེ། །གང་ལ་འགྲོགས་པ་མེད་པ་རྣམས། །དེ་དག་བྱང་ཆུབ་བླ་ན་མེད། །སངས་རྒྱས་རྣམས་དང་མངོན་སུམ་པ། །སྔོན་ཅད་མ་བྱུང་འབྱུང་མི་འགྱུར། །གང་ཕྱིར་སངས་རྒྱས་བརྗོད་པའི་ཆོས། །
D44.035.0243b06.01དེ་དག་མཚན་ཉིད་མེད་པའོ། །ཆོས་རྣམས་བལྟ་དཀའ་ཇི་བཞིན་དུ། །གང་ཞིག་དེ་ལྟར་རྟོགས་པ་ནི། །དེ་དག་སངས་རྒྱས་ཀུན་གཟིགས་པ། །ཡང་དག་བལྟ་བས་ཤིན་ཏུ་མཐོང་། །ཡང་དག་ལ་ནི་ཡང་དག་གཟིགས། །ཡང་དག་མིན་པར་ཡང་དག་མིན། །
D44.035.0243b07.01