完整藏文原文 · 德格版页 当前仅加载第 35 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
ན་གནས། །ཞིང་རྣམས་ཀུན་ཏུ་བསྐལ་པ་རྒྱ་མཚོར་སྤྱོད། །རྒྱ་མཚོའི་ཆོས་ལ་རྣམ་པར་སྣང་བར་སྤྱོད། །དེ་དག་རྒྱལ་བའི་ས་རྣམས་རྒྱ་མཚོར་བཞུགས། །སངས་རྒྱས་ཆོས་རྣམས་གཞན་དང་གཞན་བྱུང་བ། །དེ་དག་སྨོན་ལམ་རྒྱ་མཚོར་རབ་ཏུ་འཇུག །
D44.035.0078b01.01སངས་རྒྱས་ཡོན་ཏན་ལེགས་པ་རྒྱ་མཚོ་དང་། །ཀུན་ཏུ་བཟང་པོའི་སྤྱོད་པ་དེ་དག་ཤེས། །སངས་རྒྱས་ཆོས་ཀྱི་དབྱིངས་རྣམས་ཀུན་བཀང་ཞིང་། །དེ་དག་རྣམ་འཕྲུལ་རྒྱ་ཆེན་ཀུན་ལ་ཞུགས། །ཞིང་རྣམས་ཀུན་གྱི་རྡུལ་ཕྲན་མང་སྙེད་ཀྱི། །ལུས་
D44.035.0078b02.01ཀྱི་སྤྲིན་ནི་རྟག་པར་རབ་ཏུ་སྟོན། །སེམས་ཅན་ཀུན་བཀང་འོད་ཀྱིས་ཀུན་ལ་སྐྱོབ། །བསམ་པ་ཡིད་བཞིན་ཆོས་ཀྱི་ཆར་ཡང་འབེབས། །དེ་ནས་བྱང་ཆུབ་སེམས་དཔའ་ཆོས་ཀྱི་དཔལ་པདྨོ་རྣམ་པར་ལྟ་བའི་རྒྱལ་མཚན་གྱིས། སངས་རྒྱས་ཀྱི་བྱིན་གྱིས་
D44.035.0078b03.01རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཡེ་ཤེས་ཤིན་ཏུ་ཟབ། །དུས་རྣམས་ཀུན་ཏུ་དེ་འབྱུང་སྟེ། །ཆོས་དབྱིངས་ཐུགས་སུ་ཆུད་པས་ན། །འཇིག་རྟེན་མགོན་ཞེས་རབ་ཏུ་བརྗོད། །
D44.035.0078b04.01ཡང་དག་སངས་རྒྱས་ཆོས་ཀྱི་སྐུ། །འདྲེས་པ་མེད་ཅིང་གནས་པ་མེད། །སེམས་ཅན་ཐམས་ཅད་ཡིད་བཞིན་དུ། །གཟུགས་ཀྱི་སྐུར་ཡང་རབ་ཏུ་མཐོང་། །ཆོས་རྣམས་ཐམས་ཅད་མངོན་སངས་རྒྱས། །ཆོས་རྣམས་ཀུན་ལ་རབ་ཏུ་ཞུགས། །ཐམས་
D44.035.0078b05.01ཅད་མཁྱེན་པ་ཐམས་ཅད་གཟིགས། །ཞིང་རྣམས་ཀུན་ན་རྣམ་པར་མཛེས། །ཁ་དོག་བསམ་གྱིས་མི་ཁྱབ་པར། །སེམས་ཅན་ཐམས་ཅད་ཡིད་བཞིན་དུ། །སེམས་ཅན་མཆོག་གི་འོད་རྣམས་དང་། །དེ་བཞིན་སྐུ་ཡི་སྤྲིན་ཀྱང་མཐོང་། །དེ་བཞིན་
D44.035.0078b06.01གཤེགས་པའི་སྐུ་དག་ལས། །མི་ཟད་སངས་རྒྱས་སྤྲུལ་པ་རྣམས། །ཞིང་རྣམས་ཀུན་ཏུ་རབ་སྒྲོག་ཅིང་། །ཆོས་ཀྱི་རྒྱ་མཚོ་ཤིན་ཏུ་སྟོན། །སྤུ་རྣམས་རེ་རེ་ཀུན་ནས་ཀྱང་། །ཕྱོགས་བཅུར་འོད་ཟེར་དྲ་བ་དག །སངས་རྒྱས་གསུང་ནི་རབ་འབྱིན་ཅིང་། །
D44.035.0078b07.01