完整藏文原文 · 德格版页 当前仅加载第 35 函德格 301a 版页；藏文 NFD、目录标记与异常页序保留在来源切片中，重复版页行以稳定序号区分。
བཀྱེ། །སེམས་ཅན་གཙོ་བོའི་རྣམ་འཕྲུལ་པ། །འདི་དག་དེ་རྣམས་ཀུན་གྱིས་མཐོང་། །སངས་རྒྱས་ཡོན་ཏན་མཐའ་ཡས་ཏེ། །འཇིག་རྟེན་ཟང་ཟིང་ཐུབ་པས་སྤངས། །ཕྱོགས་རྣམས་ཐམས་ཅད་ཀུན་ཏུ་རྒྱུ། །ཆགས་
D44.035.0301a01.01པ་མེད་པ་ནམ་མཁའ་བཞིན། །དེ་ནི་གཅིག་ལས་ཤིན་ཏུ་འདས། །མང་པོ་དག་ཏུའང་མི་དམིགས་སོ། །མཐའ་ཡས་ལེགས་མངའ་སངས་རྒྱས་རྣམས། །དེ་དག་ཤེས་པར་ཇི་ལྟར་རུང་། །གནས་པ་མེད་ཅིང་ལེན་པ་མེད། །ཆོས་དབྱིངས་རྟོགས་པར་
D44.035.0301a02.01ཐུགས་སུ་ཆུད། །དེ་ནས་བྱང་ཆུབ་སེམས་དཔའ་བློ་གྲོས་དང་ལྡན་པས། །སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། །དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འཇིག་རྟེན་མགོན་པོ་འཕྲུལ་ཆེན་རྣམས། །རྡུལ་མེད་གང་ཟག་དམ་
D44.035.0301a03.01པ་དག །འདུས་ཤིང་ཚོགས་པ་བསམ་ཡས་པའི། །བསྐལ་པ་དག་ཏུ་ཤིན་ཏུ་དཀོན། །དེ་དག་ཐམས་ཅད་ཀུན་གཟིགས་པ། །སེམས་ཅན་གཙོ་བོ་འོད་མཛད་དེ། །སྲོག་ཆགས་ཀུན་ལ་ཕན་པའི་ཕྱིར། །སེམས་ཅན་རྣམས་ལ་ཆོས་སྟོན་ཏོ། །འཇིག་
D44.035.0301a04.01རྟེན་མུན་ནག་འདི་དག་ཏུ། །འཇིག་རྟེན་མགོན་པོ་བྱུང་གྱུར་པ། །འཇིག་རྟེན་སྒྲོན་མ་དེ་དག་ནི། །བལྟ་བར་ཤིན་ཏུ་དཀའ་བ་ཡིན། །སྦྱིན་པ་ཚུལ་ཁྲིམས་བཟོད་པའི་དང་། །བརྩོན་འགྲུས་བསམ་གཏན་བསྒོམས་པ་དང་། །ཤེས་རབ་སྔོན་ཆད་སྤྱད་པས་
D44.035.0301a05.01ན། །འགྲོ་བ་ཐམས་ཅད་སྣང་བ་མཛད། །སངས་རྒྱས་འདྲ་བ་གང་ཡང་མེད། །དེ་ཕྱིར་དེ་ཡི་མཉམ་པ་མེད། །ཆོས་རྣམས་ཡོད་པ་མ་ཡིན་པས། །སྐྱེས་བུ་དམ་པ་མཐོང་བ་མེད། །སངས་རྒྱས་ཤེས་རབ་ཆེན་པོ་རྣམས། །མཚན་གྱི་ཚོགས་ནི་བསམ་
D44.035.0301a06.01མི་ཁྱབ། །སྐུ་ཡི་ཚོགས་ཀྱིས་ཤིན་ཏུ་འཕགས། །ཆོས་རྣམས་ཀུན་གྱིས་ཡང་དག་བྱུང་། །འཇིག་རྟེན་གྲགས་ཆེན་དམ་པའི་རྣམས། །དཔའ་བོ་ཆེན་པོ་དེ་དག་སྣང་། །དེ་དག་མཚན་ཙམ་ཐོས་པས་ཀྱང་། །ངན་སོང་ཐམས་ཅད་སྤངས་པར་འགྱུར། །
D44.035.0301a07.01