完整藏文原文 · 德格版页 当前仅加载第 35 函德格 352b 版页；藏文 NFD、目录标记与异常页序保留在来源切片中，重复版页行以稳定序号区分。
མོར་སྦྱར་བ་དང་ལྡན་པ། ལྷ་རྫས་ཀྱི་རོལ་མོ་དབྱངས་ཀྱི་དམ་པ་བྱེ་བ་བརྒྱ་སྟོང་ཕྲག་བཅུའི་སྒྲ་ཡིད་དུ་འོང་བས་སངས་རྒྱས་ཀྱི་ཞིང་ཐམས་ཅད་དུ་མངོན་པར་གྲགས་པར་བྱས་པ། སྤྲུལ་པའི་རོལ་མོ་བྱེ་བ་བརྒྱ་སྟོང་ཕྲག་བཅུས་འཇིག་རྟེན་གྱི་ཁམས་
D44.035.0352b01.01ཐམས་ཅད་སྒྲ་བརྙན་གྱི་ཚོགས་ལྟ་བུར་ཤེས་པར་བྱས་པ། ལྷ་རྫས་ཀྱི་རྔ་བོ་ཆེ་བྱེ་བ་བརྒྱ་སྟོང་ཕྲག་བཅུ་ཤིན་ཏུ་བརྡུངས་པའི་སྒྲ་ཕྱུང་བ། ཡིད་ཀྱི་རང་བཞིན་གྱི་ལྷ་རྫས་ཀྱི་རོལ་མོ་བྱེ་བ་བརྒྱ་སྟོང་ཕྲག་བཅུས་རོལ་མོའི་སྒྲ་ཡིད་དུ་འོང་བ་དང་། གླུའི་
D44.035.0352b02.01དབྱངས་སྙན་པ་ཕྱུང་བ། ལྷ་རྫས་ཀྱི་རོལ་མོར་གཏོགས་པ་སྣ་ཚོགས་བྱེ་བ་བརྒྱ་སྟོང་ཕྲག་བཅུས་ཡིད་དགའ་བ་དང་ཞི་བའི་སྒྲ་ཕྱུང་བ། ཚིག་གི་རིམ་པ་ཡིད་དུ་འོང་བ་བྱེ་བ་བརྒྱ་སྟོང་ཕྲག་བཅུས་བསྟོད་ཅིང་མཆོད་པ། བསྟོད་པ་རྒྱ་ཆེན་པོ་བྱེ་བ་བརྒྱ་
D44.035.0352b03.01སྟོང་ཕྲག་བཅུས་དགའ་བར་བསྟོད་ཅིང་མཆོད་པ། ཟབ་མོར་བསྟོད་པ་བྱེ་བ་བརྒྱ་སྟོང་ཕྲག་བཅུས་ཤིན་ཏུ་བསྒོམས་ཤིང་བསྟོད་པ། བསྟོད་པ་སྣ་ཚོགས་བྱེ་བ་བརྒྱ་སྟོང་ཕྲག་བཅུས་ལས་ཐམས་ཅད་ཀྱི་རྣམ་པར་སྨིན་པ་ལས་ཡོངས་སུ་བྱུང་བར་བསྟོད་པ།
D44.035.0352b04.01ཕྲ་བར་བསྟོད་པ་བྱེ་བ་བརྒྱ་སྟོང་ཕྲག་བཅུས་ཡང་དག་པར་ཇི་ལྟ་བ་བཞིན་དུ་བསྟོད་པ། སྔོན་གྱི་སྤྱོད་པས་བསྟོད་པ་བྱེ་བ་བརྒྱ་སྟོང་ཕྲག་བཅུ་མངོན་པར་བརྗོད་དེ་འདས་པས་བསྟོད་པ། དགེ་བའི་བསྟོད་པ་བྱེ་བ་བརྒྱ་སྟོང་ཕྲག་བཅུས་བསྟན་ཅིང་བསྟོད་པ། སྔོན་
D44.035.0352b05.01གྱི་སངས་རྒྱས་བསྙེན་བཀུར་བའི་བསྟོད་པ་བྱེ་བ་བརྒྱ་སྟོང་ཕྲག་བཅུས་རྣམ་པར་དག་པར་བསྟོད་པ། ཆོས་ཀྱི་སྒོའི་བསྟོད་པ་བྱེ་བ་བརྒྱ་སྟོང་ཕྲག་བཅུས་མངོན་པར་འབྱུང་བར་བསྟོད་ཅིང་འཇིགས་པ་མེད་པར་བསྟོད་པ། བསྟོད་པ་རྣམ་པ་ཐ་དད་
D44.035.0352b06.01པ་བྱེ་བ་བརྒྱ་སྟོང་ཕྲག་བཅུས་བྱང་ཆུབ་སེམས་དཔའ་ཐམས་ཅད་ཀྱིས་མི་ཟད་པར་བརྗོད་ཅིང་བསྔགས་ཏེ་བསྟོད་པ། བྱང་ཆུབ་སེམས་དཔའི་སའི་གླུ་བྱེ་བ་བརྒྱ་སྟོང་ཕྲག་བཅུས་བྱང་ཆུབ་སེམས་དཔའི་ས་ཐམས་ཅད་གླུར་བརྗོད་ཅིང་སྦྱར་བ་
D44.035.0352b07.01