完整藏文原文 · 德格版页 当前仅加载第 35 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྣང་བར་བྱེད་པའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་སྤྱོད་པའི་རྗེས་སུ་སྙེགས་པས་ཐོགས་པ་མེད་པའི་རྒྱན་ཅེས་བྱའོ། །དེ་ནས་རླུང་གི་ལྷ་ཆགས་པ་མེད་པར་འགྲོ་བའི་འོད་ཀྱིས་སངས་རྒྱས་ཀྱི་མཐུས། རླུང་གི་ལྷའི་འཁོར་གྱི་དཀྱིལ་འཁོར་ཐམས་
D44.035.0038b01.01ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་ཀུན་གྱི་ཆོས་ཉིད་ཟབ་མོ་འཛིན་པ་སྟེ། །ཆགས་མེད་ཐམས་ཅད་ཚུལ་གྱིས་དེ་ལ་འཇུག །འགྲོ་བ་ཀུན་ལ་སངས་རྒྱས་མངོན་ཏུ་བཞུགས། །དེ་ནི་མཚན་མེད་གཟུགས་བརྙན་
D44.035.0038b02.01ཡོད་པ་མིན། །སངས་རྒྱས་ཐམས་ཅད་མཐུ་ལ་རྣམ་པར་ལྟོས། །བྱང་ཆུབ་སྤྱད་པ་མཐའ་ཡས་སྤྱོད་པའི་ཚེ། །སྐད་ཅིག་གཅིག་ལ་སངས་རྒྱས་མཆོད་ཅིང་བསྟོད། །དེ་ལ་རྒྱས་བྱེད་འོད་ཀྱི་ལྷ་འཇུག་གོ །སངས་རྒྱས་བསམ་གྱིས་མི་ཁྱབ་འགྲོ་བའི་མགོན། །
D44.035.0038b03.01ཚུལ་རྣམས་ཀུན་གྱི་སྦྱོར་བ་ཆུད་ཟ་མེད། །སྡུག་བསྔལ་ཀུན་ལས་སེམས་ཅན་མ་ལུས་སྐྱོབ། །རྒྱལ་མཚན་རེག་པས་རྣམ་ཐར་འདི་མཐོང་ངོ་། །འགེབས་དང་སྒྲིབ་པ་ཤིན་ཏུ་སྟུག་པོ་ཡི། །མི་བདེས་བསྒྲིབས་ཤིང་བསོད་ནམས་མེད་པ་ཡི། །སེམས་ཅན་
D44.035.0038b04.01སྡུག་བསྔལ་ཀུན་ལས་དཀྲོལ་བར་འགྱུར། །རྒྱན་གྱིས་བརྒྱན་པའི་ལྷས་ནི་འདི་མཐོང་ངོ་། །རྒྱལ་བའི་རྫུ་འཕྲུལ་རྣམ་པར་འཕྲུལ་ལ་ལྟོས། །རྣམ་པ་ཀུན་གྱིས་བདུད་རྣམས་ཤིན་ཏུ་འཇོམས། །ཚུལ་གྱིས་འདུལ་བ་དེ་ལ་རབ་ཏུ་སྒྲོགས། །གཟི་བརྗིད་དྲག་པོའི་
D44.035.0038b05.01མཐུས་ནི་འདི་མཐོང་ངོ་། །རྒྱལ་བའི་བ་སྤུའི་སྒོ་རྣམས་ཐམས་ཅད་ནས། །འགྲོ་བ་ཀུན་འགེངས་སྒྲ་ཡི་དབྱངས་འབྱུང་བ། །དེ་དག་སྡུག་བསྔལ་འཇིགས་པ་ཐམས་ཅད་མེད། །འདི་ནི་སྒྲ་སྒྲོགས་ལྷ་ཡིས་རབ་ཏུ་ཤེས། །འགྲོ་བ་ཀུན་མཉམ་རྒྱ་མཚོའི་ཞིང་
D44.035.0038b06.01རྣམས་སུ། །ཐ་དད་ཡང་དག་མཁྱེན་པས་བདེ་བར་གཤེགས། །མཐའ་ཡས་བསྐལ་པར་རང་བྱུང་ཡང་དག་སྟོན། །ཤིང་གི་གཙུག་ཕུད་འབྱུང་བ་དེ་ལ་འཇུག །རྒྱལ་བའི་ཡེ་ཤེས་ཐབས་རྣམས་ཀུན་སྒོ་ནས། །ཀུན་ཏུ་ཆགས་ཤིང་ཐོགས་པ་མེད་པ་སྟེ།
D44.035.0038b07.01