完整藏文原文 · 德格版页 当前仅加载第 35 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱིས་སྨོས་པར་འཇིག་རྟེན་སུ་སྤྱོད་པ། །དེ་དག་ས་བཅུ་རྣམས་དང་དབང་བཅུ་ཡི། །ཕ་རོལ་ཕྱིན་མཆོག་རྣམ་པར་ཐར་ལ་སྤྱོད། །གང་རྣམས་ས་བཅུ་དབང་རྣམས་བཅུ་པོ་ཡི། །ཕ་རོལ་ཕྱིན་མཆོག་རྣམ་པར་ཐར་སྤྱོད་པ། །
D44.035.0223a01.01དེ་དག་མངོན་ཤེས་རྒྱན་གྱིས་རྣམ་པར་འཕྲུལ། །ཏིང་འཛིན་དམ་པས་རྣམ་པར་སྤྱོད་པ་ཐོབ། །མངོན་པར་ཤེས་པའི་རྒྱན་གྱིས་རྣམ་འཕྲུལ་ཞིང་། །ཏིང་འཛིན་མཆོག་གིས་རྣམ་སྤྱོད་སུས་ཐོབ་པ། །དེ་དག་ཕྱོགས་བཅུའི་རྒྱལ་བ་ཐམས་ཅད་ལས། །དབང་
D44.035.0223a02.01བསྐུར་རྒྱན་རྣམས་ཐམས་ཅད་ཡོངས་སུ་ནོད། །གང་རྣམས་ཕྱོགས་བཅུའི་རྒྱལ་བ་ཐམས་ཅད་ལས། །དབང་བསྐུར་རྒྱན་རྣམས་ཐམས་ཅད་ནོད་བྱེད་པ། །དེ་དག་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩིས་མངོན་པར་དབང་ཡང་བསྐུར། །
D44.035.0223a03.01གང་རྣམས་སྤྱི་བོར་ཕྱོགས་བཅུའི་སངས་རྒྱས་ཀྱིས། །ཕྱག་མཐིལ་བདུད་རྩིས་མངོན་པར་དབང་བསྐུར་བ། །དེ་དག་མ་ལུས་ནམ་མཁའ་རྒྱས་བྱས་ཤིང་། །ཕྱོགས་རྣམས་ཀུན་ཏུ་མཐུ་བརྟན་གནས་པ་བྱེད། །གང་རྣམས་ནམ་མཁའ་མ་ལུས་རྒྱས་བཀང་
D44.035.0223a04.01ཞིང་། །ཕྱོགས་རྣམས་ཀུན་ཏུ་མཐུ་བརྟན་གནས་བྱེད་པ། །དཔེ་མེད་དེ་དག་སྤྱོད་ཡུལ་ཤེས་པར་ནི། །འཇིག་རྟེན་ལྷ་དང་བཅས་པས་མི་ནུས་སོ། །དཔེ་མེད་གང་གིས་སྤྱོད་ཡུལ་ཤེས་བྱ་བར། །འཇིག་རྟེན་ལྷ་དང་བཅས་པས་མི་ནུས་པ། །དེ་དག་བརྩོན་
D44.035.0223a05.01འགྲུས་ཐམས་ཅད་དོན་ཀྱང་ཡོད། །མཐོང་དང་མིང་ཐོས་སྤོབས་པའང་དོན་ཡོད་དོ། །གང་རྣམས་བརྩོན་འགྲུས་ཐམས་ཅད་དོན་ཡོད་ཅིང་། །མཐོང་དང་མིང་ཐོས་སྤོབས་པ་དོན་ཡོད་པ། །སྐྱེས་ཆེན་དེ་དག་སྦྱིན་བདག་གཏོང་བ་ཡི། །སྦྱིན་པས་གནས་ཏེ་
D44.035.0223a06.01ཐམས་ཅད་དོན་ཀྱང་ཡོད། །སྐྱེས་བུ་དམ་པ་དེ་དག་བྱིན་མཐུ་ཡིས། །དམ་ཆོས་ཚུལ་ནི་མི་འཇིག་བརྟེན་པར་གནས། །དགེ་བའི་ལས་ལམ་དམ་པ་མཆོག་རྣམས་ཀྱང་། །རིན་ཆེན་འདྲ་མཐུས་ཀུན་ན་རྒྱུ་ཤིང་གནས། །རྡོ་རྗེ་སྟུག་པོའི་རིན་ཆེན་ཚོགས་ཡོད་
D44.035.0223a07.01