完整藏文原文 · 德格版页 当前仅加载第 35 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན། །དྲི་མ་མེད་པ་སྣ་ཚོགས་སྣང་། །པད་མོའི་དྲ་བ་དེ་དག་ལ། །ཞིང་གི་དྲ་བ་རབ་ཏུ་གནས། །རྒྱན་དང་བསྟན་པ་སྣ་ཚོགས་ཏེ། །སེམས་ཅན་སྣ་ཚོགས་མང་པོའི་གནས། །ཞིང་གི་དབྱིངས་རྣམས་ལ་ལ་ནི། །ཀུན་ནས་ཉོན་མོངས་རྣམ་པར་གནས། །སེམས་ཅན་རྣམས་ཀྱི་
D44.035.0142b01.01ཉོན་མོངས་ལས། །ཆོས་ཉིད་དེ་དག་ནང་ན་སྣང་། །ཀུན་ནས་ཉོན་མོངས་རྣམ་དག་ཏུ། །ཞིང་གི་རྒྱུད་ནི་བསམ་མི་ཁྱབ། །སེམས་ཅན་བསམ་པས་རབ་ཏུ་བྱུང་། །བྱང་ཆུབ་སེམས་དཔའ་རྣམས་ཀྱང་འཁོད། །ལ་ལ་རྣམ་དག་ཉོན་མོངས་ཅན། །ཞིང་གི་དབྱིངས་ནི་རྣམ་པ་མང་། །བྱང་ཆུབ་
D44.035.0142b02.01སེམས་དཔའ་རྣམ་པར་འཕྲུལ། །རྒྱ་མཚོའི་ལས་ལས་བྱུང་བ་ཡིན། །ཞིང་རྣམས་ལ་ལའི་འོད་བཏང་བ། །རིན་ཆེན་རང་བཞིན་དྲི་མ་མེད། །རྣམ་པ་སྣ་ཚོགས་དྲི་མེད་དག །སངས་རྒྱས་རྣམས་ཀྱིས་ཡོངས་སུ་སྦྱངས། །ཞིང་གི་རྒྱུད་རྣམས་ལ་ལ་ན། །བསྐལ་པའི་{མྱེ་,མེ་}ནི་བསམ་མི་ཁྱབ། །
D44.035.0142b03.01ཀུན་ནས་ཉོན་མོངས་རྣམས་ལ་སྟོན། །ཞིང་གི་དཀྱིལ་འཁོར་ཤིན་ཏུ་སྲ། །རླུང་གི་ཕུང་པོ་སྨོན་ལམ་དང་། །ཆུ་ཡི་ཕུང་ལ་རབ་ཏུ་གནས། །ཞིང་གི་རྣམ་པ་ཤིན་ཏུ་མང་། །སེམས་ཅན་ལས་ཀྱིས་བསགས་པ་ཡིན། །ཞིང་ན་གཞན་དང་གཞན་དག་གི །ཞིང་གི་ཆོས་ཉིད་སྣང་ལ་
D44.035.0142b04.01ལྟོས། །དེ་དག་འབྱུང་བ་གང་ཡང་མེད། །དེ་དག་ལ་ནི་འཇིག་པའང་མེད། །སྐད་ཅིག་སྐད་ཅིག་སེམས་ཀུན་ལ། །སངས་རྒྱས་རྣམས་ཀྱི་བྱིན་རླབས་ཀྱིས། །ཞིང་རྣམས་རབ་ཏུ་འབྱུང་བ་རྣམས། །ཤིན་ཏུ་དྲི་མེད་དག་ལ་ལྟོས། །ཞིང་རྣམས་ལ་ལ་ས་ཡི་དངོས། །སྲ་བར་དེ་
D44.035.0142b05.01དག་བྱུང་གྱུར་ཅིང་། །སྣང་བ་མེད་ཅིང་འོང་བའང་མེད། །སྡིག་པའི་ལས་ཀྱི་གནས་ཡིན་ནོ། །ཞིང་རྣམས་ལ་ལ་རྡོ་རྗེའི་དངོས། །ཀུན་ནས་ཉོན་མོངས་འཇིགས་པ་ཆེ། །བདེ་བ་ཆུང་ཞིང་སྡུག་བསྔལ་མང་། །བསོད་ནམས་ཆུང་བའི་གནས་ཀྱང་ཡིན། །ཞིང་རྣམས་ལ་ལ་ལྕགས་
D44.035.0142b06.01ཀྱི་དངོས། །ལ་ལ་ཟངས་ཀྱི་དངོས་སུ་གནས། །སྡིག་པའི་ལས་ཀྱིས་ཀུན་ཏུ་གང་། །རི་དང་བྲག་གིས་མཉམ་པ་མེད། །འཇིག་རྟེན་དེ་ན་དམྱལ་བ་ཡི། །སེམས་ཅན་སྡུག་བསྔལ་སྐྱབས་མེད་པ། །མུན་པ་རྗེས་སུ་རྙེད་གྱུར་ཅིང་། །{མྱེ་,མེ་}ལྕེ་རྒྱ་མཚོའི་ནང་ན་འབར། །འོན་ཀྱང་བྱོལ་
D44.035.0142b07.01