完整藏文原文 · 德格版页 当前仅加载第 35 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་པད་མོ་རྣམ་པར་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་སྤོས་དང་། ནོར་བུའི་ཆར་ཁ་དོག་མཐའ་ཡས་པ་འབེབས་པའི་རྒྱ་མཚོ་ལ་རབ་ཏུ་གནས་པ་ཀུན་ནས་
D44.035.0124b01.01ཟླུམ་པ་རྒྱན་དང་ཐེག་པ་མང་པོས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རྣམ་པར་གྲོལ་བ་བརྩོན་འགྲུས་ཉི་མའི་འོད་ཟེར་ཅེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རྡོ་རྗེ་བརྟན་པས་བསྒྲུབས་པ་གཞིའི་འཁོར་ལོ་ཞེས་བྱ་བ་ཡོད་དེ། དེའི་འཇིག་རྟེན་གྱི་ཁམས་ཀྱི་
D44.035.0124b02.01རྒྱུད་མིག་འཕྲུལ་གྱི་རྣམ་པར་བྱེ་བའི་དྲ་བའི་བྱེ་བྲག་ཅེས་བྱ་བ། བྱང་ཆུབ་སེམས་དཔའ་ཀུན་ཏུ་བཟང་པོའི་ཡེ་ཤེས་ཐམས་ཅད་ཡང་དག་པར་འབྱུང་བའི་དབྱངས་ཀྱི་ལྷུན་ཅན་ཡོད་དེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་པདྨོའི་དྲ་བ་འཁོར་ལོའི་སྤྲིན་ཅེས་བྱ་བ། འཇིག་རྟེན་གྱི་ཁམས་སངས་རྒྱས་
D44.035.0124b03.01ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། མན་ཤེལ་གྱི་མེ་ཏོག་སྣ་ཚོགས་ཀྱི་རྒྱལ་མཚན་གྱི་རྒྱ་མཚོས་བརྟན་པ་རི་རབ་ཀྱི་དབྱིབས་ལྟར་འདུག་པ། ནོར་བུའི་རྒྱལ་པོ་སངས་རྒྱས་ཐམས་ཅད་ཀྱི་ཡུལ་མིག་འཕྲུལ་ལྟ་བུའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་
D44.035.0124b04.01དེ་བཞིན་གཤེགས་པ་ཆོས་ཀྱི་སྐུ་ཀུན་ནས་རྣམ་པར་སངས་རྒྱས་པའི་བློ་གྲོས་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་འོད་ཟེར་ཕྲ་མོ་མི་ཟད་པའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐུགས་དམ་པའི་མཆོག་ཤིན་ཏུ་ཡངས་པའི་བློ་
D44.035.0124b05.01གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དཔལ་གྱི་ཆུ་བོ་ཀུན་ནས་སྣང་བ་རབ་ཏུ་འགྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་ཆེན་པོ་བླ་ན་མེད་པའི་སྤྲིན་མི་ཟད་པའི་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་
D44.035.0124b06.01ཤིང་དང་མེ་ཏོག་ཉེ་བར་གྱུར་པའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་དང་། ཆོས་ཀྱི་དབྱིངས་མུ་མེད་པའི་གསུང་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མུ་ཏིག་གིས་ཡོག་པའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་
D44.035.0124b07.01