完整藏文原文 · 德格版页 当前仅加载第 35 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཞིང་། །རྒྱལ་བས་དེ་ཀུན་སྐད་ཅིག་ཐུགས་ཀྱིས་སྦྱངས། །འགྲོ་བ་ཀུན་ཏུ་ཞི་བ་མེད་པའི་གསུང་། །སངས་རྒྱས་ཆོས་ཀྱི་འཁོར་ལོ་རྒྱ་ཆེན་བསྐོར། །སྐད་ཅིག་ཐུགས་ཀྱི་ཆོས་དབྱིངས་ཀུན་བཀང་སྟེ། །མཐའ་ཡས་སྤྱོད་ཡུལ་དབྱིངས་རྣམས་རྒྱལ་བ་སྟོན། །
D44.035.0055b01.01འགྲོ་བ་ཀུན་ལམ་སྙིང་པོ་བྱང་ཆུབ་ཏུ། །བྱང་ཆུབ་འཚང་རྒྱ་རྣམ་པར་འཕྲུལ་པ་མཛད། །བསྐལ་པ་བརྒྱ་ཕྲག་སྟོང་རྣམས་ཚད་མེད་དུ། །དེ་བཞིན་གཤེགས་པས་སྔན་ཅད་སྤྱོད་སྤྱད་དེ། །ནམ་མཁའ་འདྲ་བར་བྱས་ནས་རབ་བཀྱེ་ཞིང་། །སངས་རྒྱས་ཞིང་འདི་སྔོན་ཚེ་རབ་
D44.035.0055b02.01ཏུ་སྦྱངས། །མཐའ་དང་དབུས་མེད་བསྐལ་པར་ལ་ལ་ཡིས། །སྐྱོ་བ་མེད་པར་རྒྱལ་བའི་ཡུལ་བསམས་ཀྱང་། །སངས་རྒྱས་རྫུ་འཕྲུལ་སྟོབས་ལ་དབུས་མེད་པ། །ཕྱི་མའི་མཐའ་ཡི་བསྐལ་པ་ཀུན་ཏུ་འགེངས། །རྒྱལ་བའི་རྫུ་འཕྲུལ་ཡུལ་ལ་རྣམ་པར་ལྟོས། །
D44.035.0055b03.01ཕྱོགས་བཅུའི་ཞིང་རྒྱན་དེ་དག་རྣམ་དག་པ། །རྒྱལ་བས་འདིར་ནི་ཀུན་ཀྱང་རབ་ཏུ་བསྟན། །སྐད་ཅིག་སྐད་ཅིག་སྣ་ཚོགས་གཟུགས་ཀྱང་སྣང་། །བསྐལ་པ་བརྒྱ་སྟོང་ཚད་མེད་པ་དག་ཏུ། །རྒྱལ་བའི་བ་སྤུ་གཅིག་མཐའ་ཤེས་པར་དཀའ། །ཚུལ་རྣམས་ཀུན་སྒོར་
D44.035.0055b04.01སངས་རྒྱས་ཆགས་པ་མེད། །འགྲོ་བ་འདི་ན་རྒྱ་ཆེན་བསམ་ཡས་མཛེས། །སྔོན་ཚེ་བསྐལ་པར་རྒྱལ་བས་འགྲོ་ཀུན་ཏུ། །སངས་རྒྱས་རྒྱ་མཚོ་རྒྱ་ཆེན་བསྙེན་བཀུར་བས། །དེ་བས་འཇིག་རྟེན་གཙོ་ལ་ཆོས་དབྱིངས་རྣམས། །ཀུན་ནས་མཆོད་པ་མང་པོ་རྒྱ་
D44.035.0055b05.01ཆེན་འབྱུང་། །ཕྱོགས་རྣམས་བཀང་སྟེ་སངས་རྒྱས་འབྱུང་བ་དག །རྡུལ་གྱི་སྦུབས་སུ་ཚད་མེད་ཞིང་ཡང་སྟོན། །དེ་དག་ཡུལ་དུ་མི་ཟད་མཐའ་ཡས་པའི། །བསྐལ་པ་རྒྱ་མཚོར་བྱིན་གྱིས་རློབ་པ་མཛད། །སྔོན་ཚེའི་བསྐལ་པར་རྒྱལ་བས་འགྲོ་དོན་སྤྱད། །ཐུགས་
D44.035.0055b06.01རྗེའི་རྒྱ་མཚོ་ཚད་མེད་རབ་སྐྱེད་ཅིང་། །འགྲོ་བ་རྒྱ་མཚོ་ཀུན་ནས་འཁོར་བ་ཡི། །འཁོར་རྣམས་རྒྱ་མཚོ་མཐའ་ཡས་ཀུན་ཀྱང་སྦྱངས། །སངས་རྒྱས་མཚན་མེད་སྐུ་མེད་རྡུལ་དང་བྲལ། །དེ་བཞིན་ཉིད་གནས་ཆོས་དབྱིངས་སྙིང་པོ་སྟེ། །འགྲོ་བ་ཀུན་ན་མཐའ་ཡས་
D44.035.0055b07.01