完整藏文原文 · 德格版页 当前仅加载第 35 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་རང་བཞིན་དྲི་མ་མེད། །རྒྱལ་བ་འགྲོ་བ་ཀུན་ཏུ་ལམ་ཡང་སྟོན། །རྒྱལ་བའི་ཡོན་ཏན་རྒྱ་མཚོ་ཚད་མེད་དེ། །བ་སྤུ་ཁུང་བུ་ཀུན་ནའང་ཤིན་ཏུ་ཡང་། །འགྲོ་བ་ཀུན་ལ་ཕན་དང་བདེ་དོན་མཛད། །ཡིད་འོང་ཤིང་གི་འོད་ནི་
D44.035.0026a01.01འདི་སྟོན་ཏོ། །འགྲོ་བའི་དོན་ནི་རྒྱ་མཚོ་ཡངས་མང་དང་། །སྡུག་བསྔལ་མ་ལུས་རྒྱལ་བས་ཟློག་པ་མཛད། །ཐབས་དང་ཐུགས་རྗེ་རྣམ་པ་སྣ་ཚོགས་མངའ། །དགེ་བའི་མིག་ནི་རྣམ་ཐར་འདི་སྟོན་ཏོ། །ཕྱོགས་རྣམས་རྒྱ་མཚོ་མཐའ་ཡས་ཞིང་གི་རྣམས། །
D44.035.0026a02.01ཀུན་ཏུ་རྒྱལ་བའི་འོད་རབ་སྣང་བར་འཆར། །སེམས་ཅན་ལྟ་བའི་དྲི་མ་རྣམ་པར་སྦྱོང་། །མེ་ཏོག་ཤིང་གི་གཙུག་ཕུད་ཅོད་པན་ཚུལ། །སྔོན་ཅད་རྒྱལ་བ་རྒྱ་མཚོ་རབ་མང་བར། །བྱམས་པའི་ཚུལ་ཡང་ཡོངས་སུ་བསྒོམས་པས་ན། །རྒྱལ་བ་འགྲོ་བ་ཀུན་གྱི་དབུགས་ཀྱང་འབྱིན། །
D44.035.0026a03.01ཀུན་ཏུ་སྒྲ་དབྱངས་འདི་ཡི་ཚུལ་ལ་འཇུག །རྒྱལ་བ་མཐོང་བས་དགའ་བ་ཀུན་དགེ་དང་། །འགྲོ་བ་འདིར་ནི་མི་ཟད་བདེ་བ་འབྱུང་། །ཐར་པའི་འབྲས་བུ་རྒྱུ་རྣམས་རིམ་གྱིས་སྟོན། །མུ་ཏིག་ཅོད་པན་རྣམ་ཐར་འདི་སྟོན་ཏོ། །སྒྲིབ་དང་རབ་རིབ་གཏི་མུག་སྟུག་པོར་ནི། །
D44.035.0026a04.01སེམས་ཅན་འཁོར་ཚེ་རྟག་ཏུ་ཤིན་ཏུ་རྨོངས། །དེ་ལ་རྒྱལ་བ་ཆོས་ཉིད་ཡངས་པ་སྟོན། །སེང་གེའི་རྒྱལ་མཚན་འདི་ལ་རབ་ཏུ་འཇུག །འགྲོ་བ་ཀུན་དང་མཉམ་པ་མཐའ་ཡས་ཀྱང་། །བདེ་གཤེགས་གཟུགས་རྣམས་རབ་ཏུ་ཡངས་པ་སྟོན། །འགྲོ་བར་ཐབས་རྣམས་
D44.035.0026a05.01སྣ་ཚོགས་སྒོ་ནས་སྣང་། །དེ་ལྟར་དབྱངས་སྙན་བདེ་བར་གཤེགས་པ་མཐོང་། །ཐམས་ཅད་མཁྱེན་པའི་ཚུལ་གྱིས་ཕྱོགས་མཐའ་ཡས། །སེམས་ཅན་དག་ལ་རྒྱས་པར་རྒྱལ་བས་བསྟན། །བྱང་ཆུབ་སྤྱོད་མཆོག་འཇུག་པའི་ཚུལ་ཡིན་ཏེ། །རྡོ་རྗེ་ཤིང་གི་
D44.035.0026a06.01རྒྱལ་མཚན་རྣམ་པར་སེམས། །སྐད་ཅིག་གཅིག་གིས་བསྐལ་པ་བརྒྱ་མང་བ། །སངས་རྒྱས་སྟོན་ཀྱང་འཕོ་བ་ཡོད་མེད་དེ། །སེམས་ཅན་རྣམས་ཀྱི་བདེ་བ་ཐམས་ཅད་སྐྱེད། །དགའ་བ་མཐོང་བའི་རྣམ་ཐར་ཚུལ་འདི་ཡིན། །དེ་ལ་གྲུལ་བུམ་གྱི་དབང་པོའཕགས་
D44.035.0026a07.01