完整藏文原文 · 德格版页 当前仅加载第 35 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་རྒྱ་མཚོའི་ཚུལ་དེ་དག་ནི་ལྷུན་གཞན་དང་གཞན་དུ་བསྟན་པ་སྟེ། འཇིག་རྟེན་གྱི་ཁམས་ཀྱི་ཚུལ་ལ་ལ་ནི་ཕྱོགས་ཐམས་ཅད་ཀྱི་ནོར་བུའི་སྤྲིན་གྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་
D44.035.0111a01.01འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེ་དང་སྤོས་འོད་འཕྲོ་བ་ཐམས་ཅད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེ་ཐམས་ཅད་ཀྱི་མེ་ཏོག །ཁ་སྤྲོད་ལས་བསྒྲུབས་པའི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་
D44.035.0111a02.01ཚུལ་ལ་ལ་ནི་བྱང་ཆུབ་སེམས་དཔའི་ལུས་ཀྱི་གཟུགས་བརྙན་གྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེའི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་
D44.035.0111a03.01སངས་རྒྱས་ཀྱི་ཁ་དོག་གི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་རིན་པོ་ཆེ་ཐམས་ཅད་ཀྱི་ཁ་དོག་གི་འོད་ཀྱི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སེམས་ཅན་ཐམས་ཅད་ཀྱི་བསོད་ནམས་རྒྱ་མཚོ་ཡང་དག་པར་འབྱུང་བའི་སྒྲ་འི་
D44.035.0111a04.01ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སེམས་ཅན་ཐམས་ཅད་ཀྱི་ལས་རྒྱ་མཚོ་ཡང་དག་པར་འབྱུང་བའི་སྒྲའི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཐམས་ཅད་ཀྱི་སྤྱོད་པའི་དཀྱིལ་འཁོར་ཡོངས་སུ་དག་པའི་སྒྲ་འི་ལྷུན་
D44.035.0111a05.01ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་གྱི་རྒྱ་མཚོའི་སྒྲ་འི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་ཚུལ་ཐམས་ཅད་མངོན་པར་བསྒྲུབ་པའི་སྒྲ་འི་ལྷུན་ཅན་ནོ། །འཇིག་རྟེན་གྱི་
D44.035.0111a06.01ཁམས་ཀྱི་ཚུལ་ལ་ལ་ནི་ཞིང་གི་རྒྱན་ཐམས་ཅད་འབྱུང་བ་དང་འཇིག་པའི་སྒྲ་འི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཀྱི་གསུང་དང་དབྱངས་མཐའ་དང་དབུས་མེད་པའི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་
D44.035.0111a07.01