完整藏文原文 · 德格版页 当前仅加载第 35 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ཀྱི་གླིང་བཞི་པ་ཐམས་ཅད་དང་ལྷའི་དབང་པོའི་ཁང་པ་ཀུན་ན་ཡང་དེ་བཞིན་ཏེ། བྱང་ཆུབ་སེམས་དཔའ་མིང་དེ་སྐད་ཅེས་བྱ་བ་ཤ་སྟག་གོ །འཇིག་རྟེན་གྱི་ཁམས་ཀྱང་དེ་སྐད་ཅེས་བྱ་བ་ནས་འོངས་པ་ཤ་སྟག་གོ །དེ་བཞིན་
D44.035.0240b01.01གཤེགས་པ་ཡང་མཚན་དེ་སྐད་ཅེས་བྱ་བའི་ཞམ་རིང་ན་ཚངས་པར་སྤྱོད་པ་ཤ་སྟག་གོ །དེ་ནས་བཅོམ་ལྡན་འདས་ཀྱིས་ཞབས་ཀྱི་མཐེ་བོ་གཉིས་ནས་འོད་ཟེར་བྱེ་བ་ཕྲག་སྟོང་བཀྱེ་སྟེ། ཕྱོགས་བཅུ་ཐམས་ཅད་སྣང་བར་བྱས་ནས་འཇིག་རྟེན་གྱི་ཁམས་ཐམས་ཅད་ཀྱང་
D44.035.0240b02.01བསྟན་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱིས་ཀྱང་འཇིག་རྟེན་གྱི་ཁམས་དེ་དག་ཐམས་ཅད་ཀྱི་གླིང་བཞི་པ་ཐམས་ཅད་དང་། རི་རབ་ཀྱི་རྩེ་མོ་ཐམས་ཅད་ན་དེ་བཞིན་གཤེགས་པའི་རྣམ་པར་འཕྲུལ་པ་ཡོད་པ་ཐམས་ཅད་ཀྱང་མཐོང་བར་གྱུར་ཏོ། །དེ་ནས་བྱང་
D44.035.0240b03.01ཆུབ་སེམས་དཔའ་ཆོས་ཀྱི་བློ་གྲོས་ཀྱིས་སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྣང་བ་དྲི་མ་མེད་ལ་ལྟོས། །རི་རབ་རྩེ་མོ་ཐམས་ཅད་ལ། །མགོན་པོ་དག་ནི་རབ་ཏུ་སྣང་། །རྣམ་པར་རྒྱལ་བ་ཀུན་
D44.035.0240b04.01ན་བཞུགས། །ལྷའི་རྒྱལ་པོ་ཐམས་ཅད་ཀྱིས། །སྤྱན་དྲངས་ཤིང་ནི་གཤེགས་པར་གྱུར། །ཀུན་ཀྱང་སངས་རྒྱས་བཅུ་དག་གི །རབ་ཏུ་གཤེགས་པས་མངོན་པར་བསྟོད། །ཀུན་གྱི་འཁོར་ཀྱང་གཅིག་པ་སྟེ། །བྱང་ཆུབ་སེམས་དཔའ་མང་པོ་ལྷགས། །ཕྱོགས་
D44.035.0240b05.01བཅུ་དག་ནས་འོངས་གྱུར་ཅིང་། །ཡིད་དུ་འོང་བའི་སྟན་ལ་འཁོད། །ཀུན་གྱི་མིང་ཡང་འདི་ཉིད་དེ། །ཇི་ལྟར་དེད་ལ་བཏགས་པ་བཞིན། །འཇིག་རྟེན་ཁམས་ཀྱི་མིང་དག་ཀྱང་། །དེ་སྐད་དག་ནས་ཀུན་ཀྱང་འོངས། །འཇིག་རྟེན་ཁམས་རྣམས་ཐམས་ཅད་ན། །
D44.035.0240b06.01དྲང་སྲོང་ཆེན་པོའི་མཚན་ཀྱང་དེ། །དེ་ན་ཚངས་སྤྱོད་བླ་མེད་ལ། །ཐེ་ཙོམ་མེད་པར་དེ་དག་སྤྱོད། །ཀྱེ་མ་རྒྱལ་སྲས་ཁྱེད་ལྟོས་ཤིག །དྲང་སྲོང་ཆེན་པོའི་བྱིན་རླབས་ཀྱིས། །འཛམ་བུའི་གླིང་རྣམས་ཐམས་ཅད་ན། །རྒྱལ་བ་འདི་ན་བཞུགས་སྙམ་བྱེད། །བདག་
D44.035.0240b07.01