完整藏文原文 · 德格版页 当前仅加载第 35 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་དྲུག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ། རིན་པོ་ཆེ་ཤི་ལའི་རྒྱལ་མཚན་གྱི་ས་མཚམས་ཅན། རྡོ་རྗེའི་ཁྱིམ་གཞལ་མེད་ཁང་རྒྱ་མཚོ་ལ་རབ་ཏུ་གནས་པ་ཀུན་ནས་གྲུ་བཞིའི་དབྱིབས་
D44.035.0113b01.01སུ་འདུག་པ་འཁོར་ལོ་ནོར་བུ་གཙུག་གི་བླ་རེའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྣང་བའི་འོད་ཀྱི་དབང་པོའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན།
D44.035.0113b02.01འཇིག་རྟེན་གྱི་ཁམས་རྒྱན་གྱི་འོད་ཟེར་མེ་ཏོག་ཤིན་ཏུ་རྒྱས་པའི་དཀྱིལ་འཁོར་ཅེས་བྱ་བ་འཇིག་རྟེན་གྱི་ཁམས། སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་ཁང་པ་བརྩེགས་པའི་དབྱིབས་སུ་འདུག་པ། མེ་ཏོག་
D44.035.0113b03.01པདྨོ་སྣ་ཚོགས་ཀྱི་རྒྱན་གྱི་ས་མཚམས་ཅན་རིན་པོ་ཆེ་ཐམས་ཅད་ཀྱི་འོད་གཟེར་དང་རིན་པོ་ཆེའི་ཁ་དོག་རྒྱ་མཚོ་ལ་རབ་ཏུ་གནས་པ། ཁ་དོག་ཐམས་ཅད་ཀྱི་གོས་དང་མུ་ཏིག་དང་སྟེགས་བུས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དགའ་བ་རྒྱ་མཚོའི་
D44.035.0113b04.01ཤུགས་དང་། ཡོན་ཏན་གྲགས་པའི་དབང་ཕྱུག་འོད་གཟེར་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཡང་དག་པར་འབྱུང་བའི་གཟི་བརྗིད་ཅེས་བྱ་བ་
D44.035.0113b05.01འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ། ནོར་བུའི་རྒྱལ་པོ་སྒྲ་ཐམས་ཅད་གཏོང་བའི་རྒྱན་གྱི་ས་མཚམས་ཅན། རིན་པོ་ཆེ་སྣ་ཚོགས་ཀྱི་ཁ་དོག་ལྟ་བུའི་པདྨོ་
D44.035.0113b06.01ལ་འདུག་ཅིང་ནམ་མཁའི་རྒྱ་མཚོ་ལ་རབ་ཏུ་གནས་པ། མིག་འཕྲུལ་གྱི་དབྱིབས་ལྟ་བུར་འདུག་པ། འོད་ཀྱི་མེ་ཏོག་གི་དྲ་བའི་སྤྲིན་ཁ་དོག་མཐའ་ཡས་པས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་གྲགས་པ་ཆེན་པོའི་ཡེ་ཤེས་རྒྱ་མཚོའི་རྒྱལ་
D44.035.0113b07.01