完整藏文原文 · 德格版页 当前仅加载第 35 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དུ་ཡང་། །རི་མོ་གང་ཡང་མི་དམིགས་སོ། །སེམས་དེ་རྟག་པ་མ་ཡིན་པ། །བསམ་གྱིས་{མྱི་,མི་}ཁྱབ་ཚད་མེད་ཅིང་། །ཕན་ཚུན་ཤེས་པ་{མྱེད་,མེད་}པ་ཡི། །གཟུགས་རྣམས་ཐམས་ཅད་སྟོན་པར་བྱེད། །ཇི་ལྟར་རི་མོ་མཁན་གྱི་རྣམས། །སེམས་ནི་
D44.035.0304b01.01གང་གིས་རི་མོ་དེ། །བྲིས་པའི་སེམས་ཀྱང་མི་ཤེས་པ། །དེ་བཞིན་ཆོས་ཀྱི་རང་བཞིན་ནོ། །སེམས་ནི་རི་མོ་མཁན་དང་འདྲ། །སེམས་ནི་ཕུང་པོ་བྱེད་པ་སྟེ། །འཇིག་རྟེན་ཁམས་ན་ཇི་སྙེད་པའི། །འཇིག་རྟེན་འདི་དག་སེམས་ཀྱིས་བྲིས། །སེམས་དང་
D44.035.0304b02.01འདྲ་བ་སངས་རྒྱས་ཏེ། །སངས་རྒྱས་ཇི་བཞིན་འགྲོ་བའོ། །སེམས་དང་སངས་རྒྱས་དག་ལ་ཡང་། །ངོ་བོ་ཉིད་ཀྱིས་ཟད་པ་མེད། །སེམས་ཀྱི་རྒྱུད་རྣམས་ཅི་འདྲ་བ། །དེ་དག་སངས་རྒྱས་རབ་ཏུ་མཁྱེན། །དེ་ཕྱིར་སངས་རྒྱས་རང་བཞིན་གྱིས། །འགྲོ་བ་
D44.035.0304b03.01སྣ་ཚོགས་གྱུར་པར་སྣང་། །ལུས་ཀྱི་རྣམས་ལ་སེམས་མེད་དེ། །སེམས་ལའང་ལུས་རྣམས་ཡོད་པ་{མྱིན,མིན}། །སངས་རྒྱས་མཛད་པའང་རབ་ཏུ་བྱེད། །དེ་ལྟར་སྤྱོད་པ་ངོ་མཚར་ཆེ། །གང་ཞིག་དུས་གསུམ་ཐམས་ཅད་ཀྱི། །རྒྱལ་བ་ཐམས་ཅད་ཤེས་འདོད་
D44.035.0304b04.01ན། །སངས་རྒྱས་ཐམས་ཅད་སེམས་ཀྱི་དངོས། །ཆོས་ཀྱི་དབྱིངས་སུ་བལྟ་བར་གྱིས། །དེ་ནས་བྱང་ཆུབ་སེམས་དཔའ་ཡེ་ཤེས་དང་ལྡན་པས། སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་དེ་སྨྲས་པ། །གཟུང་དུ་མེད་
D44.035.0304b05.01ལ་འཛིན་ཅེས་བྱ། །སྣང་བ་མེད་ལ་སྣང་བ་སྟེ། །མཉན་དུ་མེད་པ་མཉན་པར་བྱེད། །སེམས་མེད་པ་ཡི་སེམས་དང་ལྡན། །ཚད་མེད་པ་ལ་ཚད་མ་ཡིན། །གང་ཞིག་འཛིན་པར་མི་འདོད་པ། །དེ་ནི་ཚད་མེད་ཚད་མ་ཡིན། །ནམ་ཡང་འཛིན་པར་མི་འགྱུར་རོ། །
D44.035.0304b06.01བརྗོད་དུ་མེད་པ་སྨྲ་བྱེད་པ། །བདག་ལ་ཤིན་ཏུ་བསླུ་བ་སྟེ། །དེ་ཡི་དོན་ཀྱང་བརྗོད་མི་བྱེད། །སྲོག་ཆགས་རྣམས་ཀྱང་ཚིམ་མི་འགྱུར། །དེ་བཞིན་མཐའ་ཡས་བརྗོད་ལྡན་པའི། །བརྗོད་པ་གང་ཞིག་སྨྲ་འདོད་པ། །བསྐལ་པ་གྲངས་མེད་ཟད་བྱས་ཀྱང་། །རང་
D44.035.0304b07.01