完整藏文原文 · 德格版页 当前仅加载第 35 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ། །དེ་དག་དེ་བཞིན་གཤེགས་པར་གྱུར། །འཇིག་རྟེན་ཁམས་འདི་མཐོང་གྱུར་ཏེ། །སངས་རྒྱས་ཆེ་བ་ཉིད་དག་ལ། །གང་གི་སེམས་ནི་མི་གཡོ་བ། །དེ་དག་མི་ཡི་མཆོག་ཏུ་འགྱུར། །སངས་རྒྱས་ཆོས་ལ་གང་གི་རྣམས། །མཉམ་པའི་སེམས་
D44.035.0192b01.01སུ་རབ་འཇུག་ཅིང་། །མི་གཉིས་མངོན་གྱུར་བརྟན་པ་རྣམས། །དེ་དག་བསམ་གྱིས་མི་ཁྱབ་འགྱུར། །གང་རྣམས་བདག་དང་སངས་རྒྱས་དག །རང་བཞིན་མཉམ་པར་རབ་གནས་ཤིང་། །མི་གནས་ལེན་པ་མེད་པ་རྣམས། །དེ་དག་བདེ་བར་གཤེགས་པར་
D44.035.0192b02.01འགྱུར། །གཟུགས་དང་ཚོར་བ་འདུ་ཤེས་དང་། །རྣམ་པར་ཤེས་དང་སེམས་པ་དག །གྲངས་མེད་དེ་བཞིན་གཤེགས་པ་རྣམས། །དེ་དག་ཐུབ་པ་ཆེན་པོར་འགྱུར། །བལྟ་བར་བྱ་ལས་འདས་པ་དང་། །རྣམ་པར་བལྟ་ལས་དེ་བཞིན་ཏེ། །ཆོས་ལ་གང་
D44.035.0192b03.01དག་རྨོངས་མེད་པ། །དེ་དག་རབ་ཏུ་འོད་བྱེད་འགྱུར། །གང་གིས་ཤེས་རབ་ཆེན་པོ་རྣམས། །སེམས་བསྐྱེད་ཀུན་ལ་རབ་གནས་ཤིང་། །ཐམས་ཅད་མཐོང་ཡང་སྐྱེ་མེད་པ། །དེ་དག་གྲགས་པ་ཆེན་པོར་འགྱུར། །སེམས་ཅན་རྣམས་ལ་སྐྱེ་བ་མེད། །འཇིག་
D44.035.0192b04.01པའང་ཡོད་པ་མ་ཡིན་ཏེ། །དེ་ལྟར་གང་གིས་ཤེས་པ་ནི། །དེ་དག་བླ་ན་མེད་པར་འགྱུར། །གང་གིས་གཅིག་ལ་མང་ཤེས་ཤིང་། །མང་པོའང་གཅིག་ཏུ་རབ་རྟོགས་ཏེ། །གནས་ཀྱི་རྣམས་སུའང་འབྱུང་འགྱུར་བ། །དེ་དག་འཇིགས་པ་མེད་པར་འགྱུར། །དེ་ནས་འོད་
D44.035.0192b05.01ཟེར་དེ་དག་འཇིག་རྟེན་གྱི་ཁམས་འདི་ནས་འདས་ཏེ། ཤར་ཕྱོགས་སུ་འཇིག་རྟེན་གྱི་ཁམས་བཅུ་བཅུ་སྣང་བར་བྱས་སོ། །དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་སུ་འཇིག་རྟེན་གྱི་ཁམས་བཅུ་བཅུ་སྣང་བར་བྱས་སོ། །བྱང་ཤར་གྱི་ཕྱོགས་
D44.035.0192b06.01མཚམས་དང་། ཤར་ལྷོའི་ཕྱོགས་མཚམས་དང་། ལྷོ་ནུབ་ཀྱི་ཕྱོགས་མཚམས་དང་། ནུབ་བྱང་གི་ཕྱོགས་མཚམས་དང་། འོག་གི་ཕྱོགས་དང་སྟེང་གི་ཕྱོགས་དག་ཏུ་ཡང་འཇིག་རྟེན་གྱི་ཁམས་བཅུ་བཅུ་སྣང་བར་བྱས་སོ། །འཇིག་རྟེན་གྱི་ཁམས་རེ་རེ་ཞིང་ཡང་
D44.035.0192b07.01