完整藏文原文 · 德格版页 当前仅加载第 35 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
པས་སྲིད་པ་རྒྱ་མཚོ་འདིར། །སྣ་ཚོགས་ཐབས་ཀྱིས་སེམས་ཅན་སྨིན་བྱས་པ། །དེ་དག་རྒྱལ་བ་དེ་ཡི་ཆོས་འཛིན་ཏོ། །ཡོངས་དག་དྲི་མེད་འཁོར་རྣམས་འཁོད་པ་དག །ཐམས་ཅད་སངས་རྒྱས་ལྟ་ཞིང་རྣམ་པར་གནས། །པདྨོའི་སྙིང་པོ་པདྨོ་གདན་བཞུགས་པ། །
D44.035.0058b01.01ཚོགས་ཀྱི་ནང་ན་རྒྱལ་བ་མངོན་པར་མཛེས། །སངས་རྒྱས་གང་ན་བཞུགས་པའི་སེང་གེའི་ཁྲི། །རིན་ཆེན་ནོར་བུའི་རྒྱལ་པོའི་འོད་འཕྲོ་ཞིང་། །སྤོས་འཕྲོ་སྤྲིན་རྣམས་མཐའ་ཡས་རབ་ཏུ་འབྱུང་། །སྙིང་པོ་དུ་མའི་མེ་ཏོག་ཕྲེང་སྤྱངས་པའོ། །རིན་ཆེན་འོད་འཕྲོའི་སྤྲིན་
D44.035.0058b02.01ནི་རྟག་ཏུ་འགྱེད། །འོད་ཟེར་སྒྲོན་མ་རྒྱ་ཆེན་རབ་ཏུ་འབར། །རྟ་བབས་རྣམ་པ་སྣ་ཚོགས་རྣམས་ཀྱིས་བརྒྱན། །ཐུབ་པ་དེ་བཞུགས་མངོན་པར་རབ་ཏུ་མཛེས། །སྒྲ་དབྱངས་ཡིད་དུ་འོང་བ་རབ་ཏུ་འགྱེད། །རིན་ཆེན་ཚོན་དུ་སྣ་ཚོགས་པདྨོ་འཕྱང་། །ནོར་བུའི་རྒྱལ་
D44.035.0058b03.01པོས་སྐར་ཁུང་ཀུན་གནས་བརྒྱན། །སངས་རྒྱས་དེ་བཞུགས་རྣམ་པར་རབ་ཏུ་མཛེས། །ཟླ་གམ་རིན་ཆེན་མང་པོས་ཡོངས་སུ་བཟུང་། །རྡོ་རྗེ་འོད་འཕྲོ་སྣང་བའི་སྙིང་པོས་བརྒྱན། །གཙུག་ན་ནོར་བུའི་བྱང་ཆུབ་སེམས་དཔས་བཟུང་། །སངས་རྒྱས་དེ་བཞུགས་རྣམ་
D44.035.0058b04.01པར་ཤིན་ཏུ་མཛེས། །ཕྱོགས་བཅུར་སྤྲུལ་པའི་དྲ་བ་རབ་བཀྱེ་ཞིང་། །དེ་བཞིན་གཤེགས་པའི་སྨོན་ལམ་སྒྲ་ཡང་སྒྲོག །གཟུགས་བརྙན་བཞིན་དུ་ཞིང་རྣམས་ཀུན་ན་སྣང་། །ཐུབ་པ་དེ་འདྲའི་སེང་གེའི་གདན་ལ་བཞུགས། །དེ་ནས་བྱང་ཆུབ་སེམས་དཔའ་སྒྲ་དབྱངས་
D44.035.0058b05.01ཀུན་ཏུ་སྒྲོག་པས། སངས་རྒྱས་ཀྱི་མཐུས་འཁོར་གྱི་དཀྱིལ་འཁོར་དུ་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འདི་ནི་བདེ་གཤེགས་སངས་རྒྱས་བྱིན་རླབས་ཏེ། །བྱང་ཆུབ་སྤྱོད་པ་སྔན་ཆད་སྤྱད་པ་དང་། །སངས་
D44.035.0058b06.01རྒྱས་མཆོད་པའི་མཆོད་པ་དུ་མ་དག །རྒྱལ་བའི་གདན་ལས་དེ་དག་ཐམས་ཅད་སྣང་། །སྤོས་འོད་སྣང་བ་ནོར་བུའི་རྒྱལ་པོ་ཅན། །མེ་ཏོག་སྙིང་པོ་སེང་གེའི་གདན་གྱི་འཁོར། །རྒྱན་རྣམས་ཐམས་ཅད་གཟུགས་བརྙན་གྱུར་པ་དང་། །འཁོར་རྣམས་དེ་དག་ཐམས་
D44.035.0058b07.01