完整藏文原文 · 德格版页 当前仅加载第 35 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་ཆོས་ཐམས་ཅད་ཀྱི་སའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་ཀྱི་དོན་ཤིན་ཏུ་ཡངས་པའི་གཙུག་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མུ་ཏིག་གི་ཕྱེ་མས་གཞི་མཉམ་པའི་རྒྱན་ཅེས་བྱ་བ་ཡོད་དེ། དེ་ན་དེ་
D44.035.0131b01.01བཞིན་གཤེགས་པ་འོད་ཟེར་གྱི་དྲ་བ་མཆོག་གི་བློ་གྲོས་ཤེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་བཻ་ཌཱུརྱའི་ཟེ་བ་ཤིན་ཏུ་འབྱུང་བ་བསམ་གྱིས་མི་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེ་བརྩེགས་པའི་རྒྱལ་མཚན་ཞེས་བྱ་བ་བཞུགས་
D44.035.0131b02.01སོ། །དེའི་སྟེང་ན་འཇིག་རྟེན་གྱི་ཁམས་འོད་ཚད་མེད་པའི་འཁོར་ལོ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ལ་ཐུབ་པ་མེད་པ་རྒྱ་མཚོའི་སྙིང་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཕྱོགས་རྨོངས་པ་མེད་པར་བལྟ་བ་ཞེས་
D44.035.0131b03.01བྱ་བ་ཡོད་དེ། དེ་ན་དེ་བཞིན་གཤེགས་པ་དོན་ཐམས་ཅད་ཡོངས་སུ་སྦྱངས་པའི་ཡོན་ཏན་དཔག་ཏུ་མེད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དགའ་བ་ཚངས་པའི་དབྱངས་ཤེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་
D44.035.0131b04.01ཀྱི་འཁོར་གྱིས་བསྐོར་བ་གཅིག་ཏུ་དག་པ་སངས་རྒྱས་ཀྱི་ཕྱག་གི་དབྱིབས་ལྟར་འདུག་པ། རིན་པོ་ཆེའི་འོད་ཟེར་གྱི་དྲ་བའི་གློང་གི་རྒྱ་མཚོ་ལ་རབ་ཏུ་གནས་པ། རྒྱན་ཐམས་ཅད་དང་བྱང་ཆུབ་སེམས་དཔའི་ལུས་ཀྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འོད་ལ་
D44.035.0131b05.01ཐོགས་པ་མེད་པས་ཆོས་ཀྱི་དབྱིངས་རྣམ་པར་སྣང་མཛད་ཅེས་བྱ་བ་བཞུགས་སོ། །སྤོས་ཆུའི་རྒྱ་མཚོ་གང་ཆེན་མཚོ་དྲི་མ་མེད་པའི་འོད་འཕྲོ་བའི་སྙིང་པོ་ཞེས་བྱ་བ་དེ་དང་འདབ་ཆགས་སུ་ཤར་ཕྱོགས་ལོགས་ན་སྤོས་ཆུའི་རྒྱ་མཚོ་སྤྲུལ་པའི་ལུས་བཟང་པོ་ཞེས་བྱ་བ་ཡོད་དེ། དེ་ལས་
D44.035.0131b06.01འཇིག་རྟེན་གྱི་ཁམས་ཀྱི་རྒྱུད་ཕྱོགས་ཐ་དད་པ་རབ་ཏུ་གནས་པ་ཞེས་བྱ་བ་མངོན་པར་བྱུང་སྟེ། དེ་དང་འདབ་ཆགས་སུ་སྤོས་ཆུའི་རྒྱ་མཚོ་རྡོ་རྗེ་མིག་གི་རྒྱལ་མཚན་ཞེས་བྱ་བ་ཡོད་དེ། དེ་ལས་འཇིག་རྟེན་གྱི་ཁམས་ཀྱི་རྒྱུད་ཆོས་ཀྱི་དབྱིངས་ལ་ཡང་དག་པར་འཇུག་པའི་རྒྱན་ཅེས་བྱ་བ་
D44.035.0131b07.01